Panmaeq 2:25 - Akha

²⁵ Ehˇ kʼawꞈ, ngaˇ oe ngeh keuˆ ni naw maꞈ kʼaˇ jaˆ luꞈ-eu jeˬ-ahˇ ziꞈ dah ni tuˆ tehˬ taˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aerkhawf, ngar oe-eu ngae keuvni, nawmaf javluf-eu jeq-anr zifdanni nyaeftaeq taq-awq.

Panmaeq 2:25 Referans Kwoze

Panmaeq 3:11

Ngaˇ yaw kawˇ-ehˇ oe ma. Naw maꞈ-euˬ gʼaˬ leˇ-eu laꞈ sawˬ-ahˇ tsawˇ haˬ tiˬ gʼaˬ-iˬ maˬ bi lu doˆ geuꞈ-eu gʼaˇ duˬ, naw maꞈ jaˆ luꞈ-eu jeˬ-ahˇ yaw muiˬ paˬ-ehˇ jeˬ hmˬ taˬ-awˬ.

Panmaeq 22:7

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh.”

Panmaeq 3:3

Nawˬ-ahˇ mehˬ nehˬ tsoˆ nehˬ-euˬ jeˬ hawˇ-eu nawˬ neh ya gaˬ taˬ-euˬ jeˬ-ahˇ noeˬ keuˆ-awˬ. Kʼoeˇ-ahˇ naˇ haˬ geuꞈ-awˇ, iˬ baˇ-ahˇ byehˇ dzeh-awˬ. Nawˇ maˬ noeˬ laˇ naˇ, smˇ kʼoeˬ oe-eu loꞈ-ehˇ nawˇ jawˇ gaˇ ngaˇ oe-awˇ, ngaˇ oe-eu aˇ yamˬ nawˇ maˬ ya siˬ-aˇ.

HeˬByehˇ 10:23

Aˬ dui neh jah duˬ taˬ-euˬ noeˬ tmˬ-eu jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ loꞈ-ehˇ mˇ byah nehˬ laꞈ tehꞈ-a lehˇ aˬ dui jah-eu ma.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

Yoˇhaˬ 14:3

Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

1 Gawˇliˬtu 11:26

Naw maꞈ kaˬ muˇ kʼoeˇ dzaˬ-awˇ kʼmˬ maˬ kʼoeˇ kʼaˇ dawˇ ngeh, Sahˬpaˬ Yeˬsuˇ zaˬ le ngeh keuˆ ni aˬ yawꞈ shiˇ-euˬ gaˇ kawˆ saˇ kiˇ kamˬ luꞈ gaˇ duˇ-eu meh.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

Gʼaˬkʼehˇ 11:28

Miˬyehˇ gʼaˇ duˬ ngehˬ dah-eu kʼoeˇ deuˬ laꞈ kʼoeˇ, Aˬgaˬbuˇ lehˇ myahˇ-euˬ gʼaˬ tuˇ laˇ-awˇ, “Miˇ tsaˬ heu dawˬ tawˆ luꞈ kʼoeˇ taˆ, mehꞈ dui shuꞈ dui dui-eu jeˬ keuˆ le tehꞈ-a” lehˇ, Yaw sahˇ Miˬyehˇ-euˬ baoˬ-ahˇ gʼoe-awˇ ehˇ-eu meh. (Mehꞈ-eu shuꞈ-eu kʼoeˇ poˆ-aˬ, Loˇmaˆ sahˬ paˬ Gaˬlawˇdiˇ dzoeˬ dzaˬ ngeh keuˆ le-euˬ meh.)