Panmaeq 17:12 - Akha

¹² “Nawˬ neh mawˇ-euˬ uˬ coeˇ tseˇ coeˇ kʼoeˇ-aˬ, nymˬ-mˇ maˬ uˆ lahˇ le dah-euˬ sahˬ paˬ deuˬ pyeuꞈ-eu meh. Ehˇ kʼawꞈ, aˬ yawꞈ maꞈ-ahˇ jeˬ zaˬ yaw haiˬ kʼoeˇ mawˇ nehˬ-ehˇ tiˬ kawˆ loꞈ-ehˇ sahˬ paˬ geuꞈ-awˇ, tiˬ naˬ liˬ byah ni bi uˆ lahˇ-eu a kawˬ-aˬ biꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² “Nawq nae ya’mawr-euq uqcoer tser coer khoer-aq, sanqpaq tser ghaq-anr aermawf-eu mae. Aqyawfmaf, mirkhanq-anr maqya uvlanr-aq siq. Aerkhawf, aqyawfmaf, jeqzaq yawghae khoermawr naeq-aer tiqkawv lof-aer naqliq tiq laf byanni sanqpaq geuf-eu aryaq za taef-a.

Panmaeq 17:12 Referans Kwoze

Panmaeq 12:3

Zahˬ leˇ paˬ-ehˇ gʼeh-eu yawˬ jeˬ yawˬ mˬ kʼoeˇ taˆ paˇ ya mawˇ-euˬ ma. Neˇ tseuˆ ni gʼeh-eu byaˆ yahˬ tiˬ mawˇ uˬ duˬ shiꞈ siˬ tsoꞈ-awˇ, uˬ coeˇ tseˇ coeˇ tsoꞈ-eu meh. Uˬ duˬ aˬ yawꞈ siˬ yawꞈ-ahˇ, shuiˇ uˬ kʼoˆ kʼoˆ luꞈ-eu meh.

Panmaeq 13:1

Kʼoeˇ naˇ, iˬ ma laˆ shaˆ-ahˇ jeˬ zaˬ yaw haiˬ tiˬ mawˇ doˆ laˇ gaˇ ngaˇ ya mawˇ-euˬ ma. Jeˬ zaˬ kʼoeˇ mawˇ uˬ coeˇ tseˇ kahˬ tsoꞈ-awˇ, uˬ duˬ shiꞈ siˬ tsoꞈ-eu meh. Uˬ coeˇ aˬ yawꞈ kahˬ yawꞈ-ahˇ shuiˇ uˬ kʼoˆ kʼoˆ taˬ-awˇ, uˬ duˬ aˬ yawꞈ siˬ yawꞈ-ahˇ Miˬyehˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ myahˇ tiˬ myahˇ boꞈ taˬ-euˬ meh.

Daˬyeˬlaˇ 7:24

Uˬ coeˇ tseˇ kahˬ-aˬ, huiˬ dui dui-eu miˇ kʼahˬ-ahˇ uˆ lahˇ-eu sahˬ paˬ tseˇ gʼaˬ-ahˇ ehˇ mawꞈ-eu meh. Kʼoeˇ naˇ, sahˬ paˬ tiˬ gʼaˬ paˇ doˆ le tehꞈ-a. Aˬ yawꞈ-aˬ, yaw beh uˆ lahˇ-euˬ sahˬ paˬ kʼoeˇ deuˬ-ahˇ beu gaˇ dui dui-awˇ, sahˬ paˬ smˇ gʼaˬ-ahˇ yuˇ dzeh tehꞈ-a.

Panmaeq 17:16

Nawˬ neh ya mawˇ-euˬ uˬ coeˇ kʼoeˇ tseˇ coeˇ hawˇ-eu jeˬ zaˬ yaw haiˬ kʼoeˇ mawˇ meh maˬ laˇ kʼoeˇ gʼaˬ-ahˇ muiˇ-awˇ, aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ geuꞈ jiˇ-awˇ, neˇ myawˆ ni byehˇ dzeh yaꞈ tehꞈ-a. Aˬ yawꞈ maꞈ aˬ yawˬ-euˬ shaˬ jiˇ dzaˬ-awˇ, aˬ yawꞈ-ahˇ miˬ dzaˬ keuˬ dzeh tehꞈ-a.

Daˬyeˬlaˇ 7:20

Aˬ yawꞈ-euˬ uˬ duˬ-ahˇ tsoꞈ-eu uˬ coeˇ tseˇ kahˬ hawˇ-eu, aˬ cawˬ jeˬ nah doˆ laˇ-awˇ, uˬ coeˇ smˇ kahˬ tahˬ juˆ dzeh-euˬ uˬ coeˇ kʼoeˇ kahˬ-euˬ dawˬ tsuiꞈ ngaˇ siˬ nya mawꞈ-eu ma. Uˬ coeˇ kʼoeˇ kahˬ tsawˇ haˬ-euˬ myaˆ nuiˆ tsoꞈ-awˇ, kʼahˬ sehˇ jehˆ dui dui-eu kʼaˬ meh ti meh tsoꞈ-eu meh. Jeˬ zaˬ kʼoeˇ mawˇ-aˬ, jeˬ zaˬ nui deuˬ naˆ maˬ tseˇ guˆ dui dui laˇ paˬ-ehˇ gʼeh-eu meh.

Panmaeq 18:19

Aˬ yawꞈ maꞈ uˬ duˬ-ahˇ kʼaˬ lehˇ tawˆ daˆ-awˇ, heu loꞈ-ehˇ dawˬ kawˬ kawˬ-awˇ ngoeˇ-eu meh. Aˬ huˇ-i, huiˬ-eu meuˬ-ahˇ haw sheˇ. Aˬ yawꞈ pyuˇ shuiˇ byehˬ-euˬ miˇ neh, laˆ shaˆ saˇ baoˬ kʼaˇ jaˆ-euˬ deuˬ, q3 smˇ muiˬ muiˬ laˇ-euˬ meh. Ehˇ kʼawꞈ naˬ liˬ tiˬ laꞈ laꞈ kʼoeˇ, aˬ yawꞈ piˬ le byoˆ le-euˬ meh.

Panmaeq 18:17

naˬ liˬ tiˬ laꞈ laꞈ kʼoeˇ, pyuˇ shuiˇ myawˬ gahˬ dawˬ tawˆ piˬ jiˇ byoˆ jiˇ-euˬ nga.” Saˇ baoˬ kʼoeˇ taˆ aˬ yuiꞈ geuꞈ-eu deuˬ, saˇ baoˬ dziˬ-eu tsawˇ haˬ deuˬ hawˇ-eu, saˇ baoˬ laꞈ kʼoeˇ gaˇ mˇ-eu tsawˇ haˬ dawˬ tawˆ luꞈ, gaˇ mahˇ kaˬ gaˇ yawꞈ-awˇ haw-eu meh.

Panmaeq 18:10

Aˬ yawꞈ maꞈ-aˬ, aˬ yawꞈ-euˬ shaˬ zahˬ ya caw pi gaˇ guˆ-eu miˇ neh gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ ehˇ-eu, “Aˇ naˆ ni guˆ laˇ paˬ-ehˇ gʼeh-eu nga. Aˇ naˆ ni zahˬ leˇ paˬ-ehˇ gʼeh-eu nga. Baoˬ huiˬ dui dui-eu Baˬbuˇloˬ-oˇ, nawˇ-aˬ, naˬ liˬ tiˬ laꞈ laꞈ kʼoeˇ tehꞈ-ehˇ bi kʼehˬ byoˆ leꞈ-euˬ ngaˇ.”

Panmaeq 10:11

Kʼoeˇ naˇ, “Miˇ tsaˬ tsawˇ jeuˬ tsawˇ ca dawˬ tawˆ luꞈ gaˇ kawˆ, Miˬyehˇ gʼaˇ duˬ nawˇ paˇ ya ngehˬ dah meh” lehˇ, ngaˬ-ahˇ ehˇ nehˬ laꞈ-euˬ meh.