Panmaeq 20:2 - Akha

² Aˇ hu-euˬ aˇ lawˇ kʼoeˇ mawˇ pyeuꞈ-eu byaˆ yahˬ kʼoeˇ mawˇ-ahˇ aˬ yawꞈ nyehꞈ-awˇ, tiˬ heˇ kʼoꞈ byah ni shmˇ caˆ neh paꞈ tawꞈ taˬ-euˬ meh. Aˇ lawˇ kʼoeˇ-aˬ, Nehꞈ sahˬ paˬ hawˇ-eu nehꞈ Saˬdaˬ lehˇ kʼawꞈ ehˇ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf, naef sanqpaq hawr-eu naef Saqdaq pyeuf-eu byavyanq, arhu-euq arlawr khoermawr-anr nyaef-awr 1,000 khof byanni paftawf taq-euq mae.

Panmaeq 20:2 Referans Kwoze

2 Beˬtuˆluˆ 2:4

Aˬ jeˬ miˇ neh ehˇ naˇ, iˬ baˇ mˇ-eu mˬ taˆ gʼaˬ kʼehˇ deuˬ-ahˇ keuˆ ni Miˬyehˇ maˬ taˬ nehˬ-ehˇ shiˬ buiˇ lah ma-ahˇ biˬ ahˇ-awˇ, Yaˇ kʼaˬ daˇ-eu Aˇ nah-ahˇ dawˬ luꞈ-eu meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Yuˇdaˆ 1:6

Yawˬ ha-ahˇ biꞈ taˬ-euˬ baoˬ laꞈ kʼoeˇ maˬ jawˇ-ehˇ, yawˬ ha-ahˇ bi jawˇ-euˬ jawˇ duˬ-ahˇ byehˇ dzeh-euˬ mˬ taˆ gʼaˬ kʼehˇ kʼoeˇ deuˬ-euˬ gaˇ kawˆ shaˇ noeˬ haw sheˇ. Miˇ oˆ yaw zahˇ laꞈ kʼoeˇ aˬ yawꞈ maꞈ-ahˇ mˬ maˬ maˬ byaˆ zaˇ ziˇ shmˇ caˆ neh paꞈ tawꞈ taˬ-awˇ, aˬ yawꞈ maꞈ-ahˇ yaˇ kʼaˬ daˇ nehˬ-eu Aˇ nah nah huiˬ kʼoeˇ Nah-ahˇ bi dawˬ-euˬ meh.

Yoˇhaˬ 12:31

Nymˬ-mˇ miˇ tsaˬ heu-ahˇ yaˇ kʼaˬ daˇ-eu aˇ yamˬ tsaˬ laˇ-euˬ meh. Nymˬ-mˇ miˇ tsaˬ heu-ahˇ uˆ lahˇ luꞈ-eu gʼaˬ bi teh dzeh tehꞈ-a.

Iˇsaˬyaˇ 27:1

Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

HeˬByehˇ 2:14

Aˬ yawꞈ neh aˬ yawꞈ-euˬ zaˬ deuˬ lehˇ kuˇ-euˬ kʼoeˇ deuˬ-aˬ, shiˬ shaˬ jiˇ pi luꞈ-eu tsawˇ haˬ pyeuꞈ-eu loꞈ-ehˇ, Yeˬsuˇ kʼawꞈ aˬ yawꞈ maꞈ-ahˇ duˇ leˇ-awˇ, aˬ yawꞈ maꞈ loꞈ-ehˇ shiˬ shaˬ jiˇ pi luꞈ-eu tsawˇ haˬ pyeuꞈ-eu meh. Aˬ yawꞈ kamˇ shiˇ-eu laꞈ kʼoeˇ, tsawˇ haˬ zaˬ-ahˇ bi shiˇ nya-eu baoˬ jaˆ-eu Nehꞈ sahˬ paˬ-ahˇ laˆ luꞈ laˆ seˇ-eu gʼaˇ duˬ, aˬ yawꞈ kʼoeˇ loꞈ-ehˇ pyeuꞈ le-euˬ meh.

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

Yoˇhaˬ 16:11

Yaˇ kʼaˬ daˇ-eu gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ yaˇ kʼaˬ daˇ-eu jeˬ-ahˇ ya daˬ gʼaˬ-euˬ meh.

Panmaeq 13:2

Jeˬ zaˬ kʼoeˇ mawˇ kʼaˬ zuiˬ-ahˇ duˇ-eu meh. Aˬ kuiˇ aˬ laꞈ kʼaˬ hmˇ-ahˇ duˇ-awˇ, kʼaˬ meh aˇ laˬ jaˬ shiˇ-ahˇ duˇ-eu meh. Byaˆ yahˬ kʼoeˇ mawˇ-aˬ, aˬ yawꞈ-euˬ baoˬ maˬ ehˇ, dzoeˬ dzaˬ nuiˇ mahˬ maˬ ehˇ, huiˬ dui dui-eu uˆ lahˇ-eu baoˬ maˬ ehˇ, jeˬ zaˬ kʼoeˇ mawˇ-ahˇ biꞈ-euˬ meh.

Panmaeq 12:17

Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-ahˇ nui ma pehˇ dui dui laˇ-awˇ, zaˬ miˬ zaˬ kʼoeˇ gʼaˬ-euˬ dzeˇ luꞈ-eu zaˬ deuˬ uˆ deuˬ pyeuꞈ-eu, Miˬyehˇ-euˬ ehˇ dawˬ naˇ haˬ-awˇ Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ saˇ jaˇ ziꞈ-eu tsawˇ haˬ dawˬ tawˆ luꞈ-ahˇ, guiˇ deuˆ-eu lehˇ doˆ-iˇ-euˬ meh.

Panmaeq 12:15

Byaˆ yahˬ kʼoeˇ mawˇ-aˬ, zaˬ miˬ zaˬ kʼoeˇ gʼaˬ bi bu byoˆ gʼeh-eu gʼaˇ duˬ, kʼaˬ meh-ahˇ iˇ jeuˬ jeuˬ ma tahˬ kʼaˇ doˆ leꞈ-euˬ meh.

Panmaeq 12:13

Byaˆ yahˬ kʼoeˇ mawˇ-aˬ, aˬ yawꞈ-ahˇ miˇ tsaˬ kʼoeˇ taˆ biˬ ka nehˬ-euˬ siˬ leˇ ngeh, aˬ li zaˬ nahˬ ciˬ taˬ-euˬ zaˬ miˬ zaˬ kʼoeˇ gʼaˬ-euˬ mehˬ nah teh-eu meh.

Maˬkuˆ 5:7

Kʼoeˇ naˇ, yaw kʼaˆ-ehˇ guˇ-awˇ ehˇ-eu, “Dawˬ tawˆ kʼoeˇ taˆ Huiˬ dui dui-eu Miˬyehˇ-euˬ Zaˬmaˇ-oˇ. Nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ nehˬ laꞈ lehˇ, Miˬyehˇ mehˬ shi nawˬ-ahˇ ngaˇ shaˇ-eu ma.”

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Yawˇbaˆ 1:7

“Nawˇ aˬ jeˬ mˇ mˇ-ehˇ jawˇ luꞈ te lehˇ” Saˬdaˬ-ahˇ Sahˬpaˬ Miˬyehˇ naˇ haˬ ngeh, “Miˇ tsaˬ tahˬ kʼawˇ doe ni cah cah-ehˇ jawˇ luꞈ-eu ma lehˇ” Saˬdaˬ ehˇ-eu meh.

Panmaeq 13:4

Byaˆ yahˬ kʼoeˇ mawˇ aˬ yawꞈ-euˬ uˆ lahˇ-eu baoˬ deuˬ jeˬ zaˬ kʼoeˇ mawˇ-ahˇ biꞈ nehˬ-euˬ miˇ neh, yawˬ gʼaˬ na luꞈ byaˆ yahˬ kʼoeˇ mawˇ-ahˇ uˬ duˬ tahˬ-eu meh. Jeˬ zaˬ yaw haiˬ kʼoeˇ mawˇ-ahˇ kʼawꞈ, aˬ yawꞈ maꞈ uˬ duˬ tahˬ-awˇ, “Jeˬ zaˬ yaw haiˬ heu mawˇ-ahˇ duˇ-eu aˬ suˇ gʼaˬ jawˇ ta. Aˬ yawꞈ-ahˇ guiˇ deuˆ peuˬ-eu aˬ suˇ gʼaˬ jawˇ ta” lehˇ ehˇ-eu meh.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)

Maꞈtehˬ 19:29

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Aˇ dahˬ 3:1

Aˇ lawˇ-aˬ, Sahˬpaˬ Miˬyehˇ pyeuꞈ-eu Miˬyehˇ neh beh taˬ-euˬ jeˬ zaˬ deuˬ laꞈ kʼoeˇ, aˬ cawˬ naˆ maˬ tseˇ nui ma laꞈ gʼoꞈ baw-eu jeˬ pyeuꞈ-eu meh. “Aˬ diˇ aˬ maˇ yaˇ kmˇ laꞈ kʼoeˇ siˬ-eu aˇ siˬ tiˬ siˬ-iˬ taˬ pyaˆ dzaˬ lehˇ naw nyaꞈ-ahˇ Miˬyehˇ ehˇ ta loˇ” lehˇ, zaˬ miˬ zaˬ kʼoeˇ gʼaˬ-ahˇ aˇ lawˇ kʼoeˇ mawˇ naˇ haˬ-euˬ meh.

Iˇsaˬyaˇ 24:22

Guiˇ deuˆ gaˇ nyehꞈ mi-euˬ tsawˇ haˬ deuˬ, duˬ kʼahˬ tiˬ teuˇ bi nyehꞈ ahˇ-euˬ loꞈ-ehˇ, aˬ yawꞈ maꞈ-ahˇ Miˬyehˇ nyehꞈ ahˇ tehꞈ-a. Aˬ yawꞈ maꞈ-ahˇ kʼehˬ-eu aˇ nah maˬ keuˆ siˬ kʼoeˇ, bi nyehꞈ lahˇ taˬ tehꞈ-a.

Maˬkuˆ 4:15

Tsawˇ haˬ tiˬ paˆ na deuˬ-aˬ, gaˇ ma-ahˇ ga-iˇ-euˬ siˬ yoeˬ-ahˇ duˇ-eu meh. Aˬ yawꞈ maꞈ Miˬyehˇ dawˬ kawˬ-ahˇ ya gaˬ-euˬ nehˬ-ehˇ, nehꞈ Saˬdaˬ oe-awˇ gʼoˆ dzeh-euˬ meh.

Panmaeq 12:3

Zahˬ leˇ paˬ-ehˇ gʼeh-eu yawˬ jeˬ yawˬ mˬ kʼoeˇ taˆ paˇ ya mawˇ-euˬ ma. Neˇ tseuˆ ni gʼeh-eu byaˆ yahˬ tiˬ mawˇ uˬ duˬ shiꞈ siˬ tsoꞈ-awˇ, uˬ coeˇ tseˇ coeˇ tsoꞈ-eu meh. Uˬ duˬ aˬ yawꞈ siˬ yawꞈ-ahˇ, shuiˇ uˬ kʼoˆ kʼoˆ luꞈ-eu meh.

Panmaeq 12:4

Aˬ yawꞈ-euˬ dawˬ miˬ neh mˬ taˆ-euˬ aˬ guiˇ smˬ bymˇ tiˬ bymˇ-ahˇ miˇ tsaˬ kʼoeˇ taˆ yaˆ dzeh leꞈ-euˬ meh. Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-euˬ mehˬ shi yawꞈ-awˇ, zaˬ ciˬ doˆ leꞈ-eu nehˬ-ehˇ dzaˬ-eu lehˇ gʼeh-eu meh.

Panmaeq 20:7

Tiˬ heˇ kʼoꞈ aˇ yamˬ dzeuˇ ngeh, nehꞈ Saˬdaˬ-ahˇ paꞈ taˬ-euˬ pyehˬ nehˬ tehꞈ-a.

Panmaeq 20:10

Kʼoeˇ naˇ, aˬ yawꞈ maꞈ-ahˇ jaˬ myawꞈ mehˇ shuiˇ shuiˇ-euˬ Nehꞈ sahˬ paˬ-aˬ, jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu gʼaˬ-ahˇ baꞈ ahˇ nehˬ-euˬ lah pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ lah kʼoeˇ lah-ahˇ bi baꞈ ahˇ tehꞈ-a. Aˬ yawꞈ maꞈ-aˬ, mˬ maˬ maˬ byaˆ zaˇ ziˇ uˬ ciꞈ nah gʼahˇ maˬ ehˇ ya shaˬ ya zahˬ dui dui tehꞈ-a.

Yeˬsaˬgeˬlaˇ 47:5

Laꞈ oˆ paw nyiˬ yaˇ ngaˬ tseˇ lmˇ paˇ dza ka gʼeh ngeh, iˇ cuꞈ naꞈ dui dui-eu miˇ neh, iˇ diˬ maˬ diˬ naˇ maˬ tsehˆ nya ni jaˆ-eu meh.