Panmaeq 12:5 - Akha

⁵ Kʼoeˇ naˇ, zaˬ miˬ zaˬ kʼoeˇ gʼaˬ shmˇ gawˬ yoeˬ neh tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu aˬ li tiˬ li ciˬ-euˬ meh. Ehˇ kʼawꞈ, aˬ li kʼoeˇ li-ahˇ Miˬyehˇ jawˇ gaˇ hawˇ-eu Miˬyehˇ-euˬ dzoeˬ dzaˬ nuiˇ mahˬ jaˆ gaˇ bi ciˬ leꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoerngae, zaqmiq aqbur khoerghaq, aqkar shmr gawqyoeq nae tsawrjeuq tsawrca dawqtawv luf-anr uvlanr-eu aqlizaq tiq ghaq ciq-euq mae. Khoernar-aq, aqyawf-euq aqlizaq-aq, Miqyaer jawr-eu gar hawr-eu aqyawf-euq nuirmanq jav-eu gar bi ciqdav lef-euq mae.

Panmaeq 12:5 Referans Kwoze

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 12:2

Zaˬ miˬ zaˬ kʼoeˇ gʼaˬ zaˬ ciˬ deˇ le-awˇ, uˬ maˆ naˇ-eu mahˇ luꞈ-eu meh.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Panmaeq 11:12

Kʼoeˇ naˇ, “Heu gaˇ laˇ daˆ-awˬ” lehˇ, mˬ-ahˇ neh ehˇ leꞈ-euˬ teˇ saˇ-ahˇ aˬ yawꞈ nyaꞈ ya gaˬ-euˬ meh. Aˬ yawꞈ nyaꞈ-ahˇ muiˇ-eu deuˬ haw haw-ehˇ jawˇ ngeh, mˬ dmˇ laꞈ kʼoeˇ aˬ yawꞈ nyaꞈ mˬ-ahˇ gʼoꞈ daˆ leˇ-euˬ meh.

Maꞈtehˬ 1:25

Ehˇ kʼawꞈ, aˬ li kʼoeˇ li maˬ dehꞈ le kʼoeˇ keuˆ ni, aˬ yawꞈ Maˬliˇ nehˬ-ehˇ maˬ yuꞈ taꞈ ni jawˇ-euˬ meh. Aˬ li kʼoeˇ li-ahˇ Yeˬsuˇ lehˇ aˬ yawꞈ myahˇ nehˬ-euˬ meh.

Miˇkaˬ 5:3

Kʼoeˇ miˇ neh, zaˬ ya ciˬ-eu zaˬ miˬ zaˬ kʼoeˇ gʼaˬ aˬ yawꞈ-euˬ aˬ li maˬ dehꞈ doˆ le kʼoeˇ keuˆ ni, Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ muiˇ-eu deuˬ-euˬ laꞈ-ahˇ byehˇ dzeh taˬ tehꞈ-a. Kʼoeˇ sahˇ miˇ tsa, aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ yawˬ ha-euˬ tsawˇjeuˬ nehˬ-ehˇ paˇ ya jawˇ taꞈ tehꞈ-a.

2 Gawˇliˬtu 12:2

Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)

Maˬkuˆ 16:19

Sahˬpaˬ Yeˬsuˇ aˬ yawꞈ maꞈ-ahˇ dawˬ ngehˬ cawˬ gʼaˬ ngeh, aˬ yawꞈ-ahˇ mˬ kʼoeˇ taˆ sheuˬ kʼoꞈ daˆ leꞈ-awˇ, Miˬyehˇ-euˬ aˇ maˇ paw nuiˇ-euˬ meh.

Yeˬlaˬmiˇ 31:22

Saˇ jaˇ maˬ ziꞈ-eu tsawˇ jeuˬ-oˇ, aˇ myah keuˆ ni nyi naˬ-eu lehˇ gʼeh te. Miˇ tsaˬ kʼoeˇ taˆ yaw shuiꞈ tiˬ jeˬ ngaˇ beh paˇ taˬ-euˬ ma. Kʼaˬ dzeˇ zaˬ-ahˇ zaˬ miˬ zaˬ ya haw piˇ paˬ-ehˇ, tahˬ poˆ-ehˇ beh paˇ taˬ-euˬ ma.”

Iˇsaˬyaˇ 66:7

“Ngaˬ-euˬ muiˬ-eu shawˇ-eu meuˬ-aˬ, uˬ maˆ maˬ naˇ ni zaˬ baw-euˬ aˬ ma-ahˇ duˇ-eu meh.

2 Gawˇliˬtu 12:4

Kʼoeˇ gaˇ, tsawˇ haˬ zaˬ maˬ ehˇ mehˬ nya-eu maˬ ja doˆ peuˬ-eu jeˬ-ahˇ, tsawˇ haˬ kʼoeˇ gʼaˬ ya gaˬ-euˬ meh.

Panmaeq 12:13

Byaˆ yahˬ kʼoeˇ mawˇ-aˬ, aˬ yawꞈ-ahˇ miˇ tsaˬ kʼoeˇ taˆ biˬ ka nehˬ-euˬ siˬ leˇ ngeh, aˬ li zaˬ nahˬ ciˬ taˬ-euˬ zaˬ miˬ zaˬ kʼoeˇ gʼaˬ-euˬ mehˬ nah teh-eu meh.