Ngoeˇ dawˬ 3:31 - Akha

³¹ Sahˬpaˬ Miˬyehˇ tsawˇ haˬ zaˬ-ahˇ, byehˇ tsehˆ tsehˆ-awˇ maˬ bi shaˬ-a.

Ngoeˇ dawˬ 3:31 Referans Kwoze

Jaceuq 94:14

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ-ahˇ maˬ ngehˇ-a. Aˬ yawꞈ-ahˇ taꞈ-eu tsawˇ haˬ deuˬ-ahˇ aˬ yawꞈ maˬ byehˇ dzeh-a.

Jaceuq 77:7

“Sahˬpaˬ Miˬyehˇ aˬ dui-ahˇ byehˇ tsehˆ tsehˆ tehꞈ-a loˇ. Aˬ yawꞈ aˬ dui-ahˇ nui ma maˬ paˇ tsaˬ meh loˇ.

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

1 Saˬmeuˬlaˆ 12:22

Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Yeˬlaˬmiˇ 33:24

“Ngaˬ neh tseˇ doˆ-euˬ nymˇ jiˇ nyiˬ nymˇ-ahˇ duˇ-eu, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ ngaˬ neh byehˇ dzeh nehˬ-euˬ gaˇ kawˆ-ahˇ, aˬ cawˬ aˬ joˆ-ehˇ ja luꞈ-eu nawˇ gaˬ maˬ loˇ. Aˬ yawꞈ maꞈ ngaˬ-euˬ tsawˇ jeuˬ-ahˇ taˬ nyiˇ-awˇ, tsawˇ jeuˬ tiˬ jeuˬ lehˇ maˬ paˇ sawˇ meh.

Yeˬlaˬmiˇ 31:37

Mˬ-ahˇ aˇ lmˇ lmˇ haw nya-awˇ, miˇ tsaˬ ciˇ tahˬ mawˇ laˇ ngeh nah hawˇ-eu, Iˇsaˬleˬlaˆ tsawˇ jeuˬ mˇ-euˬ iˬ baˇ baˬ da, aˬ yawꞈ maꞈ-ahˇ byehˇ dzeh ma lehˇ, Sahˬpaˬ Miˬyehˇ ehˇ taˬ-euˬ meh.

Naˬhmˬ 1:12

Sahˬpaˬ Miˬyehˇ ehˇ leꞈ-euˬ-aˬ, “Aˬshuˇliˆ tsawˇ haˬ gʼaˬ kʼaˆ-awˇ, tsawˇhaˬ myaˬ dui behˇ dui dui kʼawꞈ, bi laˆ cawˆ-awˇ byoˆ jiˇ tehꞈ-a. Naw maꞈ-ahˇ ngaˇ kʼehˬ dzeuˇ-euˬ kʼawꞈ, mehˬ hu paw maˬ paˇ kʼehˬ nehˬ ma.

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

1 Sahˬpaˬ 11:39

Sawˇlaˬmoˬ neh mˇ-euˬ iˬ baˇ baˬ da neh, Daˬbiˇ-euˬ zaˬ deuˬ uˆ deuˬ-ahˇ ngaˇ kʼehˬ nehˬ kʼaˆ nehˬ ma. Ehˇ kʼawꞈ, mˬ maˬ maˬ byaˆ zaˇ ziˇ jiˇ ni kʼehˬ nehˬ ma lehˇ ngaˇ ehˇ mawꞈ-eu maˬ ngeuˇ’ lehˇ, Sahˬpaˬ Miˬyehˇ nawˬ-ahˇ ehˇ-eu meh.”

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.