Neˬhaˬmiˇ 9:2 - Akha

² Iˇsaˬleˬlaˆ zaˬ deuˬ uˆ deuˬ-aˬ, aˬ cawˬ tsawˇ jeuˬ dawˬ tawˆ luꞈ nehˬ-ehˇ dehꞈ gʼawˬ jawˇ gʼawˬ-awˇ, yawˬ ha-euˬ jawˇ duˬ-ahˇ yawꞈ-awˇ, yawˬ ha-euˬ iˬ baˇ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ neh mˇ-euˬ yaw haiˬ jeˬ gʼaˇ duˬ iˬ baˇ shaˇ pyehˬ-euˬ meh.

Neˬhaˬmiˇ 9:2 Referans Kwoze

Neˬhaˬmiˇ 13:3

Zahˇ dawˬ kʼoꞈ dawˬ laꞈ kʼoeˇ kʼoeˇ loꞈ-ehˇ gui doˆ laꞈ gaˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ maꞈ nehˬ-ehˇ kʼaˇ jawˇ luꞈ-eu aˬ cawˬ tsawˇ jeuˬ deuˬ-ahˇ teh dzeh-euˬ meh.

Eˇzaˬlaˬ 10:11

Nymˬ-mˇ naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ iˬ baˇ saˇ pyehˬ-awˇ, aˬ yawꞈ nui ma tsaˬ ni mˇ-awˬ. Aˬ dui-euˬ miˇ kʼahˬ-ahˇ jawˇ luꞈ-eu aˬ cawˬ tsawˇ jeuˬ nehˬ-ehˇ naw maꞈ dehꞈ gʼawˬ-awˇ, aˬ cawˬ tsawˇ jeuˬ pyeuꞈ-eu naw maꞈ-euˬ miˬ zaˬ deuˬ-ahˇ kʼoꞈ-awˬ.”

Neˬhaˬmiˇ 13:30

Aˬ yawꞈ maꞈ nehˬ-ehˇ aˬ cawˬ tsawˇ jeuˬ-ahˇ taꞈ-eu jeˬ tiˬ jeˬ-iˬ maˬ bi jaˆ ni, ngaˬ neh shawˇ nehˬ-euˬ ma. Piˇ ma deuˬ hawˇ-eu Leˬbiˇ tsawˇ haˬ deuˬ yawˬ ha-euˬ gaˇ yawˬ ha baw ni, ngaˇ gaˇ biˇ nehˬ-euˬ ma.

Daˬyeˬlaˇ 9:20

Ngaˇ guiˬ lahˬ shaˇ shaˇ-ehˇ, ngaˬ-euˬ iˬ baˇ hawˇ-eu ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-euˬ iˬ baˇ ehˇ doˆ-awˇ, aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma paˇ tsoˆ muiˬ-eu gʼaˇ duˬ, ngaˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-euˬ ma.

Hawˇseˬ 5:7

Aˬ yawꞈ maꞈ Sahˬpaˬ Miˬyehˇ-ahˇ, Saˇ jaˇ maˬ ziꞈ ni dehꞈ-euˬ meh. Yawꞈ maꞈ-euˬ aˬ buˇ aˬ li deuˬ, aˬ yawꞈ-ahˇ maˬ taꞈ-eu zaˬ meh. Kʼoeˇ baˬ da neh yawꞈ maꞈ hawˇ-eu, yawꞈ maꞈ-euˬ deh yaˇ dawˬ tawˆ luꞈ, nymˬ-mˇ ya cawˆ-iˇ jiˇ tehꞈ-a.

Jaceuq 144:11

Gʼawˬ shaˬ gaˬ-eu maˬ siˬ nya-eu muiˇ-eu deuˬ-euˬ aˬ laꞈ laꞈ kʼoeˇ, ngaˬ-ahˇ ka kʼoꞈ nehˬ laꞈ. Tiˬ jawˇ-iˬ yaw tsaˬ yaw dawˇ jeˬ maˬ ngehˬ-ehˇ, jaˬ myawꞈ myawꞈ-awˇ kamˬ tsehˆ peuˬ-eu, aˬ cawˬ tsawˇ jeuˬ-euˬ laꞈ-ahˇ ka kʼoꞈ nehˬ laꞈ.

Eˇzaˬlaˬ 9:2

Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ sheuˬ-eu laꞈ kʼoeˇ Miˬyehˇ-euˬ muiˬ-eu shawˇ-eu tsawˇ jeuˬ-ahˇ tsawˇ keuˬ bi keuˬ iˇ-euˬ meh. Aˬ yuiꞈ aˬ tsu deuˬ hawˇ-eu yaw huiˬ yaw mahˇ geuꞈ-eu deuˬ kʼoeˇ loꞈ-ehˇ mehˬ huˬ huˬ-awˇ mˇ-eu meh lehˇ ehˇ laˇ-euˬ meh.

Iˇsaˬyaˇ 2:6

Miˬyehˇ-oˇ, Yaˬkoˆ-euˬ zaˬ deuˬ uˆ deuˬ pyeuꞈ-eu, nawˬ-euˬ tsawˇ haˬ deuˬ-ahˇ nawˇ byehˇ dzeh-euˬ meh. Aˬ jeˬ miˇ neh ehˇ naˇ, nahˇ ma doˆ kʼehˬ miˇ kʼahˬ paw neh oe-euˬ nyiˇ paˬ shiˇ-eu zahˇ hawˇ-eu, Piˇliˇtiˆ tsawˇ haˬ deuˬ ja maw maw-eu zahˇ-ahˇ, aˬ yawꞈ maꞈ mˇ dui dui luꞈ-eu uˬ taꞈ, aˬ cawˬ tsawˇ jeuˬ nehˬ-ehˇ laꞈ tsaꞈ tsaꞈ tehˬ-awˇ dehꞈ-eu meh.

Jaceuq 144:7

Yaw goˇ-ahˇ neh nawˬ-euˬ aˬ laꞈ cawˬ ka leꞈ-awˇ, iˇ cuꞈ naꞈ gaˇ ngaˬ-ahˇ gʼeu doˆ-awˇ ka kʼoꞈ nehˬ laꞈ-awˬ. Aˬ cawˬ tsawˇ jeuˬ deuˬ-euˬ aˬ laꞈ laꞈ kʼoeˇ ka kʼoꞈ nehˬ laꞈ-awˬ.

Neˬhaˬmiˇ 1:6

Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ uˬ ciꞈ nah gʼahˇ maˬ ehˇ ngaˇ guiˬ lahˬ shaˇ luꞈ ngeh, ngaˬ-ahˇ haw-awˇ ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ. Iˇsaˬleˬlaˆ tsawˇ jeuˬ pyeuꞈ-eu nga maꞈ neh mˇ lehˬ-euˬ iˬ baˇ-ahˇ ngaˇ shaˇ pyehˬ-eu ma. Ngaˬ-euˬ aˬ poeˬ aˬ bawˇ deuˬ hawˇ-eu ngaˇ kʼawꞈ iˬ baˇ ahˇ-eu ma.

Eˇzaˬlaˬ 9:15

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ tsaˬ-eu dawˇ-eu Miˬyehˇ pyeuꞈ kʼawꞈ, nga maꞈ-ahˇ nawˇ bi dzeuˇ-iˇ laꞈ-euˬ meh. Nawˬ-eu mehˬ shi nga maꞈ-euˬ iˬ baˇ shaˇ pyehˬ-eu ma. Nga maꞈ-aˬ, nawˬ-eu mehˬ shi laˇ-eu maˬ geuˇ-eu tsawˇ haˬ pyeuꞈ-eu ma.”

1 Sahˬpaˬ 8:47

nawˬ-euˬ tsawˇ haˬ kʼoeˇ deuˬ-euˬ guiˬ lahˬ shaˇ dawˬ-ahˇ nawˇ naˇ haˬ nehˬ-awˬ. Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ iˬ baˇ noeˬ poˆ-awˇ, aˬ yawꞈ maꞈ maˬ tsaˬ maˬ dawˇ-eu laꞈ kʼoeˇ dehꞈ-euˬ miˇ neh, yawˬ ha iˬ baˇ huiˬ dui dui-eu gaˇ kawˆ ja doˆ-awˇ nawˬ-ahˇ guiˬ lahˬ shaˇ naˇ, Sahˬpaˬ Miˬyehˇ-oˇ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ.

Eˇzaˬlaˬ 6:21

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ-ahˇ jawˇ-eu aˬ cawˬ tsawˇ jeuˬ tawˬ luꞈ-eu lawˇ ciꞈ zaˬ-euˬ zahˇ sahˇ kʼoꞈ-ahˇ byehˇ dzeh-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ maˬ ehˇ, Baˬsaˬkaˬ bawˬ-iˬ-ahˇ lawˇ-euˬ shaˬ jiˇ dzaˬ-euˬ meh.

Eˇzaˬlaˬ 9:1

Gaˇ kʼoeˇ deuˬ mˇ gʼaˬ jiˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Iˇsaˬleˬlaˆ tsawˇ haˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ-aˬ, aˬ yawꞈ maꞈ-euˬ dawˬ peh jawˇ-eu aˬ cawˬ tsawˇ jeuˬ deuˬ pyeuꞈ-eu Aˬmoˬ tsawˇ jeuˬ Mawˇbaˆ tsawˇ jeuˬ, Iˇjiˇtuˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Paˬyehˆ tsawˇ jeuˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ kʼoeˇ deuˬ hawˇ-eu aˬ yawꞈ maꞈ-euˬ jawꞈ dui dui-eu zahˇ sahˇ kʼoꞈ deuˬ-ahˇ maˬ dehꞈ beu ni, dehꞈ keuˬ dehꞈ sho luꞈ-eu gaˇ kawˆ ehˇ laˇ-euˬ meh.

Neˬhaˬmiˇ 10:28

Nga maꞈ Iˇsaˬleˬlaˆ tsawˇ haˬ deuˬ, piˇ ma deuˬ, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ, Uˬ duˬ tahˬ nymˇ nymˇ ma-ahˇ caˇ dawˬ caˇ-eu deuˬ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu deuˬ hawˇ-eu, Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu laꞈ kʼoeˇ nga maꞈ-euˬ miˇ kʼahˬ laꞈ kʼoeˇ jawˇ luꞈ-eu aˬ cawˬ tsawˇ jeuˬ deuˬ nehˬ-ehˇ kʼaˇ dehꞈ kʼaˇ jawˇ gʼawˬ-euˬ deuˬ dawˬ tawˆ luꞈ, yawˬ ha-euˬ miˬ zaˬ deuˬ hawˇ-eu noeˬ siˬ nya laˇ-euˬ yawˬ ha-euˬ zaˬ deuˬ ahˇ leˇ-ehˇ,

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 14:20

Sahˬpaˬ Miˬyehˇ nawˬ-ahˇ nga maꞈ mˇ bahˬ-euˬ ma. Nga maꞈ mˇ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, lehˬ-eu miˇ-a lehˇ nga maꞈ ehˇ-eu ma.

Neˬhaˬmiˇ 10:29

nga maꞈ-euˬ aˬ yuiꞈ aˬ tsu deuˬ nehˬ-ehˇ tiˬ kawˆ loꞈ-ehˇ heu loꞈ-ehˇ saˇ jaˇ dzaˬ-euˬ ma. Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ gʼoe-awˇ biꞈ laꞈ-euˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu gʼaˇ duˬ maˬ ehˇ, Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ jeˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ-ahˇ aˬ myah luꞈ caw teh-awˇ dehꞈ-eu gʼaˇ duˬ maˬ ehˇ, nga maꞈ saˇ jaˇ dzaˬ-awˇ, kʼoeˇ loꞈ-ehˇ maˬ mˇ naˇ, kʼehˬ-eu kʼaˆ-eu jeˬ nga maꞈ-euˬ kʼoeˇ taˆ bi keuˆ le ma lehˇ kamˬ tsehˆ-euˬ ma.