Panmaeq 18:13 - Akha

¹³ cawˬ kʼaˬ cawˬ piˇ deuˬ, tsaˬ gawˬ baˬ gawˬ deuˬ, dzaˇ muiˇ dzaˇ sawˇ deuˬ, aˬ gaꞈ dzaˇ uiˇ deuˬ, dzaˬ-eu tsiˇ deuˬ, cehˇ meu hawˇ-eu cehˇ deuˬ, mawˇ neˇ hawˇ-eu yawˇ deuˬ, mahˬ hawˇ-eu mahˬ laˆ lawˬ deuˬ, zaˬ kʼaˆ deuˬ, tsawˇ haˬ-euˬ saꞈ laˇ deuˬ, heu deuˬ-ahˇ zeuˇ-eu gʼaˬ maˬ jawˇ-ehˇ pyeuꞈ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ cawqkaq cawqpir, tsaqgawq, dzarmuir dzarsawr, laefsaw-eu jeq, lawrbaoq, aqgaf dzaruir, tsir, caermeu, caer, mawrner, yawr, manq, manq lavlawq, zaqkhav hawr-eu tsawrhaq-euq daefzir heudeuq mae.

Panmaeq 18:13 Referans Kwoze

Yeˬsaˬgeˬlaˇ 27:13

Giˇliˇ meuˬ, Tuˇbaˬlaˇ meuˬ, Meˬshehˆ meuˬ heu deuˬ nehˬ-ehˇ nawˇ jeˬ gaꞈ taˬ-awˇ, nawˬ-euˬ myawˬ gahˬ deuˬ neh, zaˬ kʼaˆ deuˬ hawˇ-eu guiˬ shuiˇ neh jahˇ-euˬ mˇ myawˬ deuˬ nawˇ paˇ doˆ geuꞈ-euˬ meh.

Aˬmoˆ 2:6

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-ahˇ dziˇ dzoˆ maˬ tsoeˬ nehˬ nya-eu yaw sui yaw dawˇ tsawˇ haˬ deuˬ hawˇ-eu, sehˬ nawˆ tiˬ juꞈ aˇ poeˬ maˬ tsoeˬ tsehˆ nya gaˇ keuˆ ni shaˬ-eu tsawˇ haˬ deuˬ-ahˇ, aˬ cawˬ zaˬ kʼaˆ bi geuꞈ-eu lehˇ aˬ yawꞈ maꞈ ahˬ dzaˬ-euˬ meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

Neˬhaˬmiˇ 5:8

heu loꞈ-ehˇ ehˇ nehˬ-euˬ ma. “Maˬ gʼeh nya-ehˇ pyeuꞈ laˇ-awˇ aˬ cawˬ tsawˇ jeuˬ-euˬ laꞈ-ahˇ ahˬ ahˇ nehˬ-eu lehˇ gʼeh-eu Yuˇdaˆ tsawˇ haˬ deuˬ-ahˇ aˬ dui kʼaˇ gʼeh nya-eu loꞈ-ehˇ zeuˇ kʼoꞈ nehˬ-euˬ ma. Nymˬ-mˇ poˆ jawˇ-aˬ, yawˬ ha tsawˇ jeuˬ pyeuꞈ-eu Yuˇdaˆ tsawˇ haˬ-ahˇ yawˬ ha paˇ zeuˇ geuꞈ-eu lehˇ naw maꞈ leh jeh luꞈ-eu nga laˬ.” Aˬ yuiꞈ aˬ tsu kʼoeˇ deuˬ ciˬ cuˇ ni jawˇ-awˇ tiˬ jeˬ-iˬ maˬ ngehˬ maˬ tmˇ nya ni pyeuꞈ-iˇ-euˬ meh.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Dawˬmehˬ 24:7

“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.

Doˆ-iˇ 21:16

“Ahˬ dzaˬ-eu gʼaˇ duˬ maˬ ehˇ, yawˬ ha-euˬ zaˬ kʼaˆ bi geuꞈ-eu gʼaˇ duˬ maˬ ehˇ, tsawˇ haˬ-ahˇ kʼoeˬ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

Aˬmoˆ 8:6

Maˬ muiˬ-eu cehˇ deuˬ-ahˇ kʼawꞈ nga maꞈ aˇ poeˬ ahˬ kʼaˆ nya ma. Yawˬ ha-euˬ dziˇ dzoˆ maˬ tsoeˬ kʼoꞈ nya-ehˇ, sehˬ nawˆ tiˬ juꞈ aˇ poeˬ kʼawꞈ maˬ tsoeˬ tsehˆ nya-eu iˇ shaˬ zaˬ tiˬ gʼaˬ na tahˬ puˬ le tehꞈ-a. Kʼoeˇ ngeh jawˇ, zaˬ kʼaˆ bi geuꞈ-eu gʼaˇ duˬ aˬ yawꞈ-euˬ gʼawˇ mawˇ mawˇ lah-ehˇ zeuˇ tsehˆ ma.”

Aˬmoˆ 6:6

Naw maꞈ naˬ bo bo ma-ahˇ neh aˬ gaꞈ dzaˇ uiˇ dawˇ-awˇ, muiˬ dui dui-eu tsiˇ yaw saw jeˬ zmˬ-eu meh. Ehˇ kʼawꞈ, Iˇsaˬleˬlaˆ miˇ kʼahˬ luˬ-iˇ seˇ-iˇ gaˇ naw maꞈ tsawˇ ngoeˇ maˬ ngoeˇ nehˬ-a.

Dawˬ caˇ 5:5

Aˬ yawꞈ bi uˇ laˇ law lehˇ ngaˇ lehˬ hmˬ taˬ-euˬ ma. Ngaˬ-euˬ aˬ laꞈ-ahˇ muˇ laˬ tsiˇ sawˆ-awˇ, ngaˬ-euˬ laꞈ noeˇ-ahˇ muˇ laˬ tsiˇ lehꞈ-awˇ, laˇ gʼoˆ sehˬ-ahˇ ngaˇ tuˆ tehˬ-euˬ ma.

Dawqdaq 7:17

Muˇ laˬ, aˬ loˬ, siˬ naˬ moˬ tsiˇ yaw saw deuˬ, yuꞈ zaˇ kʼoeˇ taˆ byaˆ shehˬ taˬ-euˬ ma.

2 Laˬsaˬbaˬ 9:9

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, dzaˇ muiˇ dzaˇ sawˇ deuˬ, tsiˇ yaw saw jeˬ hawˇ-eu aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Sheˬba sahˬ paˬ ma neh sahˬ paˬ Sawˇlaˬmoˬ-ahˇ biꞈ-euˬ loꞈ-ehˇ muiˬ-euˬ dzaˇ muiˇ dzaˇ sawˇ hawˇ-eu tsiˇ yaw saw jeˬ miˇ tsaˬ kʼoeˇ taˆ tiˬ gaˇ-iˬ maˬ jaˆ-a.

1 Sahˬpaˬ 10:25

Aˬ yawꞈ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, shuiˇ hawˇ-eu pyuˇ neh jahˇ taˬ-euˬ myawˬ guˇ deuˬ, pehˇ kʼahˬ pehˇ mahˇ deuˬ, guiˇ deuˆ-eu keu ka deuˬ, tsiˇ yaw saw jeˬ, dzaˇ muiˇ dzaˇ sawˇ deuˬ, mahˬ hawˇ-eu mahˬ shaˆ lawˬ deuˬ yuˇ-awˇ, laꞈ sawˬ biꞈ laˇ-euˬ meh. Yawˬ kʼoꞈ na luꞈ, aˬ yawꞈ maꞈ kʼoeˇ loꞈ-ehˇ aˬ yawꞈ jawˇ gaˇ laꞈ sawˬ yuˇ laꞈ nehˬ-euˬ meh.

1 Sahˬpaˬ 10:15

Baw gaꞈ deuˬ neh kawˬ doˆ-euˬ maˬ ahˇ leˇ-ehˇ, jeˬ gaꞈ kʼaˇ gaꞈ jeuˬ-euˬ deuˬ maˬ ehˇ, Aˬleˬbyaˇ sahˬ paˬ deuˬ neh kawˬ doˆ nehˬ-euˬ deuˬ maˬ ehˇ, Iˇsaˬleˬlaˆ miˇ kʼahˬ laꞈ kʼoeˇ biˇ taˬ-euˬ miˇ kʼahˬ kʼahˬ zaˬ deuˬ kʼoeˇ taˆ uˆ lahˇ-eu sahˬ paˬ sahˬ ma deuˬ neh kawˬ doˆ nehˬ-euˬ deuˬ maˬ ehˇ, tiˬ pawꞈ-iˬ maˬ sawˇ ahˇ ni, kʼoeˇ myaˆ ni gʼeh-eu shuiˇ aˬ yawꞈ za taˬ-euˬ meh.

1 Sahˬpaˬ 10:10

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, myaˬ dui dui-eu dzaˇ muiˇ dzaˇ sawˇ deuˬ hawˇ-eu tsiˇ yaw saw jeˬ maˬ ehˇ, aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Aˬ yawꞈ neh biꞈ-euˬ dzaˇ muiˇ dzaˇ sawˇ hawˇ-eu tsiˇ yaw saw kʼoeˇ deuˬ myaˆ ni myaˬ-eu laꞈ sawˬ deuˬ, sahˬ paˬ Sawˇlaˬmoˬ tiˬ jawˇ-iˬ maˬ za haw-aˬ.

Dawˬmehˬ 28:68

Iˇjiˇtuˆ miˇ kʼahˬ-ahˇ naw maꞈ tiˬ jawˇ-iˬ maˬ paˇ ya gʼoꞈ-iˇ meh lehˇ Sahˬpaˬ Miˬyehˇ ehˇ taˬ-euˬ kʼawꞈ, saˇ baoˬ dziˬ-awˇ paˇ bi gʼoꞈ-iˇ nehˬ laꞈ tehꞈ-a. Kʼoeˇ gaˇ, naw maꞈ-ahˇ muiˇ-eu deuˬ-euˬ zaˬ kʼaˆ geuꞈ-eu gʼaˇ duˬ, naw maꞈ yawˬ haˇ yawˬ ha ahˬ dzaˬ kʼawꞈ, zeuˇ nehˬ laꞈ-eu tiˬ gʼaˬ-iˬ maˬ jawˇ ni ya shaˬ tehꞈ-a.”

Dawˬ caˇ 1:3

Nawˬ-euˬ gʼawˇ mawˇ tiˬ jawˬ saw dui dui-awˇ, nawˬ-euˬ tsawˇ myahˇ tsiˇ yaw saw shehˆ kʼaˇ gaˇ duˇ nya. Nawˬ-ahˇ maˬ mawꞈ-eu zaˬ miˬ zaˬ maˬ jawˇ-a.

1 Laˬsaˬbaˬ 5:21

Muiˇ-eu deuˬ-euˬ laꞈ-ahˇ neh, law taw ngaˬ muiˇ mawˇ, yawˇ nyiˬ seh ngaˬ muiˇ mawˇ, mahˬ tahˬ laˆ nyiˬ heˇ mawˇ aˬ yawꞈ maꞈ deuˆ za-euˬ uˬ taꞈ, tsawˇ haˬ tiˬ seh gʼaˬ nyehꞈ mi-euˬ meh.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Panmaeq 18:14

Jeˬ gaꞈ jeˬ ka mˇ-eu tsawˇ haˬ kʼoeˇ deuˬ aˬ yawꞈ-ahˇ ehˇ-eu, “Nawˇ nui kʼahˇ jaˆ dui dui-eu jeˬ dawˬ tawˆ luꞈ hawˇ-eu, nawˬ-euˬ pyuˇ shuiˇ myawˬ gahˬ, yaw shehꞈ kʼahˬ sehˇ dawˬ tawˆ luꞈ byoˆ-iˇ jiˇ-awˇ, kʼoeˇ deuˬ-ahˇ nawˇ tiˬ jawˇ-iˬ maˬ paˇ ya mawˇ haw-aˇ.”

Panmaeq 18:15

Meuˬ kʼoeˇ meuˬ nehˬ-ehˇ gaꞈ taꞈ ka taꞈ-awˇ smˇ muiˬ muiˬ laˇ-euˬ tsawˇ haˬ kʼoeˇ deuˬ-aˬ, aˬ yawꞈ-euˬ shaˬ zahˬ ya caw pi nehˬ gaˇ guˆ-awˇ, gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ heu loꞈ-ehˇ dawˬ kawˬ kawˬ-awˇ ngoeˇ tehꞈ-a.