Panmaeq 16:15 - Akha

¹⁵ “Naˇ haˬ-awˬ. smˇ kʼoeˬ tahˇ joe oe-eu loꞈ-ehˇ ngaˇ oe luꞈ-eu ma. Neˇ myawˆ ni maˬ ya cah-ehˇ aˬ cawˬ mehˬ shi maˬ ya shaꞈ dawˇ ni, yaw beuˇ beuˇ-ehˇ dehꞈ-awˇ mehˬ tsoeˬ yaw muiˬ-ehˇ dm gʼoeˬ-eu tsawˇ haˬ guiˬ lahˬ huiˬ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ “Hawde-eq. Ngar, smrkhoeq tanrjoe lof-aer oe ma. Yawbeur beur-aer jawr-awr, maeqtsoeq yawmuiq-aer dmghoeq taq-euq tsawrhaq deuq-aq, guiqlanqhuiq taef-a. Maqngeur nar-aq, aqyawf nermyawvni yacan-awr, aqcawq, aqyawf-euq shafdawr-eu jeq-anr ya’mawr taef-a.”

Panmaeq 16:15 Referans Kwoze

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

Maꞈtehˬ 25:13

“Tsawˇhaˬ-euˬ Zaˬmaˇ zaꞈ ka le-eu aˇ nah aˇ yamˬ naw maꞈ maˬ siˬ duˬ nya-eu miˇ neh, yaw beuˇ beuˇ-ehˇ dehꞈ-awˬ.

2 Gawˇliˬtu 5:3

Nymˇ kʼoeˇ-ahˇ dm gʼaˬ ngeh, aˬ dui neˇ myawˆ ni maˬ paˇ gʼeh-aˇ.

Maˬkuˆ 14:38

Kʼoeˇ naˇ, aˬ yawꞈ maꞈ-ahˇ aˬ yawꞈ ehˇ nehˬ-eu, “Muˇ juˇ juˇ-eu mehˬ nah naw maꞈ maˬ ya caw teh-iˇ ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Gʼaˬkʼehˇ 20:31

Kʼoeˇ miˇ neh, smˇ kʼoꞈ byah ni naw maꞈ yawˬ gʼaˬ na luꞈ-ahˇ ngaˇ myaˆ biˇ doˆ-eu laꞈ kʼoeˇ mehˬ nehˬ-euˬ gaˇ maˬ ngehˇ ni, yahˇ yahˇ-ehˇ dehꞈ-awˬ.

1 Teˇsaˬloˇni 5:6

Kʼoeˇ miˇ neh, aˬ cawˬ yuꞈ kʼaˆ-eu loꞈ-ehˇ maˬ yuꞈ kʼaˆ ni jawˇ kaˇ-euˇ.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Maꞈtehˬ 26:41

Muˇ juˇ juˇ-eu mehˬ nah naw maꞈ maˬ ya caw teh gʼeh ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Iˇsaˬyaˇ 47:3

Nawˇ neˇ myawˆ ni jawˇ gaˇ aˬ cawˬ ya mawˇ tehꞈ-a. Nawˇ daˬ ga-awˇ shaꞈ dawˇ luꞈ gaˇ aˬ cawˬ ya mawˇ tehꞈ-a. Ngaˇ laꞈ poˆ poˆ nehˬ gaˇ laˆ tsoeˬ nya-eu gʼaˬ maˬ jawˇ-aˬ.”

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

Yeˬsaˬgeˬlaˇ 16:37

Nawˇ kʼoeˇ loꞈ-ehˇ jahˇ-eu baˬ da neh, yaw beh nawˬ-euˬ zaˬ kʼaˬ kʼaˇ ngeuˇ-eu dawˬ tawˆ luꞈ, nawˇ gaˬ-eu deuˬ maˬ ehˇ, bye-eu deuˬ maˬ ehˇ, ngaˇ sheuˬ uiˬ laꞈ jiˇ ma. Aˬ yawꞈ maꞈ-ahˇ nawˬ-euˬ tiˬ jawˬ sheuˬ uiˬ-awˇ, nawˬ-ahˇ mehˬ tsoeˬ neˇ myawˆ ni lehˆ dzeh-awˇ bi haw ma.

Haˬbaˬkuˆ 2:15

Aˬ cawˬ-ahˇ jiˇ baˬ laˆ yehꞈ-awˇ, neˇ myawˆ ni teuˆ gaˇ haw-eu lehˇ, nawˇ jiˇ baˬ kʼaˇ-euˬ baˬ da neh, yaw kʼaˆ-ehˇ ya noeˬ shaˬ tehꞈ-a.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Doˆ-iˇ 32:25

Aˬloˬ neh Iˇsaˬleˬlaˆ tsawˇ haˬ deuˬ-ahˇ gaˇ ma sheuˬ bahˬ-awˇ, maˬ ha lahˇ nya ni bi pyeuꞈ-iˇ-euˬ uˬ taꞈ, aˬ yawꞈ maꞈ-ahˇ muiˇ-eu deuˬ mehˬ shi shaꞈ dawˇ duˬ doˆ laˇ taˬ-euˬ gaˇ Moˇseˬ ya mawˇ-euˬ meh.

1 Teˇsaˬloˇni 5:4

Ehˇ kʼawꞈ aˬ yuiꞈ aˬ nyiˇ deuˬ-oˇ, naw maꞈ-aˬ, yaw zahˇ laꞈ kʼoeˇ jawˇ luꞈ-eu maˬ ngeuˇ-eu miˇ neh, Aˇ nah kʼoeˇ nah naw maꞈ kʼoeˇ taˆ smˇ kʼoeˬ tahˇ joe oe-eu loꞈ-ehˇ ja pyuˬ ni maˬ ga keuˆ le-aˇ.

Panmaeq 3:11

Ngaˇ yaw kawˇ-ehˇ oe ma. Naw maꞈ-euˬ gʼaˬ leˇ-eu laꞈ sawˬ-ahˇ tsawˇ haˬ tiˬ gʼaˬ-iˬ maˬ bi lu doˆ geuꞈ-eu gʼaˇ duˬ, naw maꞈ jaˆ luꞈ-eu jeˬ-ahˇ yaw muiˬ paˬ-ehˇ jeˬ hmˬ taˬ-awˬ.

Panmaeq 22:7

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh.”