Neˬhaˬmiˇ 9:27 - Akha

²⁷ Kʼoeˇ miˇ neh, aˬ yawꞈ maꞈ-ahˇ muiˇ-eu deuˬ neh, aˬ yawꞈ maꞈ-ahˇ nawˇ bi deuˆ gʼaˬ-awˇ, bi uˆ lahˇ-euˬ meh. Aˬ yawꞈ maꞈ shaˬ-eu zahˬ-eu laꞈ kʼoeˇ, caw ba le-awˬ lehˇ nawˬ-ahˇ kuˇ ngeh, nawˇ mˬ kʼoeˇ taˆ jawˇ-awˇ naˇ haˬ nehˬ-euˬ meh. Aˬ yawꞈ maꞈ-ahˇ nawˇ gʼawˬ shaˬ gaˬ dui dui-eu laꞈ kʼoeˇ, muiˇ-eu deuˬ-euˬ laꞈ-ahˇ neh bi ka kʼoꞈ-eu gʼaˇ duˬ, aˬ yuiꞈ aˬ tsu deuˬ nawˇ pyehˬ gʼeh-euˬ meh.

Neˬhaˬmiˇ 9:27 Referans Kwoze

2 Sahˬpaˬ 14:27

Ehˇ kʼawꞈ, Iˇsaˬleˬlaˆ tsawˇ haˬ deuˬ mˬ maˬ maˬ byaˆ zaˇ ziˇ cawˆ-iˇ gaˇ Sahˬpaˬ Miˬyehˇ maˬ geuꞈ mawꞈ-a. Kʼoeˇ miˇ neh, sahˬ paˬ Yeˬyawˇbamˬ-ahˇ gʼoe-awˇ, aˬ yawꞈ maꞈ-ahˇ ka kʼoꞈ nehˬ-euˬ meh.

2 Sahˬpaˬ 13:5

Suˇliˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ buˬ-iˇ nya ni, Iˇsaˬleˬlaˆ tsawˇ haˬ deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu tsawˇ haˬ tiˬ gʼaˬ Sahˬpaˬ Miˬyehˇ pyehˬ leꞈ-awˇ, aˇ hu ba dehꞈ dzeuˇ jawˇ dzeuˇ yaꞈ-euˬ aˇ nah aˇ yamˬ loꞈ-ehˇ, aˬ yawꞈ maꞈ nui saˇ oꞈ-eu laꞈ kʼoeˇ ya dehꞈ ya jawˇ-euˬ meh.

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

Yaˇ kʼaˬ daˇ 2:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.

Aaˇbaˬdiˇ 1:21

Guiˇ deuˆ gʼaˬ-euˬ tsawˇ haˬ pyeuꞈ-eu, Yeˬluˇsaˬlehˬ tsawˇ haˬ deuˬ-aˬ, Eˬdoˬ miˇ kʼahˬ-ahˇ deuˆ gʼaˬ-awˇ, miˇ kʼahˬ kʼoeˇ-ahˇ uˆ lahˇ tehꞈ-a. Kʼoeˇ ngeh, Sahˬpaˬ Miˬyehˇ aˬ yawꞈ, aˬ yawꞈ-euˬ tsawˇ haˬ deuˬ kʼoeˇ taˆ, sahˬ paˬ geuꞈ-awˇ uˆ lahˇ tehꞈ-a.”

Neˬhaˬmiˇ 9:19

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh-ahˇ, aˬ yawꞈ maꞈ-ahˇ nawˇ maˬ byehˇ dzeh-aˬ. Uˬ ciꞈ hawˇ-eu nah gʼahˇ aˬ yawꞈ maꞈ-ahˇ gaˇ ma mehˬ luꞈ-eu, miˬ dzaˬ hawˇ-eu mˬ dmˇ nawˇ maˬ yuˇ dzeh nehˬ-aˬ.

Uˬ duˬ 26:17

Aˬ cawˬ naw maꞈ-ahˇ bi gʼaˬ leˇ ni, naw maꞈ-ahˇ ngaˇ byehˇ dzeh-awˇ, naw maꞈ-ahˇ muiˇ-eu tsawˇ haˬ deuˬ naw maꞈ kʼoeˇ taˆ uˇ lahˇ tehꞈ-a. Naw maꞈ tsawˬ guˆ-iˇ dui dui-eu miˇ neh, aˬ cawˬ naw maꞈ-ahˇ maˬ teh kʼawꞈ, naw maꞈ cehˆ cehˆ-ehˇ jawˇ tehꞈ-a.

2 Sahˬpaˬ 17:20

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma naˇ dui dui-awˇ, doeˇ dui dui-eu muiˇ-eu tsawˇ haˬ deuˬ neh bi kʼehˬ-eu laꞈ kʼoeˇ, maˬ mawˇ laˇ gaˇ bi iˇ byoˆ jiˇ-euˬ meh.

2 Sahˬpaˬ 17:39

Miˬyehˇ nui deuˬ-ahˇ uˬ duˬ taˬ tahˬ. Naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-euˬ ehˇ dawˬ naw maꞈ ya naˇ haˬ meh. Muiˇ-eu deuˬ-euˬ aˬ laꞈ laꞈ kʼoeˇ, naw maꞈ-ahˇ ngaˇ ka kʼoꞈ nehˬ ma.”

Jaceuq 136:24

Muiˇ-eu deuˬ-euˬ aˬ laꞈ laꞈ kʼoeˇ, aˬ dui-ahˇ aˬ yawꞈ pyehˬ nehˬ luꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.