Neˬhaˬmiˇ 8:12 - Akha

¹² Kʼoeˇ ngeh, tsawˇ haˬ kʼoeˇ deuˬ iˇ kahˇ-ahˇ gʼoꞈ-iˇ-awˇ, laˬ kʼaˬ cehˇ taˆ ni dzaˬ-awˇ dawˇ-awˇ, yawˬ ha kʼaˇ jaˆ-eu jeˬ aˬ cawˬ-ahˇ kʼawꞈ biˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ mehˬ nehˬ-euˬ jeˬ-ahˇ aˬ yawꞈ maꞈ gʼoˆ shaw-euˬ meh.

Neˬhaˬmiˇ 8:12 Referans Kwoze

Jaceuq 119:174

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ noeˬ tmˬ dui dui-eu ma. Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Luˇkaꞈ 24:32

Aˬ yawꞈ nyaꞈ yaw kaˬ ehˇ-eu, “Gaˇ pehˇ-ahˇ aˬ yawꞈ aˇ nyaꞈ-ahˇ dawˬ ngehˬ cawˬ laˇ-awˇ Jaˇliꞈ gaˇ kawˆ ja mehˬ nehˬ laꞈ ngeh, nui ma laꞈ kʼoeˇ miˬ dzaˬ doꞈ-eu loꞈ-ehˇ gʼeh law miˇ-a ehˇ lawˬ.”

Jaceuq 119:171

Nawˬ-euˬ zahˇ dawˬ kʼoꞈ dawˬ ngaˬ-ahˇ mehˬ nehˬ laꞈ-euˬ miˇ neh, nawˬ-ahˇ aˬ myah luꞈ ja ceuˬ ma.

Jaceuq 119:130

Nawˇ mehˬ-eu dawˬ yaw shehꞈ biꞈ-eu miˇ neh, maˬ gahˇ-eu deuˬ-ahˇ bi gahˇ laˇ-eu meh.

Jaceuq 119:127

Shuiˇ naˆ maˬ tseˇ nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma. Muiˬ dui dui-eu shuiˇ naˆ maˬ tseˇ gaˬ-euˬ ma.

Jaceuq 119:111

Nawˬ-euˬ zahˇ dawˬ kʼoꞈ dawˬ-ahˇ mˬ maˬ maˬ byaˆ zaˇ ziˇ ngaˇ za gʼaˬ-awˇ, ngaˬ-euˬ nui ma-ahˇ laˬ kʼaˬ bi cehˇ-eu meh.

Jaceuq 119:97

Nawˬ-euˬ zahˇ dawˬ kʼoꞈ dawˬ-ahˇ ngaˇ aˇ naˆ ni gaˬ-eu nga. Nah ga-ehˇ zahˇ dawˬ kʼoꞈ dawˬ-ahˇ shaˇ noeˬ luꞈ-eu ma.

Jaceuq 119:72

Miˇ tsaˬ kʼoeˇ taˆ kʼaˇ jaˆ-eu pyuˇ shuiˇ dawˬ tawˆ luꞈ naˆ maˬ tseˇ, nawˬ neh biꞈ laꞈ-eu zahˇ dawˬ kʼoꞈ dawˬ aˇ poeˬ kʼaˆ dzehˬ nya.

Jaceuq 119:16

Nawˬ-euˬ zahˇ dawˬ kʼoꞈ dawˬ-ahˇ ngaˇ laˬ kʼaˬ cehˇ-awˇ, nawˬ-euˬ dawˬ-ahˇ ngaˇ maˬ ngehˇ.

Jaceuq 119:14

Pyuˇ shuiˇ myawˬ gahˬ-ahˇ gaˬ-eu naˆ maˬ tseˇ, nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ ma.

Yawˇbaˆ 23:12

Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Lormav 7:18

Shiˬ shaˬ jiˇ-euˬ nui noeˬ pi luꞈ-eu ngaˬ-euˬ gʼawˇ mawˇ heu laꞈ kʼoeˇ yaw muiˬ jeˬ maˬ ahˇ nya lehˇ ngaˇ siˬ nya ma. Aˬ jeˬ miˇ neh ehˇ naˇ, yaw muiˬ jeˬ mˇ mawꞈ-eu nui ma ahˇ luꞈ kʼawꞈ, kʼoeˇ loꞈ-ehˇ maˬ mˇ nya nya.

Yeˬlaˬmiˇ 15:16

Nawˇ ngaˬ-ahˇ dawˬ ngehˬ cawˬ le ngeh, yawˬ dawˬ na luꞈ ngaˇ naˇ haˬ-euˬ ma. Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ nawˬ-euˬ zaˬ pyeuꞈ-awˇ, nawˬ-euˬ dawˬ baˬ da neh ngaˬ-euˬ nui ma laꞈ kʼoeˇ laˬ kʼaˬ cehˇ-eu jeˬ byah-eu ma.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Neˬhaˬmiˇ 8:11

Leˬbiˇ tsawˇ haˬ deuˬ tsawˇ haˬ kʼoeˇ deuˬ jawˇ gaˇ iˇ doe-awˇ, aˬ yawꞈ maꞈ ngoeˇ luꞈ-eu bi taˬ leˇ-eu gʼaˇ duˬ, Heu loꞈ-ehˇ muiˬ-eu shawˇ-eu aˇ nah-ahˇ noeˬ shaˬ noeˬ zahˬ-eu jeˬ taˬ bi ahˇ lehˇ ehˇ nehˬ-euˬ meh.

Neˬhaˬmiˇ 8:13

Yawˬ nah yawˬ-ahˇ, aˇ jeuˬ aˇ ca deuˬ-euˬ aˬ yuiꞈ aˬ tsu deuˬ, piˇ ma deuˬ hawˇ-eu, Leˬbiˇ tsawˇ haˬ deuˬ Eˇzaˬlaˬ jawˇ gaˇ iˇ-awˇ zahˇ dawˬ kʼoꞈ dawˬ dzaw geuꞈ-iˇ-euˬ meh.

Iˇsaˬtaˆ 9:22

Aˇ nah kʼoeˇ nyiˬ nah-ahˇ Yuˇdaˆ tsawˇ haˬ deuˬ aˬ yawꞈ maꞈ-ahˇ muiˇ-eu deuˬ-euˬ laꞈ-ahˇ neh ya buˬ ya law-iˇ-awˇ, ba la kʼoeˇ siˬ laꞈ kʼoeˇ noeˬ shaˬ noeˬ zahˬ-eu aˇ yamˬ kʼoeˇ yamˬ, laˬ kʼaˬ cehˇ nui saˇ za-eu aˇ yamˬ pyeuꞈ laˇ-euˬ meh. Aˇ nah kʼoeˇ nyiˬ nah-ahˇ bawˬ-iˬ gʼeh-awˇ dzaˬ taꞈ dawˇ taꞈ-eu laꞈ kʼoeˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ taꞈ-awˇ, shaˬ-eu zahˬ-eu tsawˇ haˬ deuˬ-ahˇ caw ba nehˬ-awˬ lehˇ Yuˇdaˆ tsawˇ haˬ deuˬ-ahˇ ehˇ nehˬ-euˬ meh.

1 Laˬsaˬbaˬ 29:22

Kʼoeˇ ngeh nah, Sahˬpaˬ Miˬyehˇ mehˬ shi aˬ yawꞈ maꞈ dzaˬ-awˇ dawˇ-awˇ, byawˬ gʼa dui dui-euˬ meh. Sawˇlaˬmoˬ-ahˇ, aˬ yawꞈ maꞈ nyiˬ poˆ tiˬ poˆ sahˬ paˬ paˇ ka nehˬ-euˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ maꞈ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˇ, Zaˬdoˆ gʼaˬ-ahˇ kʼawꞈ, piˇ ma bi geuꞈ-eu gʼaˇ duˬ tsiˇ shehˆ daˆ nehˬ-euˬ meh.