Panmaeq 11:15 - Akha

¹⁵ Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

Panmaeq 11:15 Referans Kwoze

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Daˬyeˬlaˇ 7:27

Miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-euˬ baoˬ hawˇ-eu yaw shehꞈ kʼahˬ sehˇ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ-ahˇ biꞈ nehˬ tehꞈ-a. Aˬ yawꞈ maꞈ uˆ lahˇ-eu baoˬ aˇ saˬ saˬ-eu maˬ baw-ehˇ, miˇ tsaˬ kʼoeˇ taˆ kʼaˇ jawˇ-eu sahˬ paˬ sahˬ ma dawˬ tawˆ luꞈ, aˬ yawꞈ maꞈ-euˬ ehˇ dawˬ naˇ haˬ-awˇ, aˬ yawꞈ maꞈ neh kʼaˇ kʼehˇ-euˬ jeˬ ya mˇ tehꞈ-a.”

Panmaeq 12:10

Kʼoeˇ naˇ, mˬ kʼoeˇ taˆ teˇ saˇ yaw kʼaˆ-ehˇ heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-euˬ ka kʼoꞈ-eu jeˬ nymˬ-mˇ keuˆ le taˬ-euˬ meh. Miˬyehˇ aˬ yawꞈ Sahˬpaˬ pyeuꞈ-eu gaˇ kawˆ, aˬ yawꞈ-euˬ baoˬ nymˬ-mˇ bi mawˇ laꞈ-euˬ meh. Aˬ yawꞈ-euˬ Ka li kʼawꞈ, uˆ lahˇ-eu baoˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Miˬyehˇ-euˬ mehˬ shi yawꞈ-awˇ, aˬ dui-euˬ aˬ yuiꞈ aˬ nyiˇ Ka li zaˬ deuˬ-ahˇ uˬ ciꞈ nah gʼahˇ maˬ ehˇ iˬ baˇ poˆ luꞈ-eu gʼaˬ-aˬ, mˬ-ahˇ neh bi biˬ ka-euˬ meh.

Panmaeq 10:7

Mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw laˇ-awˇ, Miˬyehˇ aˬ yawꞈ neh zaꞈ taˬ-euˬ jeˬ pyeuꞈ-eu, aˬ yawꞈ gʼaˇ duˬ ngehˬ dah-eu aˬ yawꞈ-euˬ zaˬ kʼaˆ deuˬ-ahˇ ehˇ nehˬ taˬ-euˬ zaꞈ taˬ-euˬ jeˬ bi keuˆ le-euˬ meh.”

Zaˬkaˬliˇ 14:9

Kʼoeˇ naˇ, miˇ tsaˬ dawˬ tawˆ luꞈ kʼoeˇ taˆ Sahˬpaˬ Miˬyehˇ sahˬ paˬ geuꞈ-awˇ uˆ lahˇ tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ Miˬyehˇ-ahˇ tehꞈ-ehˇ uˬ duˬ tahˬ-awˇ, Miˬyehˇ-euˬ tsawˇ myahˇ tiˬ myahˇ tehꞈ-ehˇ jaˆ tehꞈ-a.

Panmaeq 19:1

Kʼoeˇ naˇ, mˬ kʼoeˇ taˆ tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ, heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Ka kʼoꞈ-eu jeˬ maˬ ehˇ, yaw shehꞈ kʼahˬ sehˇ maˬ ehˇ, baoˬ maˬ ehˇ, Miˬyehˇ-euˬ pyeuꞈ-eu meh.

Luˇkaꞈ 1:33

Yaˬkoˆ-euˬ zaˬ deuˬ uˆ deuˬ kʼoeˇ taˆ aˬ yawꞈ sahˬ paˬ geuꞈ-awˇ, Aˬ yawꞈ uˆ lahˇ-eu miˇ kʼahˬ kʼoeˇ, mˬ maˬ maˬ byaˆ zaˇ ziˇ aˇ saˬ saˬ-eu maˬ baw-a.”

Doˆ-iˇ 15:18

Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˇ sahˬ paˬ pyeuꞈ tehꞈ-a.”

Daˬyeˬlaˇ 7:18

Ehˇ kʼawꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ dzoeˬ dzaˬ-eu baoˬ za-awˇ, aˬ yawꞈ maꞈ-euˬ miˇ kʼahˬ mˬ maˬ maˬ byaˆ zaˇ ziˇ ziꞈ tehꞈ-a’ lehˇ ehˇ-eu meh.

Panmaeq 16:17

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ aˬ yawꞈ-euˬ naˬ bo jaˬ lehˇ laꞈ kʼoeˇ shehˆ dzeh-euˬ meh. Kʼoeˇ ngeh, teˇ saˇ yaw kʼaˆ-ehˇ guˇ-awˇ, “Jiˇ-euˬ ma” lehˇ ehˇ-eu dawˬ, uˬ duˬ tahˬ nymˇ nymˇ ma laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ neh gaˬ doˆ laˇ-euˬ meh.

HeˬByehˇ 1:8

Ehˇ kʼawꞈ, Zaˬmaˇ-euˬ gaˇ kawˆ Miˬyehˇ neh heu loꞈ-ehˇ ehˇ taˬ-euˬ meh. “Miˬyehˇ-oˇ, nawˬ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ meh. Nawˬ-euˬ tsawˇ haˬ deuˬ kʼoeˇ taˆ nawˇ, yaw tsaˬ yaw dawˇ neh uˆ lahˇ meh.

Miˇkaˬ 4:7

Aˬ yawꞈ maꞈ-aˬ, aˬ kuiˇ kuiˇ tawˆ bi dawˆ-awˇ, iˇ kahˇ-ahˇ gʼawˬ mahˇ kaˬ gaˇ jawˇ luꞈ meh. Ehˇ kʼawꞈ, dzeˇ yaꞈ-euˬ deuˬ-ahˇ ngaˇ yaw shuiꞈ shuiꞈ-ehˇ aˇ dahˬ paˇ beh nehˬ-awˇ, huiˬ-eu tsawˇ jeuˬ paˇ bi pyeuꞈ laˇ ma. Kʼoeˇ ngeh neh naˇ, Ziˇoˬ gawˬ jawˬ-ahˇ neh aˬ yawꞈ maꞈ-ahˇ ngaˇ mˬ maˬ maˬ byaˆ zaˇ ziˇ uˆ lahˇ ma.”

Jaceuq 86:9

Nawˬ neh beh taˬ-euˬ tsawˇ jeuˬ dawˬ tawˆ luꞈ, nawˬ-euˬ mehˬ shi laˇ-awˇ awˆ byaˆ tehꞈ-a. Nawˇ huiˬ-eu mahˇ-eu gaˇ kawˆ aˬ yawꞈ maꞈ caˇ-awˇ ja ceuˬ tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Panmaeq 19:6

Kʼoeˇ naˇ, iˇ cuꞈ tsawˬ ga ga-eu teˇ saˇ hawˇ-eu mˬ jeˬ jeˬ-eu teˇ saˇ loꞈ-ehˇ gʼeh-awˇ, tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Baoˬhuiˬ-eu Sahˬpaˬ Miˬyehˇ-aˬ, dzoeˬ dzaˬ-eu Sahˬpaˬ pyeuꞈ-eu meh.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Luˇkaꞈ 15:10

Kʼoeˇ gaˇ duˇ ni, iˬ baˇ zaˬ tiˬ gʼaˬ iˬ baˇ noeˬ poˆ-euˬ gaˇ, Miˬyehˇ-euˬ mˬ taˆ gʼaˬ kʼehˇ deuˬ laˬ kʼaˬ cehˇ-eu meh lehˇ, naw maꞈ-ahˇ ngaˇ ehˇ-eu ma.”

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Yeˬsaˬgeˬlaˇ 37:25

Aˬ yawꞈ maꞈ-euˬ aˬ poeˬ Yaˬkoˆ-ahˇ ngaˬ neh biꞈ-euˬ miˇ kʼahˬ pyeuꞈ-eu, aˬ yawꞈ maꞈ-euˬ aˬ poeˬ aˬ bawˇ deuˬ jawˇ-eu miˇ kʼahˬ-ahˇ, aˬ yawꞈ maꞈ jawˇ tehꞈ-a. Aˬ yawꞈ maꞈ-euˬ ziˇ-ahˇ neh, zaˬ deuˬ uˆ deuˬ-euˬ ziˇ ahˇ keuˆ ni, mˬ maˬ maˬ byaˆ zaˇ ziˇ kʼoeˇ gaˇ ya jawˇ tehꞈ-a. Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, mˬ maˬ maˬ byaˆ zaˇ ziˇ aˬ yawꞈ maꞈ-ahˇ uˆ lahˇ tehꞈ-a.

Iˇsaˬyaˇ 27:13

Aˇ nah kʼoeˇ nah keuˆ le ngeh, Aˬshuˇliˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ bi nyehꞈ gʼeh-awˇ jawˇ byoˆ taˬ-euˬ Iˇsaˬleˬlaˆ tsawˇ haˬ deuˬ-ahˇ kuˇ kʼoꞈ-eu daˇ heh baw laˇ tehꞈ-a. Aˬ yawꞈ maꞈ gʼoꞈ laˇ-awˇ, Sahˬpaˬ Miˬyehˇ-euˬ muiˬ-eu shawˇ-eu gawˬ jawˬ-ahˇ jaˆ-eu Yeˬluˇsaˬlehˬ meuˬ-ahˇ, Sahˬpaˬ Miˬyehˇ-ahˇ uˬ duˬ tahˬ laˇ tehꞈ-a.

Jaceuq 146:10

Sahˬpaˬ Miˬyehˇ-aˬ, mˬ maˬ maˬ byaˆ zaˇ ziˇ sahˬ paˬ pyeuꞈ-eu meh. Ziˇoˬ meuˬ-oˇ, nawˬ-euˬ Miˬyehˇ uˆ lahˇ-eu jeˬ, mˬ maˬ maˬ byaˆ zaˇ ziˇ ziꞈ tehꞈ-a. Sahˬpaˬ Miˬyehˇ-ahˇ ja ceuˬ-awˬ.

Jaceuq 110:4

Saˇ jaˇ dzaˬ gʼaˬ-euˬ dawˬ-ahˇ Sahˬpaˬ Miˬyehˇ maˬ yuˇ kʼoꞈ-a. Maˬlaˬkiˇsaˬdehˇ-euˬ aˇ yaˬ nawˇ za-awˇ, mˬ maˬ maˬ byaˆ zaˇ ziˇ piˇ ma ya geuꞈ tehꞈ-a lehˇ, aˬ yawꞈ saˇ jaˇ dzaˬ taˬ-euˬ meh.

Jaceuq 72:11

Sahˬ paˬ dawˬ tawˆ luꞈ aˬ yawꞈ mehˬ shi ya awˆ byaˆ-awˇ, tsawˇ jeuˬ dawˬ tawˆ luꞈ aˬ yawꞈ zaˬ kʼaˆ ya geuꞈ tehꞈ-a.

Jaceuq 2:2

SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Panmaeq 20:4

Kʼoeˇ naˇ, dzoeˬ dzaˬ nuiˇ mahˬ tiˬ deuˬ-ahˇ ngaˇ ya mawˇ-euˬ ma. Kʼoeˇ gaˇ nuiˇ luꞈ-eu tsawˇ haˬ deuˬ-ahˇ yaˇ kʼaˬ daˇ-eu baoˬ biꞈ taˬ-euˬ meh. Yeˬsuˇ neh pah mehˬ-euˬ yaw tsaˬ yaw dawˇ gaˇ kawˆ hawˇ-eu Miˬyehˇ dawˬ kawˬ gaˇ kawˆ mehˬ-euˬ baˬ da neh bi sehꞈ-euˬ tsawˇ haˬ deuˬ-euˬ saꞈ laˇ deuˬ-ahˇ kʼawꞈ ya mawˇ-euˬ ma. Aˬ yawꞈ maꞈ-aˬ, jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ maˬ tahˬ-ehˇ, aˬ yawꞈ maꞈ-euˬ naˇ kʼawˇ hawˇ-eu aˬ laꞈ-ahˇ aˬ yawꞈ-euˬ jmˬ maˬ diˬ taˬ-aˬ. Aˬ yawꞈ maꞈ gʼoꞈ dehꞈ laˇ-awˇ, Ka li nehˬ-ehˇ sahˬ paˬ geuꞈ-awˇ tiˬ heˇ kʼoꞈ uˆ lahˇ-euˬ meh.

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 9:13

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ daˇ heh baw ngeh, Miˬyehˇ mehˬ shi jaˆ-eu shuiˇ neh jahˇ taˬ-euˬ lawˇ duˬ-euˬ laꞈ coeˇ oeˬ coeˇ-ahˇ neh mahˇ doˆ laˇ-eu teˇ saˇ-ahˇ ngaˇ ya gaˬ-euˬ ma.

Panmaeq 9:1

Kʼoeˇ naˇ, mˬ taˆ gʼaˬ kʼehˇ ngaˬ gʼaˬ tiˬ gʼaˬ daˇ heh baw ngeh, aˬ guiˇ tiˬ siˬ miˇ tsaˬ kʼoeˇ taˆ ga ka le gaˇ ngaˇ ya mawˇ-euˬ ma. Aˬ guiˇ kʼoeˇ siˬ-ahˇ maˬ li-iˇ nya-eu duˬ kʼahˬ -ahˇ pah-eu mahˬ tawꞈ kahˬ biꞈ taˬ-euˬ meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Hawˇseˬ 2:23

Miˇ kʼahˬ heu kʼahˬ jawˇ duˬ laꞈ kʼoeˇ, ngaˬ-euˬ tsawˇ haˬ deuˬ ziꞈ leˇ-awˇ, baw le za le ni ngaˇ jahˇ ma. “Maˬ gaˬ-eu tsawˇ haˬ” lehˇ kuˇ-euˬ, kʼoeˇ deuˬ-ahˇ ngaˇ gaˬ poˆ nehˬ-awˇ, “Ngaˬ-euˬ tsawˇ haˬ maˬ ngeuˇ” ehˇ gaˇ, “Ngaˬ-euˬ tsawˇ haˬ ngeuˇ-eu ma” lehˇ, ngaˇ paˇ kuˇ poˆ ehˇ poˆ nehˬ ngeh, “Nawˇ nga maꞈ-euˬ Miˬyehˇ ma” lehˇ, ngaˬ-ahˇ yawꞈ maꞈ kuˇ laˇ tehꞈ-a.

Daˬyeˬlaˇ 7:22

Kʼoeˇ naˇ, mˬ bymˬ miˇ bymˬ bymˬ ngeh neh jawˇ luꞈ-eu gʼaˬ oe-awˇ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ jawˇ paw pyawˬ-awˇ yaˇ kʼaˬ daˇ-euˬ meh. Miˬyehˇ-euˬ tsawˇ haˬ deuˬ miˇ kʼahˬ-ahˇ ya uˆ lahˇ-eu aˇ yamˬ keuˆ laˇ-euˬ meh.

Iˇsaˬyaˇ 55:5

Boeˇ miˬ siˬ kʼaˬ tsawˇ jeuˬ deuˬ-ahˇ nawˇ dawˬ biꞈ tehꞈ-a. Dzeuˇ laˇ ngeh aˬ yawꞈ maꞈ nawˬ-ahˇ maˬ siˬ nya kʼawꞈ, nymˬ-mˇ nawˇ jawˇ paw cehˆ uˇ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˬ, kʼoeˇ loꞈ-ehˇ pyeuꞈ laˇ ni mˇ ma. Taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ, naw maꞈ-ahˇ ngaˇ biꞈ ma.”

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Luˇkaꞈ 15:6

Iˇ kahˇ gʼoꞈ keuˆ laˇ ngeh jawˇ,aˬ yawꞈ-euˬ cawˬ deuˬ hawˇ-eu aˬ yawꞈ-euˬ dawˬ peh jawˇ-eu tsawˇ haˬ deuˬ-ahˇ kuˇ-awˇ, ‘Byoˆ-iˇ-euˬ ngaˬ-euˬ yawˇ kʼoeˇ mawˇ poˆ mawˇ kʼoꞈ-euˬ miˇ neh, ngaˬ nehˬ-ehˇ laˬ kʼaˬ caw cehˇ laˇ-awˬ’ lehˇ ehˇ nehˬ tehꞈ-a.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Jaceuq 82:8

Miˬyehˇ-oˇ, miˇ tsaˬ kʼoeˇ taˆ uˆ lahˇ le-awˬ. Tsawˇ jeuˬ dawˬ tawˆ luꞈ nawˬ-euˬ tehꞈ meh.

Aaˇbaˬdiˇ 1:21

Guiˇ deuˆ gʼaˬ-euˬ tsawˇ haˬ pyeuꞈ-eu, Yeˬluˇsaˬlehˬ tsawˇ haˬ deuˬ-aˬ, Eˬdoˬ miˇ kʼahˬ-ahˇ deuˆ gʼaˬ-awˇ, miˇ kʼahˬ kʼoeˇ-ahˇ uˆ lahˇ tehꞈ-a. Kʼoeˇ ngeh, Sahˬpaˬ Miˬyehˇ aˬ yawꞈ, aˬ yawꞈ-euˬ tsawˇ haˬ deuˬ kʼoeˇ taˆ, sahˬ paˬ geuꞈ-awˇ uˆ lahˇ tehꞈ-a.”

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Gʼaˬkʼehˇ 4:26

Miˇ kʼahˬ sahˬ paˬ deuˬ lehˬ hmˬ-awˇ, miˇ kʼahˬ sahˬ ma deuˬ ymˬ leˇ-awˇ, Sahˬpaˬ Miˬyehˇ-ahˇ guiˇ mˇ-awˇ, aˬ yawꞈ neh tsiˇ lehꞈ-euˬ gʼaˬ-ahˇ, guiˇ deuˆ-eu lehˇ laˆ dah luꞈ meh.’ lehˇ, Daˬbiˇ neh ehˇ taˬ-euˬ meh.

Yeˬsaˬgeˬlaˇ 47:5

Laꞈ oˆ paw nyiˬ yaˇ ngaˬ tseˇ lmˇ paˇ dza ka gʼeh ngeh, iˇ cuꞈ naꞈ dui dui-eu miˇ neh, iˇ diˬ maˬ diˬ naˇ maˬ tsehˆ nya ni jaˆ-eu meh.