Neˬhaˬmiˇ 9:30 - Akha30 Nawˇ nui ma gʼawˬ mahˇ ni taˬ-awˇ, tiˬ kʼoꞈ saˇ-iˬ tiˬ kʼoꞈ aˬ yawꞈ maꞈ-ahˇ mehˬ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ nawˬ-euˬ Yaw sahˇ sheuˬ gʼeh nehˬ-awˇ, aˬ yawꞈ maꞈ-ahˇ dawˬ bi ngehˬ cawˬ kʼawꞈ, aˬ yawꞈ maꞈ naˬ bawˇ maˬ gaˬ leˇ-eu miˇ neh, aˬ cawˬ tsawˇ jeuˬ deuˬ neh aˬ yawꞈ maꞈ-ahˇ nawˇ bi deuˆ gʼaˬ-euˬ meh. Gade chapit la |
Neˬhaˬmiˇ 9:30
34 Referans Kwoze
Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.
Ka kʼoꞈ-eu jeˬ heu aˬ geu ngeh yamˬ-ahˇ keuˆ le-awˇ, aˬ joˆ-ehˇ keuˆ le-eu gaˇ kawˆ aˬ yawꞈ maꞈ poˆ tseˇ-euˬ meh. Ka li ya daˬ-euˬ shaˬ zahˬ hawˇ-eu, kʼoeˇ sawˇ miˇ tsa yaw shehꞈ kʼahˬ sehˇ doˆ laˇ-euˬ gaˇ kawˆ, aˇ hu ba neh ngehˬ dah taˬ-euˬ jaˆ-eu meh. Kʼoeˇ loꞈ-ehˇ ngehˬ dah ngeh, Ka liˬ-euˬ Yaw sahˇ neh aˬ yawꞈ maꞈ-euˬ laꞈ kʼoeˇ jawˇ-awˇ toeˬ mehˬ nehˬ-euˬ aˇ nah aˇ yamˬ kʼoeˇ-aˬ, aˇ nah aˇ yamˬ heu yamˬ meh.
Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.
Nawˬ neh mehˬ-euˬ tsoˆ-euˬ jeˬ-ahˇ naˇ haˬ-awˬ lehˇ, aˬ yawꞈ maꞈ-ahˇ nawˇ mehˬ nehˬ-euˬ meh. Ehˇ kʼawꞈ, aˬ yawꞈ maꞈ nui ma huiˬ-eu laꞈ kʼoeˇ, nawˬ-euˬ zahˇ dawˬ kʼoꞈ dawˬ-ahˇ byehˇ-euˬ meh. Nawˬ-euˬ zahˇ dawˬ kʼoꞈ dawˬ mehˬ nah caw teh-eu jeˬ-aˬ, dehꞈ-eu saꞈ laˇ gaˇ ma pyeuꞈ kʼawꞈ, aˬ yawꞈ maꞈ nui ma huiˬ-eu gʼahˇ-eu laꞈ kʼoeˇ, maˬ naˇ haˬ geuꞈ ni dehꞈ-euˬ meh.
Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.
Pawˇluˆ neh ngehˬ-euˬ dawˬ baˬ da neh, aˬ yawꞈ maꞈ tiˬ gʼaˬ tiˇ gʼaˬ maˬ tsaˬ leˇ ni gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Pawˇluˆ neh ehˇ nehˬ-euˬ kʼoeˇ-aˬ, heu loꞈ-ehˇ meh. “Miˬyehˇ gʼaˇ duˬ ngehˬ dah-eu Iˇsaˬyaˇ-ahˇ gʼoe-awˇ, naw maꞈ-euˬ aˬ poeˬ aˬ bawˇ deuˬ-ahˇ Muiˬ-eu shawˇ-eu Yaw sahˇ Miˬyehˇ neh ehˇ nehˬ-euˬ dawˬ heu dawˬ aˇ naˆ ni tsaˬ-eu nga.
Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.
Sahˬpaˬ Miˬyehˇ-aˬ, tsawˇ haˬ tiˬ paˆ na deuˬ noeˬ-eu loꞈ-ehˇ, aˬ yawꞈ neh saˇ jaˇ dzaˬ taˬ-euˬ jeˬ maˬ mˇ byah ni nyi naˬ-eu Miˬyehˇ maˬ ngeuˇ-a. Ehˇ kʼawꞈ, tsawˇ haˬ tiˬ gʼaˬ-iˬ maˬ bi luˬ maˬ bi seˇ-iˇ mawꞈ-eu miˇ neh, dawˬ tawˆ luꞈ iˬ baˇ bi noeˬ poˆ-eu gʼaˇ duˬ aˬ yawꞈ oˇ luꞈ-eu jeˬ pyeuꞈ-eu meh.
Aˬ yuiꞈ aˬ tsu kʼoeˇ shiꞈ tseˇ gʼaˬ laꞈ kʼoeˇ, Eˇlaˬdaˇ hawˇ-eu Meˬdaˇ aˬ nyaꞈ-aˬ, Sahˬpaˬ Miˬyehˇ jawˇ-eu Sehˬ gʼawˆ-ahˇ maˬ le ni, yawˬ ha-euˬ sehˬ gʼawˆ laꞈ kʼoeˇ jawˇ yaꞈ-euˬ meh. Kʼoeˇ gaˇ, sehˬ gʼawˆ laꞈ kʼoeˇ aˬ yawꞈ nyaꞈ kʼoeˇ taˆ yaw sahˇ keuˆ le-awˇ, aˬ yawꞈ nyaꞈ kʼawꞈ, Miˬyehˇ gʼaˇ duˬ ngehˬ dah-eu deuˬ loꞈ-ehˇ guˇ-euˬ meh.
Aˬshuˇliˆ sahˬ paˬ neh Iˇsaˬleˬlaˆ tsawˇ haˬ deuˬ-ahˇ, Aˬshuˇliˆ miˇ kʼahˬ-ahˇ nyehꞈ daˆ gʼeh-awˇ, tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.
“Ehˇ kʼawꞈ ni, Miˬyehˇ-oˇ, nymˬ-mˇ heu loꞈ-ehˇ pyeuꞈ laˇ gʼaˬ taˬ-euˬ miˇ neh, nga maꞈ aˬ joˆ-ehˇ paˇ ya ehˇ nmˇ. Nawˬ-euˬ gʼaˇ duˬ ngehˬ dah-eu nawˬ-euˬ zaˬ kʼaˆ deuˬ-ahˇ gʼoe-awˇ nawˇ nga maꞈ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nga maꞈ byehˇ dzeh gʼaˬ-euˬ ma. Aˬ yawꞈ maꞈ-ahˇ gʼoe-awˇ nawˇ nga maꞈ-ahˇ ehˇ taˬ-eu dawˬ heu loꞈ-ehˇ jaˆ-eu meh. Naw maꞈ jawˇ uˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-aˬ, maˬ muiˬ maˬ shawˇ-eu miˇ kʼahˬ pyeuꞈ-eu meh. Aˬ jeˬ miˇ neh ehˇ naˇ, kʼoeˇ gaˇ jawˇ luꞈ-eu tsawˇ haˬ deuˬ-aˬ, miˇ kʼahˬ kʼoeˇ kʼahˬ-euˬ kʼoeˇ dzeˇ heu dzeˇ doˆ ni jawꞈ dui dui-eu jeˬ tehꞈ-ehˇ mˇ byah jiˇ taˬ-euˬ meh.
Piblisite