Neˬhaˬmiˇ 3:13 - Akha

¹³ Haˬnuˬ hawˇ-eu Zaˬnoˇaˬ meuˬ-ahˇ jawˇ-eu tsawˇ haˬ deuˬ Deh kʼawꞈ lahˇ kʼehˬ gawˬ muiˬ-awˇ, Laˇ gʼoˆ bahˬ, laˇ gʼoˆ paꞈ hawˇ-eu gʼoˆ sehˬ jahˇ tsoꞈ-euˬ meh. Mawˇ neˇ ceˬ lahˇ kʼehˬ-ahˇ keuˆ ni jaˆ-eu meuˬ meuˬ lahˇ nyiˬ yaˇ ngaˬ tseˇ lmˇ kʼawꞈ aˬ yawꞈ maꞈ gawˬ muiˬ-euˬ meh.

Neˬhaˬmiˇ 3:13 Referans Kwoze

Neˬhaˬmiˇ 2:13

Nahˇ ma ga kʼehˬ paw dzeˇ jaˆ-eu Deh kʼawꞈ lahˇ kʼehˬ-ahˇ neh ngaˇ iˇ doˆ-awˇ, laꞈ oˆ paw Byaˆ yahˬ lawˇ kʼawꞈ iˇ dzeuˇ-awˇ, Mawˇ neˇ ceˬ lahˇ kʼehˬ-ahˇ iˇ keuˆ ngeh, uˬ bya maˬ bya laˇ-aˬ siˬ. Ngaˇ kʼoeˇ loꞈ-ehˇ iˇ luꞈ ngeh, byaˆ-iˇ taˬ-euˬ meuˬ meuˬ lahˇ hawˇ-eu miˬ dzaˬ keuˬ dzeh taˬ-euˬ meuˬ lahˇ laˇ gʼoˆ deuˬ-ahˇ pyehˆ tseˇ haw-euˬ ma.

Yawˇshuˆ 15:34

Zaˬnoˇaˬ meuˬ, Eˇgaˬneˬ meuˬ, Taˬpahˇ meuˬ, Eˇnamˬ meuˬ,

Neˬhaˬmiˇ 11:30

Zaˬnoˇaˬ meuˬ, Aˬduˬlamˬ meuˬ hawˇ-eu meuˬ kʼoeˇ nyiˬ meuˬ-euˬ tahˬ gʼoꞈ tahˬ jawˇ jaˆ-eu pu deuˬ-ahˇ maˬ ehˇ, aˬ yawꞈ maꞈ jawˇ-euˬ meh. Laˬkiˇshaˬ meuˬ hawˇ-eu kʼoeˇ-euˬ dawˬ peh jaˆ-eu yaˇ kʼahˬ yaˇ lahˬ-ahˇ maˬ ehˇ, Aˬzeˬkaˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu pu deuˬ-ahˇ maˬ ehˇ, aˬ yawꞈ maꞈ jawˇ-euˬ meh. Kʼoeˇ miˇ neh, Yuˇdaˆ tsawˇ jeuˬ-aˬ, laꞈ oˆ paw jaˆ-eu Beˬlaˇsheˬba meuˬ-ahˇ neh laꞈ taˆ paw jaˆ-eu Hiˬnoˬ deh kʼawꞈ-ahˇ keuˆ ni jawˇ byah taˬ-euˬ meh.

2 Laˬsaˬbaˬ 26:9

Yeˬluˇsaˬlehˬ meuˬ-euˬ meuˬ lahˇ-ahˇ jaˆ-eu Laꞈcoeˇ lahˇ kʼehˬ, Deh kʼawꞈ lahˇ kʼehˬ hawˇ-eu meuˬ lahˇ laꞈ coeˇ-ahˇ, meuˬ-ahˇ loꞈ piˇ-eu nymˇ goˇ tsoˆ-eu laꞈ kʼoeˇ, meuˬ lahˇ-ahˇ aˬ yawꞈ ziꞈ dah ni laˆ ziꞈ-euˬ meh.

Yawˇshuˆ 15:56

Yeˬzaˬleˬlaˇ meuˬ, Yawˇkaˬdeˬ meuˬ, Zaˬnoˇaˬ meuˬ,

Neˬhaˬmiˇ 2:15

Kʼoeˇ miˇ neh, Giˇdaˬloˬ deh kʼawꞈ paw ngaˇ iˇ ka gʼeh-awˇ, meuˬ meuˬ lahˇ-ahˇ pyehˆ tseˇ pyehˆ tseˇ-ehˇ iˇ gʼeh-euˬ ma. Kʼoeˇ naˇ, ngaˬ neh oe-euˬ gaˇ ma caw caw-ehˇ paˇ gʼoꞈ poˆ leˇ-awˇ, Deh kʼawꞈ lahˇ kʼehˬ-ahˇ neh meuˬ-ahˇ paˇ gʼoꞈ uˇ leˇ-euˬ ma.