Panmaeq 19:17 - Akha

¹⁷ Kʼoeˇ naˇ, nahˇ ma kʼoeˇ taˆ yawꞈ luꞈ-eu mˬ taˆ gʼaˬ kʼehˇ tiˬ gʼaˬ-ahˇ ngaˇ ya mawˇ-euˬ ma. Mˬ-euˬ gʼahˇ ceh kʼaˇ zaw luꞈ-eu aˇ jiˇ dawˬ tawˆ luꞈ-ahˇ, aˬ yawꞈ yaw kʼaˆ-ehˇ guˇ-awˇ heu loꞈ-ehˇ ehˇ nehˬ-euˬ meh. “Miˬyehˇ-euˬ huiˬ dui dui-eu bawˬ-iˬ-ahˇ uiˬ laˇ bymˇ laˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoerngae, ngar, nanrma-euq ghanrcae mqtav ghaqkhaer tiq ghaq yawfluf-eu gar ya’mawr-euq ma. Mq-euq ghanrcae kharzaw luf-eu arjir deuq-anr aqyawf gur-awr, tersar yawkhav-aer heulof-aer aernaeq-euq mae, “Nawmaf tiqkawv lof-aer, Huiq-eu Miqyaer-euq yawbui-anr uiqlar bymrlar-awq.

Panmaeq 19:17 Referans Kwoze

Panmaeq 19:21

Aˬ yawꞈ maꞈ-euˬ guiˇ maꞈ deuˬ-aˬ, mahˬ dziˬ luꞈ-eu gʼaˬ-euˬ kʼaˬ meh-ahˇ doˆ le-euˬ miˬ cehˇ neh bi sehꞈ jiˇ-euˬ meh. Aˇ jiˇ dawˬ tawˆ luꞈ aˬ yawꞈ maꞈ-euˬ shaˬ jiˇ tiˬ dehˆ dzaˬ-euˬ meh.

Panmaeq 8:13

Kʼoeˇ naˇ, ngaˇ haw gʼeh ngeh, yaw goˇ-ahˇ zaw luꞈ-eu kʼaˬ dzeˇ dzeˇ ma tiˬ mawˇ yaw kʼaˆ-ehˇ guˇ-awˇ heu loꞈ-ehˇ ehˇ-eu teˇ saˇ ya gaˬ-euˬ ma. “Aˇ loˇ. Guˆ-eu gaˆ-eu jeˬ, guˆ-eu gaˆ-eu jeˬ. Dzeˇ-eu mˬ taˆ gʼaˬ kʼehˇ kʼoeˇ smˇ gʼaˬ daˇ heh paˇ baw laˇ naˇ, miˇ tsaˬ kʼoeˇ taˆ kʼaˇ jawˇ-eu deuˬ aˇ naˆ ni ya guˆ ya gaˆ, ya shaˬ ya zahˬ-eu maˬ paˇ ehˇ jiˇ coeˇ ngaˇ.”

Yeˬlaˬmiˇ 12:9

Ngaˬ neh tseˇ doˆ-euˬ tsawˇ jeuˬ-aˬ, kʼaˬ dzeˇ baˬ maꞈ neh bi tsuˆ-euˬ aˇ jiˇ meh. Aˇ jiˇ kʼoeˇ mawˇ-ahˇ bi dzaˬ-eu gʼaˇ duˬ, bawˇ tsahˬ jeˬ zaˬ dawˬ tawˆ luꞈ kuˇ uiˬ-awˬ.

Iˇsaˬyaˇ 56:9

Aˬ cawˬ tsawˇ jeuˬ-ahˇ Sahˬpaˬ Miˬyehˇ ehˇ nehˬ-eu, “Haiˬ-eu kʼaˬ zuiˬ kʼaˬ laˬ loꞈ-ehˇ oe-awˇ, ngaˬ-euˬ tsawˇ jeuˬ-ahˇ kawꞈ sehꞈ dzaˬ le-awˬ.

Panmaeq 14:6

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-euˬ gʼahˇ ceh zaw gaˇ ngaˇ ya mawˇ-euˬ ma. Aˬ yawꞈ-aˬ, miˇ kʼahˬ tsawˇ jeuˬ tsawˇ ca dawˬ tawˆ luꞈ-ahˇ ja ceuˬ-eu gʼaˇ duˬ mˬ maˬ maˬ byaˆ zaˇ ziˇ Laˬ kʼaˬ cehˇ-eu Guiˬ lahˬ dawˬ pi luꞈ-eu meh.

1 Saˬmeuˬlaˆ 17:44

“Laˇ-awˬ, kʼoeˇ taˆ paw zaw-eu aˇ jiˇ deuˬ hawˇ-eu bawˇ tsahˬ jeˬ zaˬ deuˬ-ahˇ, nawˬ-eu shaˬ jiˇ bi dzaˬ ma” lehˇ, Daˬbiˇ-ahˇ aˬ yawꞈ ehˇ nehˬ-euˬ meh.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Yeˬsaˬgeˬlaˇ 31:13

Aˇ jiˇ deuˬ coˬ-iˇ taˬ-euˬ aˇ bawˇ kʼoeˇ taˆ ga dawꞈ le-awˇ, bawˇ tsahˬ jeˬ zaˬ deuˬ uˬ pyaˬ uˬ laꞈ kʼoeˇ taˆ nawˬ nawˬ-ehˇ cah tehꞈ-a.