Panmaeq 1:20 - Akha

²⁰ Ngaˬ-euˬ aˇ maˇ laꞈ-ahˇ tuˆ tehˬ taˬ-euˬ nawˇ mawˇ-euˬ aˬ guiˇ shiꞈ siˬ hawˇ-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-ahˇ taꞈ leˇ-awˇ, zaꞈ taˬ-euˬ dawˬ tsuiꞈ heu loꞈ-ehˇ meh. Aˬ guiˇ shiꞈ siˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ-euˬ mˬ taˆ gʼaˬ kʼehˇ deuˬ pyeuꞈ-awˇ, tsiˇ kʼmˬ doꞈ taˬ duˬ shiꞈ hmˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nawq nae ya’mawr-euq, ngaq-euq armar laf-anr anr-eu aqguir shif siq hawr-eu, shuir nae janr-euq tsirkhmq dofdavduq shif hmq-anr tafler-awr zaftaq-euq dawqtsuif-aq heulof-aer mae: aqguir shif siq-aq, Kalizaq armur shif mur-euq mqtav ghaqkhaer deuq mae. Shuir nae janr-euq tsirkhmq dofdavduq shif hmq-aq, Kalizaq armur shif mur mae.”

Panmaeq 1:20 Referans Kwoze

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.

Panmaeq 3:1

“Saˬdiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, Miˬyehˇ-euˬ Yaw sahˇ shiꞈ sahˇ jawˇ-awˇ, aˬ guiˇ shiꞈ siˬ jaˆ-eu gʼaˬ-euˬ dawˬ meh. Nawˇ aˬ jeˬ mˇ luꞈ-eu gaˇ kawˆ ngaˇ siˬ nya ma. Nawˇ-aˬ, shiˇ-euˬ kʼawꞈ, dehꞈ luꞈ-eu meh lehˇ aˬ cawˬ sawˇ taˬ-euˬ meh.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Zaˬkaˬliˇ 4:2

“Nawˇ aˬ jeˬ mawˇ teˬ” lehˇ aˬ yawꞈ ngaˬ-ahˇ naˇ haˬ laˇ ngeh, ngaˇ heu loꞈ-ehˇ ehˇ kʼoꞈ nehˬ-euˬ ma. “Shuiˇ neh jahˇ taˬ-euˬ tsiˇ kʼmˬ doꞈ taˬ duˬ mawˇ-euˬ ma. Tsiˇ kʼmˬ doꞈ taˬ duˬ kʼoeˇ hmˬ-euˬ uˬ du, tsiˇ shehˆ ahˇ duˬ naˬ bo jaˆ-awˇ, tsiˇ kʼmˬ shiꞈ kʼmˬ dahˇ-eu meh. Tsiˇ kʼmˬ aˬ yawꞈ kʼmˬ yawꞈ, tsiˇ diꞈ shiꞈ hmˬ tsoꞈ kʼaˇ za-eu meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 2:18

“Saˬdiˬlehˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, myaˆ nuiˆ miˬ dzaˬ loꞈ-ehˇ nyehˆ-awˇ, aˬ kuiˇ guiˬ shuiˇ jeˬ ba taˬ-euˬ loꞈ-ehˇ guiˇ nyiˬ ni gʼeh-eu gʼaˬ pyeuꞈ-eu Miˬyehˇ-euˬ Zaˬmaˇ-euˬ dawˬ meh.

Panmaeq 2:12

Beˬlaˬgaˬ meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, mi seuˬ nyiˬ pyawˬ tsoꞈ-eu mi cehˇ jaˆ-eu gʼaˬ-euˬ dawˬ meh.

Panmaeq 2:8

“Saˬmuˇlaˬnaˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu, shiˇ-awˇ paˇ gʼoꞈ dehꞈ laˇ-euˬ gʼaˬ-euˬ dawˬ meh.

Luˇkaꞈ 8:10

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, nui deuˬ-aˬ, ya mawˇ-euˬ kʼawꞈ maˬ siˬ nya-ehˇ, ya gaˬ-euˬ kʼawꞈ maˬ gʼoˆ shaw nya-eu miˇ neh, yaw jeˬ ma jeˬ ja-awˇ ya mehˬ nehˬ-eu meh.

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Doˆ-iˇ 25:37

Tsiˇ kʼmˬ doꞈ taˬ duˬ kʼoeˇ taˆ doꞈ taˬ-eu gʼaˇ duˬ, tsiˇ kʼmˬ shiꞈ kʼmˬ jahˇ-awˇ, yaw shehꞈ bi bya-eu gʼaˇ duˬ, tsiˇ kʼmˬ kʼoeˇ deuˬ doꞈ-awˇ, kʼoeˇ gaˇ ciˬ daˆ taˬ-awˬ.

Doˆ-iˇ 37:23

Tsiˇ kʼmˬ doꞈ taˬ duˬ kʼoeˇ taˆ ciˬ daˆ-eu gʼaˇ duˬ, tsiˇ kʼmˬ shiꞈ kʼmˬ jahˇ-awˇ, ciˆ nyawˆ hawˇ-eu tsiˇ diꞈ deh kʼaˇ ahˇ duˬ kʼmˬ maˬ-ahˇ, maˇ jawˆ ni gʼeh-eu shuiˇ neh jahˇ-euˬ meh.

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.

Panmaeq 17:5

Zaꞈ taˬ-euˬ dawˬ tsuiꞈ ahˇ-eu tsawˇ myahˇ tiˬ myahˇ aˬ yawꞈ-euˬ naˇ kʼawˇ-ahˇ heu loꞈ-ehˇ boꞈ taˬ-euˬ meh. “Meh maˬ laˇ deuˬ hawˇ-eu, miˇ tsaˬ kʼoeˇ taˆ nui daˆ daˆ laˇ paˬ-ehˇ gʼeh-eu jeˬ dawˬ tawˆ luꞈ-euˬ aˬ ma yaw dzahˇ Baˬbuˬloˬ meuˬ meuˬ ma” lehˇ boꞈ taˬ-euˬ meh.

Panmaeq 17:7

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu, “Aˬ jeˬ miˇ neh nawˇ zahˬ leˇ te. Zaˬ miˬ zaˬ kʼoeˇ gʼaˬ hawˇ-eu, uˬ duˬ shiꞈ siˬ tsoꞈ-awˇ uˬ coeˇ tseˇ coeˇ tsoꞈ-eu jeˬ zaˬ yaw haiˬ kʼoeˇ mawˇ-euˬ gaˇ kawˆ, zaꞈ taˬ-euˬ dawˬ tsuiꞈ ngaˇ nawˬ-ahˇ ehˇ nehˬ nyaˇ.