Neˬhaˬmiˇ 8:10 - Akha

¹⁰ Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Neˬhaˬmiˇ 8:10 Referans Kwoze

Dawqdaq 17:22

Nui ma saˇ-eu jeˬ jaˆ gʼaˬ gʼaˬ ma pyeuꞈ-awˇ, nui ma cawˆ-eu jeˬ puˇ nmꞈ gui-iˇ-eu naˇ gawˇ meh.

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬtaˆ 9:19

Kʼoeˇ miˇ neh, meuˬ yaw nyiˇ deuˬ-ahˇ jawˇ-eu Yuˇdaˆ tsawˇ haˬ deuˬ-aˬ, Aˬdaˬlaˬ ba la tseˇ oeˬ nah tiˬ nah-ahˇ laˬ kʼaˬ cehˇ-awˇ lah-eu daw-eu aˇ nah lehˇ sawˇ taˬ-awˇ, dzaˬ byawˬ dawˇ byawˬ byawˬ-awˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ-euˬ meh.

2 Gawˇliˬtu 8:2

Shaˬ-eu zahˬ-eu gʼawˬ mya jeˬ lawˬ haw gaˇ aˬ yawꞈ maꞈ ya daˬ-euˬ kʼawꞈ, maˬ ehˇ jiˇ coeˇ ni laꞈ kʼaˬ cehˇ-eu meh. Kʼoeˇ miˇ neh aˬ yawꞈ maꞈ yaw shaˬ shaˬ dui dui kʼawꞈ, damˬ nehˬ-eu paw tiˬ pawꞈ-iˬ gʼaˬ byehˆ maˬ byehˆ-a.

Iˇsaˬtaˆ 9:22

Aˇ nah kʼoeˇ nyiˬ nah-ahˇ Yuˇdaˆ tsawˇ haˬ deuˬ aˬ yawꞈ maꞈ-ahˇ muiˇ-eu deuˬ-euˬ laꞈ-ahˇ neh ya buˬ ya law-iˇ-awˇ, ba la kʼoeˇ siˬ laꞈ kʼoeˇ noeˬ shaˬ noeˬ zahˬ-eu aˇ yamˬ kʼoeˇ yamˬ, laˬ kʼaˬ cehˇ nui saˇ za-eu aˇ yamˬ pyeuꞈ laˇ-euˬ meh. Aˇ nah kʼoeˇ nyiˬ nah-ahˇ bawˬ-iˬ gʼeh-awˇ dzaˬ taꞈ dawˇ taꞈ-eu laꞈ kʼoeˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ taꞈ-awˇ, shaˬ-eu zahˬ-eu tsawˇ haˬ deuˬ-ahˇ caw ba nehˬ-awˬ lehˇ Yuˇdaˆ tsawˇ haˬ deuˬ-ahˇ ehˇ nehˬ-euˬ meh.

Dawˬ tsoˆ 3:13

Yawˬ gʼaˬ na luꞈ dzaˬ byawˬ dawˇ byawˬ byawˬ-awˇ, yawˬ ha neh mˇ-euˬ gaˇ-ahˇ nui kʼahˇ shiˇ-eu tsaˬ meh. Heu-aˬ Miˬyehˇ neh biꞈ laꞈ-euˬ guiˬ lahˬ meh.

Dawˬ tsoˆ 2:24

Tsawˇ haˬ zaˬ gʼaˇ duˬ maˬ kʼaˇ gaˇ dzehˬ-eu jeˬ-aˬ, yawˬ ha neh kʼaˇ poˆ uiˬ taˬ-euˬ jeˬ dzaˬ byawˬ dawˇ byawˬ byawˬ-eu kʼoeˇ meh. Heu kʼawꞈ, Miˬyehˇ neh biꞈ leꞈ-euˬ guiˬ lahˬ tiˬ jeˬ meh lehˇ ngaˇ paˇ noeˬ mawˇ-euˬ ma.

Dawˬ tsoˆ 11:2

Nawˬ-euˬ pyuˇ gʼawˬ mya gaˇ pyehˬ kʼawˬ taˬ-awˬ. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ guiˬ lahˬ doeˇ-eu jeˬ maˬ keuˆ le-aˇ lehˇ nawˇ maˬ ehˇ tsehˆ nya-a.

Piˇliˇpiˆ 3:4

Ngaˇ kʼawꞈ, kʼoeˇ loꞈ-ehˇ gʼeh-eu deuˬ-ahˇ gʼoe mawꞈ naˇ gʼoe nya ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ gʼoe nya ma lehˇ aˬ cawˬ noeˬ-eu ngeuˇ naˇ, ngaˇ-aˬ, kʼoeˇ naˆ maˬ tseˇ noeˬ nya-eu gaˇ ma dahˇ ma.

Luˇkaꞈ 11:41

Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Dawˬ tsoˆ 5:18

Ngaˇ heu loꞈ-ehˇ noeˬ duˬ taˬ-euˬ ma. Muiˬ dzehˬ-eu jeˬ-aˬ, Miˬyehˇ aˬ dui-ahˇ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ bi dehꞈ laꞈ ngeh, dzaˬ byawˬ dawˇ byawˬ-awˇ, aˬ dui neh mˇ-euˬ gaˇ-ahˇ nui kʼahˇ shiˇ-eu jeˬ muiˬ dzehˬ meh.

Yawˇlaˆ 2:23

“Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

1 Saˬmeuˬlaˆ 25:8

Gaˇ kawˆ heu aˬ yawꞈ maꞈ-ahˇ nawˇ naˇ haˬ haw naˇ, aˬ yawꞈ maꞈ nawˬ-ahˇ ehˇ mehˬ nehˬ laꞈ tehꞈ-a. Nga maꞈ bawˬ-iˬ ya gʼeh-eu aˇ nah keuˆ laˇ-euˬ miˇ neh, ngaˬ neh bi oe-euˬ zaˬ guˬ heu deuˬ-ahˇ nawˇ yaw muiˬ paˬ-ehˇ ha geuꞈ nehˬ laꞈ-awˇ, nga maꞈ-ahˇ caw ba-eu laꞈ kʼoeˇ, kʼaˇ biꞈ mawꞈ-eu jeˬ biꞈ nehˬ laꞈ-awˬ.”

Neˬhaˬmiˇ 8:11

Leˬbiˇ tsawˇ haˬ deuˬ tsawˇ haˬ kʼoeˇ deuˬ jawˇ gaˇ iˇ doe-awˇ, aˬ yawꞈ maꞈ ngoeˇ luꞈ-eu bi taˬ leˇ-eu gʼaˇ duˬ, Heu loꞈ-ehˇ muiˬ-eu shawˇ-eu aˇ nah-ahˇ noeˬ shaˬ noeˬ zahˬ-eu jeˬ taˬ bi ahˇ lehˇ ehˇ nehˬ-euˬ meh.

Neˬhaˬmiˇ 8:12

Kʼoeˇ ngeh, tsawˇ haˬ kʼoeˇ deuˬ iˇ kahˇ-ahˇ gʼoꞈ-iˇ-awˇ, laˬ kʼaˬ cehˇ taˆ ni dzaˬ-awˇ dawˇ-awˇ, yawˬ ha kʼaˇ jaˆ-eu jeˬ aˬ cawˬ-ahˇ kʼawꞈ biˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ mehˬ nehˬ-euˬ jeˬ-ahˇ aˬ yawꞈ maꞈ gʼoˆ shaw-euˬ meh.

Zaˬkaˬliˇ 14:21

Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu oeˬ lahˬ dawˬ tawˆ luꞈ, Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ gaˇ geuꞈ-eu gʼaˇ duˬ yuˇ doˆ-awˇ bi jaˆ tehꞈ-a. Lawˇ-eu shehˇ-eu jeˬ mˇ-eu tsawˇ haˬ deuˬ, oeˬ lahˬ kʼoeˇ deuˬ yuˇ-awˇ lawˇ-euˬ shehˇ-euˬ shaˬ jiˇ caꞈ gaˇ zmˬ tehꞈ-a. Aˇ nah aˇ yamˬ kʼoeˇ keuˆ laˇ ngeh, Baoˬ huiˬ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, jeˬ gaꞈ gaꞈ-eu tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

1 Sahˬpaˬ 8:66

Yehꞈ nah tiˬ nah keuˆ laˇ ngeh, tsawˇ haˬ kʼoeˇ deuˬ-ahˇ Sawˇlaˬmoˬ bi gʼoꞈ-iˇ-euˬ meh. Sahˬpaˬ Miˬyehˇ-euˬ zaˬ kʼaˆ Daˬbiˇ hawˇ-eu aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ guiˬ lahˬ yaw dzahˇ deuˬ baˬ da neh, sahˬ paˬ Sawˇlaˬmoˬ-ahˇ aˬ yawꞈ maꞈ ja ceuˬ-euˬ meh.

1 Laˬsaˬbaˬ 16:27

Huiˬ-eu yaw shehꞈ kʼahˬ sehˇ dawˬ tawˆ, yawꞈ-euˬ dawˬ peh tiˬ jawˬ jaˆ-awˇ, yawꞈ-euˬ Uˬ duˬ tahˬ nymˇ nymˇ ma, baoˬ, laˬ kʼaˬ cehˇ-eu jeˬ byah meh.

Jaceuq 89:17

Nawˇ nga maꞈ-ahˇ aˬ cawˬ tsawˇ jeuˬ kʼoeˇ taˆ bi gʼaˬ leˇ laꞈ-euˬ meh. Nawˬ-euˬ gʼoeˇ-eu gaˬ-eu jeˬ laꞈ kʼoeˇ, nga maꞈ-ahˇ ciˬ tuˇ nehˬ laꞈ-euˬ meh.

Iˇsaˬyaˇ 49:5

Ngaˇ maˬ dehꞈ doˆ le mi naˆ-ehˇ, Sahˬpaˬ Miˬyehˇ ngaˬ-ahˇ tseˇ doˆ-euˬ meh. Aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ-eu gʼaˇ duˬ, ngaˬ-ahˇ aˬ yawꞈ zaˬ kʼaˆ bi geuꞈ-euˬ meh. Sahˬpaˬ Miˬyehˇ ngaˬ-ahˇ taˬ huiˬ laꞈ-awˇ, aˬ yawꞈ baˬ da neh ngaˇ gʼaˬ byah luꞈ-eu ma.