Neˬhaˬmiˇ 4:3 - Akha

³ Aˬmoˬ tsawˇ jeuˬ pyeuꞈ-eu Tawˇbyaˬ gʼaˬ aˬ yawꞈ-euˬ dawˬ peh yawꞈ-awˇ, heu loꞈ-ehˇ naˬ gʼa-eu meh. “Aˬ yawꞈ maꞈ neh gawˬ-euˬ meuˬ lahˇ kʼoeˇ-aˬ kʼaˬ yehˇ tiˬ mawˇ tsawˬ daˆ leˇ naˇ ga byaˆ jiˇ tehꞈ-a.”

Neˬhaˬmiˇ 4:3 Referans Kwoze

Neˬhaˬmiˇ 2:19

Nga maꞈ kʼoeˇ loꞈ-ehˇ mˇ-eu lehˇ lehˬ hmˬ luꞈ-eu gaˇ kawˆ-ahˇ, Sahˬbaˬlaˆ, Tawˇbyaˬ hawˇ-eu Aˬlaˆ tsawˇ haˬ Geˬsheˬ lehˇ myahˇ-euˬ aˬ ha smˇ gʼaˬ ya gaˬ ngeh, nga maꞈ-ahˇ naˬ gʼa-eu laꞈ kʼoeˇ ehˇ-eu, “Naw maꞈ aˬ jeˬ mˇ-eu gʼeh te. Sahˬ paˬ-ahˇ puiˬ-eu lehˇ gʼeh te loˇ.”

Neˬhaˬmiˇ 2:10

Ehˇ kʼawꞈ, Iˇsaˬleˬlaˆ tsawˇ jeuˬ huiˬ laˇ mahˇ laˇ ni mˇ-eu gʼaˇ duˬ tsawˇ haˬ laˇ taˬ-euˬ gaˇ kawˆ-ahˇ, Behˬhawˇleuˬ meuˬ-ahˇ jawˇ-eu Sahˬbaˬlaˆ hawˇ-eu Aˬmoˬ miˇ kʼahˬ-ahˇ yaw huiˬ yaw mahˇ geuꞈ luꞈ-eu Tawˇbyaˬ aˬ nyaꞈ ya gaˬ ngeh, nui ma maˬ tsaˬ-a.

2 Sahˬpaˬ 18:23

Nga maꞈ-euˬ Aˬshuˇliˆ sahˬ paˬ-ahˇ naw maꞈ ciˬ cehˆ haw laˇ sheˇ. Ngaˇ naw maꞈ-ahˇ mahˬ nyiˬ heˇ mawˇ biꞈ nyaˇ. Mahˬ dziˬ-eu tsawˇ haˬ naw maꞈ poˆ doˆ nya ma loˇ.

1 Sahˬpaˬ 20:18

“Aˬ yawꞈ maꞈ guiˇ deuˆ-eu lehˇ laˇ-eu maˬ kaˬ, guiˇ maˬ deuˆ-eu gʼaˇ duˬ ja tsaˬ laˇ-eu lehˇ laˇ-eu maˬ kaˬ, aˬ yawꞈ maꞈ-ahˇ yaw dehꞈ-ehˇ nyehꞈ-awˬ” lehˇ, Beˬhaˬdaˇ dawˬ biꞈ-euˬ meh.

1 Sahˬpaˬ 20:10

Beˬhaˬdaˇ neh aˬ yawꞈ-ahˇ paˇ pyehˬ gʼeh leꞈ-awˇ, Aˬhaˆ-ahˇ heu loꞈ-ehˇ bi tsaꞈ gaˬ le-euˬ meh. “Meuˬ heu meuˬ-ahˇ laˆ luˬ laˆ seˇ nya ni, ngaˇ tsawˇ haˬ tiˬ loꞈ sheuˬ leꞈ-awˇ, bi laˆ meuˇ bi laˆ loeˇ ma. Meuˬ heu meuˬ-euˬ kʼaˬ lehˇ-ahˇ, aˬ yawꞈ maꞈ-euˬ aˬ laꞈ neh tawˆ kʼoꞈ gʼeh tehꞈ-a. Ngaˇ kʼoeˇ loꞈ-ehˇ maˬ jahˇ pyeuꞈ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ.”

Ngoeˇ dawˬ 5:18

Ziˇoˬ gawˬ jawˬ ciˬ cuˇ jaˆ-awˇ, bawˇ tsahˬ kʼaˬ yehˇ gaˆ dzaˬ luꞈ meh.

Neˬhaˬmiˇ 6:1

Meuˬ-euˬ lahˇ kʼehˬ deuˬ-ahˇ nga maꞈ laˇ gʼoˆ maˬ jahˇ ahˇ dah mi naˆ-ehˇ, nga maꞈ meuˬ lahˇ gawˬ gʼaˬ-awˇ maˇ pehꞈ maˬ paˇ jaˆ-euˬ gaˇ kawˆ, Sahˬbaˬlaˆ, Tawˇbyaˬ, Geˬsheˬ hawˇ-eu nga maꞈ-ahˇ muiˇ-eu tsawˇ haˬ nui deuˬ-ahˇ gaˬ leˇ-euˬ meh.

Dawˬmehˬ 23:3

“Aˬmoˬ tsawˇ haˬ maˬ ehˇ, Mawˇbaˆ tsawˇ haˬ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ maˬ ehˇ, tseˇ ziˇ keuˆ laˇ kʼawꞈ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ maˬ ya uˇ leˇ-a.