Panmaeq 3:9 - Akha

⁹ Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqdir Yurdav tsawrhaq maqngeur-eu gar, Yurdav tsawrhaq ma laer jaqmyawf myawf-eu, naef Saqdaq-euq zanrdawq khawqnymr-anr gawf-eu deuq, nawq-euq aqkuir-euq dawqpae lar-awr awbyavni ngar janr ma. Khoerngae, ngar, nawq-anr gaq-eu ngar-a laer aqyawfmaf yasiq taef-a.

Panmaeq 3:9 Referans Kwoze

Panmaeq 2:9

Nawˇ aˇ naˆ ni shaˬ zahˬ mˇ luꞈ-eu gaˇ kawˆ hawˇ-eu, aˇ naˆ ni iˇ shaˬ shaˬ-eu gaˇ kawˆ ngaˇ siˬ nya ma. Ehˇ kʼawꞈ, maˇ maˇ ni ehˇ leꞈ naˇ, nawˇ smˇ muiˬ muiˬ-eu meh. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ kʼoeˇ deuˬ neh nawˬ-ahˇ aˇ naˆ ni ja bu ja doeˇ-euˬ gaˇ kawˆ ngaˇ siˬ nya ma. Aˬ yawꞈ maꞈ-aˬ, nehꞈ Saˬdaˬ-ahˇ taꞈ-eu aˇ muˇ tiˬ muˇ meh.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Iˇsaˬyaˇ 49:23

Sahˬ paˬ deuˬ nawˬ-euˬ gʼaˇ duˬ aˬ da-ahˇ duˇ-awˇ, sahˬ paˬ ma deuˬ aˬ ma-ahˇ duˇ tehꞈ-a. Aˬ yawꞈ maꞈ nawˬ-euˬ mehˬ shi awˆ byaˆ-awˇ, nawˬ-ahˇ taˬ huiˬ taˬ mahˇ tehꞈ-a. Aˬ yawꞈ maꞈ nui ma nahˬ yu ni taˬ-eu laꞈ kʼoeˇ, nawˬ-ahˇ yaw zeu baw nehˬ tehꞈ-a. Kʼoeˇ naˇ, ngaˇ Sahˬpaˬ Miˬyehˇ pyeuꞈ-eu nawˇ ya siˬ tehꞈ-a. Ngaˇ caw ba nehˬ laꞈ gaˇ dawˬ-eu tsawˇ haˬ, daˬ maˬ ya ga-eu nawˇ siˬ duˬ tehꞈ-a.”

Iˇsaˬyaˇ 45:14

Iˇsaˬleˬlaˆ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ hawˇ-eu Suˬdaˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ, dawˬ tawˆ luꞈ nawˬ-euˬ meh. Caˇ gawˬ goˇ-eu Seˬbaˇ tsawˇ haˬ kʼoeˇ deuˬ nawˬ-euˬ zaˬ kʼaˆ geuꞈ-awˇ, shmˇ caˆ daˬ-awˇ nawˬ-euˬ mehˬ nah caw teh tehꞈ-a. Naw maꞈ mehˬ shi aˬ yawꞈ maꞈ awˆ byaˆ-awˇ, heu loꞈ-ehˇ ehˇ tehꞈ-a. ‘Naw maꞈ nehˬ-ehˇ Miˬyehˇ jawˇ meh. Aˬ yawꞈ tehꞈ-ehˇ maˇ maˇ ni Miˬyehˇ meh.

Iˇsaˬyaˇ 43:4

Ngaˬ-euˬ mehˬ shi nawˇ aˇ poeˬ kʼaˆ-eu miˇ neh, nawˬ-euˬ saꞈ laˇ ka kʼoꞈ geuꞈ-eu gʼaˇ duˬ, tsawˇ jeuˬ dawˬ tawˆ luꞈ biꞈ dah coeˇ ma.

Iˇsaˬtaˆ 8:17

Sahˬ paˬ-euˬ dawˬ kʼaˇ gaˬ keuˆ-iˇ-euˬ meuˬ yawˬ meuˬ na luꞈ laꞈ kʼoeˇ, Yuˇdaˆ tsawˇ haˬ deuˬ dzaˬ byawˬ dawˇ byawˬ byawˬ-awˇ nah lah lah-euˬ meh. Aˬ cawˬ tsawˇ jeuˬ gʼawˬ mya ni Yuˇdaˆ tsawˇ haˬ-ahˇ guˆ laˇ-awˇ, Yuˇdaˆ tsawˇ jeuˬ geuꞈ-euˬ meh.

Doˆ-iˇ 11:8

Moˇseˬ paˇ ehˇ-eu, “ Kʼoeˇ ngeh jawˇ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ, ngaˬ-euˬ mehˬ shi laˇ-awˇ, aw byaˆ-eu laꞈ kʼoeˇ, ngaˬ-euˬ tsawˇ haˬ dawˬ tawˆ luꞈ sheuˬ-awˇ doˆ-iˇ nehˬ laꞈ-awˬ lehˇ ngaˬ-ahˇ ya shaˇ laˇ tehꞈ-a. Kʼoeˇ sawˇ miˇ tsa teh-ehˇ ngaˇ doˆ-iˇ ma.” Moˇseˬ kʼoeˇ loꞈ-ehˇ dawˬ saˬ saˬ yaꞈ-awˇ, nui ma pehˇ-eu laꞈ kʼoeˇ sahˬ paˬ kʼoeˇ gʼaˬ jawˇ gaˇ neh doˆ-iˇ-euˬ meh.

1 Saˬmeuˬlaˆ 2:36

Nawˬ-euˬ zaˬ nawˬ-euˬ uˆ deuˬ laꞈ kʼoeˇ maˬ shiˇ-ehˇ kʼaˇ dehꞈ yaꞈ-euˬ deuˬ piˇ ma kʼoeˇ gʼaˬ jawˇ gaˇ le-awˇ, pyuˇ hawˇ-eu dzaˬ dzaˬ dawˇ dawˇ ya shaˇ leˇ gaˇ keuˆ tehꞈ-a. ‘Nga maꞈ maˬ ya mehꞈ sehꞈ-eu gʼaˇ duˬ, nawˬ-ahˇ caw mˇ paˬ-ehˇ gʼeh-eu gaˇ jaˆ naˇ bi mˇ laꞈ-awˬ’ lehˇ, piˇ ma kʼoeˇ gʼaˬ-ahˇ aˬ yawꞈ maꞈ ya shaˇ leˇ tehꞈ-a.”

Yoˇhaˬ 17:23

Nawˬ neh ngaˬ-ahˇ kʼehˇ gʼeh leꞈ-euˬ gaˇ kawˆ hawˇ-eu, ngaˬ-ahˇ nawˇ gaˬ-eu loꞈ-ehˇ, ngaˬ-ahˇ jah-eu tsawˇ haˬ heu deuˬ-ahˇ kʼawꞈ nawˇ gaˬ-eu gaˇ kawˆ miˇ tsaˬ zaˬ deuˬ bi siˬ nya-eu gʼaˇ duˬ, ngaˬ-ahˇ jah-eu tsawˇ haˬ heu deuˬ nui ma gʼawˇ mawˇ taꞈ leˇ nya ni, ngaˬ-euˬ laꞈ kʼoeˇ nawˇ jawˇ-awˇ, aˬ yawꞈ maꞈ-euˬ laꞈ kʼoeˇ ngaˇ jawˇ-eu ma.