Panmaeq 14:11 - Akha

¹¹ Aˬ yawꞈ maꞈ-ahˇ kʼehˬ-euˬ miˬ dzaˬ kʼoeˇ, mˬ maˬ maˬ byaˆ zaˇ ziˇ uˬ kʼoeˬ doˆ tehꞈ-a. Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu tsawˇ haˬ deuˬ hawˇ-eu, aˬ yawꞈ neh tsaˬ kʼaˇ bi tsoˆ-euˬ tsawˇ haˬ deuˬ-aˬ, uˬ ciꞈ nah gʼahˇ maˬ ehˇ, saꞈ gʼawˇ dah kʼaˇ maˬ za-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawf maf-anr khaeq-awr khav-eu uqkhoeq, li-eu maqbawni uqkhoeq dudu-aer jav taef-a. Khoerngae, jeqzaq khoermawr-anr hawr-eu jeqzaq yawghae khoermawr-euq mawrkawr-anr, uqduq tanq-eu deuq hawr-eu aqyawf-euq tsawrmyanr nae tsaqtsov taq-euq tsawrhaq deuq-aq, uqcif nan’ghanr maqaer, ghaqnaq maqya naqni yadaq taef-a.”

Panmaeq 14:11 Referans Kwoze

Panmaeq 19:3

Aˬ yawꞈ maꞈ heu loꞈ-ehˇ paˇ guˇ-eu meh. “Miˬyehˇ-ahˇ ja ceuˬ-awˬ. Yawꞈ-ahˇ puiˆ-euˬ miˬ dzaˬ uˬ kʼoeˬ, mˬ maˬ maˬ byaˆ zaˇ ziˇ du meh.”

Iˇsaˬyaˇ 34:10

Uˬ ciꞈ nah gʼahˇ maˬ ehˇ puiˆ-eu miˇ neh, mˬ maˬ maˬ byaˆ zaˇ ziˇ uˬ kʼoeˬ doˆ luꞈ tehꞈ-a. Miˇ kʼahˬ kʼoeˇ kʼahˬ tiˬ ziˇ saˇ-iˬ tiˬ ziˇ byoˆ le-eu miˇ neh, iˇ tsehˆ laˇ tsehˆ-eu maˬ jawˇ-ehˇ pyeuꞈ-iˇ tehꞈ-a.

Panmaeq 20:10

Kʼoeˇ naˇ, aˬ yawꞈ maꞈ-ahˇ jaˬ myawꞈ mehˇ shuiˇ shuiˇ-euˬ Nehꞈ sahˬ paˬ-aˬ, jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu gʼaˬ-ahˇ baꞈ ahˇ nehˬ-euˬ lah pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ lah kʼoeˇ lah-ahˇ bi baꞈ ahˇ tehꞈ-a. Aˬ yawꞈ maꞈ-aˬ, mˬ maˬ maˬ byaˆ zaˇ ziˇ uˬ ciꞈ nah gʼahˇ maˬ ehˇ ya shaˬ ya zahˬ dui dui tehꞈ-a.

Maꞈtehˬ 25:46

Aˬ yawꞈ maꞈ-aˬ, mˬ maˬ maˬ byaˆ zaˇ ziˇ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ tsawˇ haˬ deuˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.”

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Panmaeq 18:18

Aˬ yawꞈ-ahˇ puiˆ dzaˬ-euˬ miˬ dzaˬ uˬ kʼoeˬ-ahˇ aˬ yawꞈ maꞈ ya mawˇ ngeh, “Huiˬ dui dui-eu meuˬ heu meuˬ-ahˇ duˇ-eu meuˬ tiˬ meuˬ-iˬ maˬ jaˆ haw-aˬ” lehˇ guˇ-eu meh.

Panmaeq 14:9

Mˬ taˆ gʼaˬ kʼehˇ smˇ gʼaˬ tiˬ gʼaˬ, yaw beh kʼoeˇ nyiˬ gʼaˬ-euˬ mehˬ nah caw teh-awˇ, teˇ saˇ yaw kʼaˆ-ehˇ guˇ-awˇ heu loꞈ-ehˇ ehˇ-eu meh. “Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, naˇ kʼawˇ maˬ ngeuˇ naˇ aˬ laꞈ-ahˇ aˬ yawꞈ neh tsaˬ bi tsoˆ taˬ-euˬ tsawˇ haˬ deuˬ-aˬ,

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Aˇ dahˬ 19:28

Sawˇdoˬ meuˬ hawˇ-eu Gawˇmawˇlaˆ meuˬ-euˬ deh ga paw aˬ yawꞈ haw ka gʼeh ngeh, miˬ dzaˬ tsawˬ bu bu ma-ahˇ uˬ kʼoeˬ du doˆ laˇ-eu loꞈ-ehˇ, miˇ kʼahˬ kʼahˬ lah ni uˬ kʼoeˬ uꞈ uꞈ-ehˇ jaˆ luꞈ gaˇ ya mawˇ-euˬ meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 7:12

Aˬ yawꞈ maꞈ ehˇ-eu, “Aˬ miˬ. Ja ceuˬ-eu jeˬ, yaw shehꞈ kʼahˬ sehˇ, zaˬ siˬ tsawˇ gahˇ, guiˬ lahˬ-ahˇ ja ceuˬ-eu jeˬ, taˬ huiˬ taˬ mahˇ-eu jeˬ, baoˬ hawˇ-eu gʼaˬ dawˬ tawˆ luꞈ, mˬ maˬ maˬ byaꞈ zaˇ ziˇ aˬ dui-euˬ Miˬyehˇ-ahˇ oꞈ-eu meh. Aˬ miˬ.”

HeˬByehˇ 1:8

Ehˇ kʼawꞈ, Zaˬmaˇ-euˬ gaˇ kawˆ Miˬyehˇ neh heu loꞈ-ehˇ ehˇ taˬ-euˬ meh. “Miˬyehˇ-oˇ, nawˬ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ meh. Nawˬ-euˬ tsawˇ haˬ deuˬ kʼoeˇ taˆ nawˇ, yaw tsaˬ yaw dawˇ neh uˆ lahˇ meh.

Jaceuq 145:1

Ngaˬ-euˬ sahˬ paˬ pyeuꞈ-eu ngaˬ-euˬ Miˬyehˇ-oˇ, Nawˇ huiˬ dui mahˇ dui dui-eu gaˇ kawˆ ngaˇ ja gaˬ ma. Mˬ maˬ maˬ byaˆ zaˇ ziˇ nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 10:16

Mˬmaˬmaˬbyaˇzaˇziˇ sahˬpaˬ, SahˬpaˬMiˬyehˇ nawˇpyeuꞈ-eu meh. Miˬyehˇ nui deuˬ-ahˇgʼoe-eu deuˬ, heu kʼahˬlaꞈkʼoeˇ byoˆ-iˇtehꞈ-a.

Doˆ-iˇ 15:18

Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˇ sahˬ paˬ pyeuꞈ tehꞈ-a.”

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.

Panmaeq 13:12

Aˬ yawꞈ-aˬ, jeˬ zaˬ yaw beh mawˇ-euˬ mehˬ shi, yaw beh mawˇ-euˬ uˆ lahˇ-eu baoˬ tiˬ byah ni zmˬ-eu meh. Jeˬ zaˬ kʼoeˇ mawˇ-aˬ, shiˇ taw tehˬ ni bi laˆ naˇ-awˇ taˬ leˇ-euˬ jeˬ zaˬ yaw beh mawˇ-ahˇ uˬ duˬ tahˬ ni, miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ-ahˇ zuiˆ-eu meh.

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Yawˇlaˆ 2:30

“Mˬ taˆ hawˇ-eu miˇ tsaˬ kʼoeˇ taˆ, kʼaˆ jeˬ-ehˇ gʼeh-eu jeˬ mehˬ-awˇ, shiˬ sehꞈ yoeˇ-awˇ miˬ dzaˬ doꞈ-eu, uˬ kʼoeˬ uꞈ uꞈ-ehˇ jaˆ tehꞈ-a.

Iˇsaˬyaˇ 57:20

Ehˇ kʼawꞈ, haiˬ-eu tsawˇ haˬ deuˬ-aˬ, iˇ luˆ dzeh-eu maˬ naˬ leˇ-ehˇ, yaw jawꞈ yaw laꞈ beuˬ poˆ doˆ-eu laˆ shaˆ loꞈ-ehˇ, tiˬ jawˇ-iˬ yaw saˇ maˬ oꞈ-a.

Dawˬmehˬ 28:65

Nui saˇ za-eu jeˬ-ahˇ tiˬ gaˇ-iˬ maˬ poˆ mawˇ nya-ehˇ, nawˬ-euˬ jawˇ duˬ lehˇ myahˇ-eu gʼaˇ duˬ, pehˇ tsahˇ maˬ jaˆ ni pyeuꞈ-iˇ tehꞈ-a. Ehˇ kʼawꞈ, noeˬ shaˬ noeˬ zahˬ-eu jeˬ, noeˬ tmˬ duˬ maˬ jaˆ-eu jeˬ hawˇ-eu, nui ma cawˆ-eu jeˬ, Sahˬpaˬ Miˬyehˇ nawˬ-euˬ kʼoeˇ taˆ paˇ baꞈ daˆ nehˬ laꞈ tehꞈ-a.

Iˇsaˬyaˇ 34:8

Ziˇoˬ meuˬ-ahˇ Sahˬpaˬ Miˬyehˇ ka kʼoꞈ le-awˇ, muiˇ-eu deuˬ-ahˇ laꞈ poˆ poˆ nehˬ ngeh nah, kʼoeˇ loꞈ-ehˇ gʼeh-eu jeˬ keuˆ le tehꞈ-a.

Daˬyeˬlaˇ 3:6

Awˆ byaˆ-awˇ uˬ duˬ maˬ tahˬ-eu tsawˇ haˬ aˬ geu gʼaˬ maˬ kaˬ, miˬ dzaˬ doꞈ luꞈ-eu tsawˬ bu bu ma-ahˇ biˬ ahˇ nehˬ gaˇ ya daˬ tehꞈ-a.”

Panmaeq 13:15

Jeˬ zaˬ yaw huiˬ yaw beh mawˇ-euˬ tahˬ pahˬ aˬ ma mawˇ kawˇ kʼoeˇ dawˬ ngehˬ nya laˇ-awˇ, aˬ yawꞈ-ahˇ uˬ duˬ maˬ kʼaˇ tahˬ-eu tsawˇ haˬ-ahˇ bi shiˇ nya-eu baoˬ ahˇ laˇ ni dehꞈ-eu saꞈ baw ahˇ nehˬ-eu gʼaˇ duˬ, jeˬ zaˬ yaw haiˬ nyiˬ mawˇ tiˬ mawˇ-ahˇ aˬ kawˬ-aˬ biꞈ taˬ-euˬ meh.

Panmaeq 13:17

Jeˬ zaˬ yaw haiˬ yaw beh mawˇ-euˬ tsawˇ myahˇ maˬ ngeuˇ naˇ tsawˇ myahˇ kʼoeˇ-euˬ dah zaˇ pyeuꞈ-eu naˬ baꞈ maˬ diˬ taˬ-euˬ tsawˇ haˬ-aˬ, ahˬ laꞈ zeuˇ laꞈ maˬ ya mˇ-a.

Panmaeq 18:9

Aˬ yawꞈ nehˬ-ehˇ joe-awˇ byawˬ gʼa mo gʼa-euˬ miˇ kʼahˬ sahˬ paˬ deuˬ-aˬ, aˬ yawꞈ-ahˇ puiˆ dzaˬ-eu miˬ dzaˬ uˬ kʼoeˬ-ahˇ ya mawˇ ngeh, aˬ yawꞈ gʼaˇ duˬ tsawˇ ngoeˇ ngoeˇ tehꞈ-a.