Panmaeq 14:15 - Akha

¹⁵ Kʼoeˇ ngeh, uˬ duˬ tahˬ nymˇ nymˇ ma laꞈ kʼoeˇ neh mˬ taˆ gʼaˬ kʼehˇ tiˬ gʼaˬ doˆ le-awˇ, teˇ saˇ yaw kʼaˆ-ehˇ guˇ-awˇ mˬ dmˇ kʼoeˇ taˆ nuiˇ luꞈ-eu kʼoeˇ gʼaˬ-ahˇ ehˇ nehˬ-eu, “Nawˬ-euˬ yehˬ kʼoꞈ neh cehˇ yehˬ-awˬ. Aˬ jeˬ miˇ neh ehˇ naˇ, miˇ tsaˬ kʼoeˇ taˆ cehˇ myah laˇ-awˇ, cehˇ yehˬ yamˬtsaˬ laˇ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Mqtav ghaqkhaer yawqghaqyawq uqduq tanqnymr nymrma-anr nae dovle-awr, tersar yawkhav-aer gur-awr mqdmr-anr nuirluf-eu ghaq-anr aernaeq-eu, “Mirtsaq-euq khoertav caer myanlar-euq ngar-a. Caer yaeqder lar-euq mirnae, nawq-euq yaeqkhof yur-awr yaeqle-awq.”

Panmaeq 14:15 Referans Kwoze

Yawˇlaˆ 3:13

Aˬ yawꞈ maꞈ haiˬ dui dui-eu meh. Cehˇ yehˬ ngeh pyehˆ tsehˆ-eu loꞈ-ehˇ, aˬ yawꞈ maꞈ-ahˇ pyehˆ tsehˆ nehˬ-awˬ. Nawˬ kʼmˬ byah kʼaˇ yoeˇ kaˇ ngeh keuˆ, aˬ gaꞈ dzaˇ uiˇ lehˬ-eu loꞈ-ehˇ, aˬ yawꞈ maꞈ-ahˇ lehˬ pyehˆ nehˬ-awˬ.”

Maˬkuˆ 4:29

Cehˇ myah laˇngeh, tsawˇ haˬ kʼoeˇ gʼaˬ yehˬ kʼoꞈ yuˇ-awˇ cehˇ ehˬ-eu meh. Aˬ jeˬ miˇ neh ehˇ naˇ, cehˇ yehˬ yamˬ tsaˬ laˇ-euˬ meh.”

Maꞈtehˬ 13:39

Shmˇ ma sehˬ kʼoeˬ-eu muiˇ-eu gʼaˬ lehˇ ehˇ-eu-aˬ, Nehꞈ sahˬ paˬ-ahˇ ehˇ-eu meh. Cehˇ laˆ luiˆ-eu aˇ yamˬ lehˇ ehˇ-eu-aˬ, miˇ tsaˬ heu aˇ saˬ saˬ-eu aˇ yamˬ-ahˇ ehˇ-eu meh. Cehˇ yehˬ cehˇ diˬ-eu tsawˇ haˬ deuˬ lehˇ ehˇ-eu-aˬ, mˬ taˆ gʼaˬ kʼehˇ deuˬ-ahˇ ehˇ-eu meh.

Yeˬlaˬmiˇ 51:33

Gʼawˬ myahˇ maˬ gʼeh-ehˇ muiˇ-eu deuˬ aˬ yawꞈ maꞈ-ahˇ coeˇ tsehˆ-awˇ, cehˇ nawˬ-eu loꞈ-ehˇ nawˬ pahˬ nehˬ tehꞈ-a lehˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ ehˇ-eu ma.”

Panmaeq 14:18

Kʼoeˇ naˇ, miˬ dzaˬ-ahˇ haw-eu pyaˆ-eu mˬ taˆ gʼaˬ kʼehˇ tiˬ gʼaˬ lawˇ duˬ-ahˇ neh doˆ le-eu meh. Kʼoeˇ ngeh, taˆ dui dui-eu yehˬ kʼoꞈ yuˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ aˬ yawꞈ yaw kʼaˆ-ehˇ guˇ-awˇ ehˇ nehˬ-eu, “Miˇ tsaˬ kʼoeˇ taˆ-euˬ aˬ gaꞈ yaˇ kmˇ-ahˇ nawˬ-euˬ yehˬ kʼoꞈ neh aˬ gaꞈ aˇ puˇ pyehˆ-awˬ. Aˬ jeˬ miˇ neh ehˇ naˇ, aˬ gaꞈ aˇ siˬ awꞈ laˇ-euˬ meh.”

Maꞈtehˬ 13:30

Cehˇ laˆ luiˆ yamˬ tsaˬ laˇ ngeh keuˆ ni, cehˇ hawˇ-eu shmˇ ma tiˬ kawˆ loꞈ-ehˇ dehꞈ tawˬ luꞈ-uˇ. Shmˇ ma deuˬ jeˬ huˬ gʼawˇ uiˬ-awˇ, aˇ dzahˬ dzahˬ uiˬ-awˇ miˬ dzaˬ-ahˇ baꞈ puiˆ gʼaˬ miˇ tsa, cehˇ yehˬ cehˇ diˬ luiˆ-awˇ cehˇ jiˇ-ahˇ pi ahˇ-awˬ lehˇ, cehˇ yehˬ cehˇ diˬ-eu tsawˇ haˬ deuˬ-ahˇ ngaˇ ehˇ nehˬ ma.’ ”

Panmaeq 16:17

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ aˬ yawꞈ-euˬ naˬ bo jaˬ lehˇ laꞈ kʼoeˇ shehˆ dzeh-euˬ meh. Kʼoeˇ ngeh, teˇ saˇ yaw kʼaˆ-ehˇ guˇ-awˇ, “Jiˇ-euˬ ma” lehˇ ehˇ-eu dawˬ, uˬ duˬ tahˬ nymˇ nymˇ ma laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ neh gaˬ doˆ laˇ-euˬ meh.

Maꞈtehˬ 23:32

Toˆ-ehˇ ngeuˇ naˇ, naw maꞈ-euˬ aˬ poeˬ aˬ bawˇ deuˬ neh mˇ bahˬ yaꞈ-euˬ jeˬ-ahˇ, naw maꞈ mˇ saˬ mˇ li li-awˬ.

Panmaeq 15:6

Kʼehˬ-eu kʼaˆ-eu shiꞈ jeˬ ahˇ-eu mˬ taˆ gʼaˬ kʼehˇ shiꞈ gʼaˬ, uˬ duˬ tahˬ nymˇ nymˇ ma laꞈ kʼoeˇ neh doˆ le-euˬ meh. Aˬ yawꞈ maꞈ-aˬ, yaw shehꞈ bya-eu shawˇ jehˆ ni gʼeh-eu saˬ paˇ paˇ pyuˇ dm-awˇ, kʼahˬ-ahˇ shuiˇ joꞈ paꞈ paꞈ luꞈ-eu meh.

Panmaeq 14:14

Kʼoeˇ naˇ, ngaˇ haw gʼeh ngeh, pyuˇ deuˬ ni gʼeh-eu mˬ dmˇ mawˇ-euˬ ma. Tsawˇ haˬ-ahˇ duˇ-eu tiˬ gʼaˬ uˬ duˬ-ahˇ shuiˇ uˬ kʼoˆ kʼoˆ-awˇ, aˬ laꞈ-ahˇ taˆ dui dui-eu yehˬ kʼoꞈ yuˇ-awˇ, mˬ dmˇ kʼoeˇ-euˬ kʼoeˇ taˆ nuiˇ luꞈ-eu meh.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

Panmaeq 13:12

Aˬ yawꞈ-aˬ, jeˬ zaˬ yaw beh mawˇ-euˬ mehˬ shi, yaw beh mawˇ-euˬ uˆ lahˇ-eu baoˬ tiˬ byah ni zmˬ-eu meh. Jeˬ zaˬ kʼoeˇ mawˇ-aˬ, shiˇ taw tehˬ ni bi laˆ naˇ-awˇ taˬ leˇ-euˬ jeˬ zaˬ yaw beh mawˇ-ahˇ uˬ duˬ tahˬ ni, miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ-ahˇ zuiˆ-eu meh.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Aˇ dahˬ 15:6

Kʼoeˇ ngeh, Aˬbyaˬ-aˬ, Sahˬpaˬ Miˬyehˇ-ahˇ gʼoe-awˇ jah-euˬ meh. Aˬ yawꞈ jah-eu baˬ da neh, Sahˬpaˬ Miˬyehˇ aˬ yawꞈ-ahˇ nui kʼahˇ shiˇ-awˇ ha geuꞈ-euˬ meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 14:16

Kʼoeˇ naˇ, mˬ dmˇ kʼoeˇ taˆ nuiˇ luꞈ-eu kʼoeˇ gʼaˬ aˬ yawꞈ-euˬ yehˬ kʼoꞈ neh miˇ tsaˬ kʼoeˇ taˆ diˬ lahˇ-awˇ cehˇ yehˬ-euˬ meh.

Panmaeq 14:17

Kʼoeˇ naˇ, uˬ duˬ tahˬ nymˇ nymˇ ma laꞈ kʼoeˇ neh mˬ taˆ gʼaˬ kʼehˇ tiˬ gʼaˬ paˇ doˆ le gaˇ ngaˇ ya mawˇ-euˬ ma. Aˬ yawꞈ-euˬ aˬ laꞈ-ahˇ kʼawꞈ, taˆ dui dui-eu yehˬ kʼoꞈ tiˬ kahˇ ahˇ-eu meh.