Panmaeq 21:22 - Akha

²² Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, ngar, meuq heumeuq-euq lafkhoer yawshawr lawv jav-eu maqmawr-aq. Aqjeq mirnae aernar-aq, baoq huiq duidui-eu Sanqpaq Miqyaer hawr-eu Yawrzaq-aq, meuq heumeuq-euq yawshawr lawv pyeuf-eu mae.

Panmaeq 21:22 Referans Kwoze

Yoˇhaˬ 4:23

Ehˇ kʼawꞈ, Miˬyehˇ-euˬ Yaw sahˇ-euˬ baoˬ baˬ da neh, Aˬda-ahˇ siˬ duˬ-eu laꞈ kʼoeˇ uˬ duˬ tahˬ-awˇ, maˇ maˇ ni aˬ yawꞈ geuꞈ mawꞈ-eu uˬ duˬ tahˬ-eu jeˬ mˇ byah nya-eu aˇ nah keuˆ le luꞈ meh. Nymˬ-mˇ kʼawꞈ keuˆ le taˬ-euˬ meh.

2 Laˬsaˬbaˬ 2:6

Ehˇ kʼawꞈ, tsawˇ haˬ tiˬ gʼaˬ-iˬ Miˬyehˇ gʼaˇ duˬ uˬ duˬ tahˬ nymˇ maˬ tsoˆ nehˬ nya-a. Aˬ jeˬ miˇ neh ehˇ naˇ, huiˬ dui jeˇ dui dui-eu mˬ-ahˇ kʼawꞈ, aˬ yawꞈ jawˇ kʼaˇ maˬ deˇ-a. Kʼoeˇ miˇ neh, aˬ yawꞈ-euˬ mehˬ shi yaw saw jeˬ doꞈ damˬ-eu jawˇ duˬ tsoˆ-eu uˬ taꞈ-ehˇ, aˬ yawꞈ gʼaˇ duˬ uˬ duˬ tahˬ nymˇ ngaˇ aˬ joˆ-ehˇ tsoˆ nya nmˇ.

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Panmaeq 16:7

Kʼoeˇ naˇ, lawˇ duˬ jaˆ gaˇ neh heu loꞈ-ehˇ ehˇ doˆ laꞈ gaˇ ngaˇ ya gaˬ-euˬ ma. “Baoˬhuiˬ-eu Sahˬpaˬ Miˬyehˇ-oˇ, nawˬ neh yaˇ kʼaˬ daˇ-euˬ heu-aˬ, tsaˬ dui dawˇdui dui meh.”

Panmaeq 5:6

Kʼoeˇ naˇ, jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ deuˬ tiˬ jawˬ jawˇ luꞈ-eu gʼahˇ ceh jaˆ-eu dzoeˬ dzaˬ nuiˇ mahˬ kʼoeˇ taˆ, Yawˇzaˬ yawꞈ luꞈ gaˇ ya mawˇ-euˬ ma. Yawˇzaˬ kʼoeˇ-aˬ, bi sehꞈ-euˬ gaˇ duˇ-eu meh. Uˬ coeˇ shiꞈ coeˇ tsoꞈ-awˇ, myaˆ nuiˆ shiꞈ nuiˆ tsoꞈ-eu meh. Kʼoeˇ-aˬ, miˇ tsaˬ doe ni pyehˬ taˬ-euˬ Miˬyehˇ-euˬ yaw sahˇ shiꞈ sahˇ pyeuꞈ-eu meh.

Gawˇlawˇsehˇ 2:9

Miˬyehˇ laꞈ kʼoeˇ kʼaˇ ahˇ-eu jeˬ dawˬ tawˆ luꞈ, Ka li laꞈ kʼoeˇ tiˬ byah ni ahˇ-eu meh.

Yoˇhaˬ 4:21

Yeˬsuˇ aˬ yawꞈ-ahˇ ehˇ nehˬ-eu, “Zaˬ miˬ aˬ buˇ-oˇ, ngaˇ ehˇ gaˇ jah-awˬ. Gawˬ jawˬ heu jawˬ kʼoeˇ taˆ maˬ ehˇ, Yeˬluˇsaˬlehˬ meuˬ-ahˇ maˬ ehˇ, Aˬda-ahˇ uˬ duˬ maˬ paˇ tahˬ-eu aˇ nah keuˆ le tehꞈ-a.

Iˇsaˬyaˇ 66:1

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ maˬ ngaˬ-euˬ nuiˇ duˬ pyeuꞈ-awˇ, miˇ maˬ aˬ kuiˇ cawˬ taˬ duˬ ma. Naw maꞈ ngaˬ-euˬ gʼaˇ duˬ nymˇ aˬ joˆ-ehˇ tsoˆ-awˇ, ngaˬ-ahˇ aˬ geu gaˇ bi jawˇ-eu gʼeh te.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Panmaeq 11:17

Aˬ yawꞈ maꞈ ehˇ-eu, “Aˇ hu dehꞈ-awˇ nymˬ-mˇ dehꞈ-eu, Baoˬhuiˬ-eu Sahˬpaˬ Miˬyehˇ-oˇ, Nawˬ-euˬ huiˬ-eu baoˬ nawˇ yuˇ-awˇ, uˆ lahˇ dahˬ beh le-euˬ miˇ neh, nawˬ-euˬ guiˬ lahˬ-ahˇ ja ceuˬ ma.

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

Gawˇlawˇsehˇ 1:19

Aˬ yawꞈ-euˬ laꞈ kʼoeˇ Miˬyehˇ-euˬ seuˆ dzeuꞈ aˇ gʼehˇ tiˬ byah ni bi ahˇ-eu gʼaˇ duˬ, Miˬyehˇ neh noeˬ tsehˆ taˬ-euˬ meh.

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

2 Laˬsaˬbaˬ 6:18

“Ehˇ kʼawꞈ ni Sahˬpaˬ Miˬyehˇ-oˇ, tsawˇ haˬ zaˬ deuˬ nehˬ-ehˇ miˇ tsaˬ kʼoeˆ taˆ nawˇ aˬ diˇ aˬ maˇ jawˇ nya ma loˇ. Mˬ mˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 16:14

Yaw sahˇ kʼoeˇ deuˬ-aˬ, zahˬ leˇ paˬ-ehˇ gʼeh-eu jeˬ mˇ mehˬ-eu nehꞈ kʼoeˇ deuˬ-euˬ yaw sahˇ pyeuꞈ-eu meh. Baoˬ huiˬ-eu Miˬyehˇ-euˬ Aˇnah-ahˇ guiˇ deuˆ-eu gʼaˇ duˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ kuˇ dzoeˇ-eu lehˇ yaw sahˇ kʼoeˇ smˬ sahˇ iˇ-euˬ meh.

Maꞈtehˬ 24:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Nymˇ heu deuˬ-ahˇ naw maꞈ mawˇ luꞈ meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Nymˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ gaˇ keuˆ tehꞈ-a.”

Panmaeq 7:15

Kʼoeˇ miˇ neh, Miˬyehˇ-euˬ dzoeˬ dzaˬ nuiˇ mahˬ mehˬ shi aˬ yawꞈ maꞈ yawꞈ-awˇ, uˬ ciꞈ nah gʼahˇ maˬ ehˇ, aˬ yawꞈ-euˬ uˬ duˬ tahˬ nymˇ nymˇ ma laꞈ kʼoeˇ aˬ yawꞈ-euˬ gaˇ mˇ-eu meh.

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Yoˇhaˬ 13:32

Tsawˇhaˬ-euˬ Zaˬmaˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ ya mawˇ-eu jeˬ ngeuˇ naˇ, Miˬyehˇ-euˬ laꞈ kʼoeˇ Tsawˇhaˬ-euˬ Zaˬmaˇ-euˬ yaw shehꞈ kʼahˬ sehˇ pah mehˬ le tehꞈ-a. Miˬyehˇ yaw kawˇ-ehˇ pah mehˬ le tehꞈ-a.