Neˬhaˬmiˇ 2:6 - Akha

⁶ Miˬ zaˬ gʼaˬ nehˬ-ehˇ tiˬ kawˆ loꞈ-ehˇ nuiˇ luꞈ-eu sahˬ paˬ kʼoeˇ gʼaˬ ngaˬ-euˬ shaˇ dawˬ-ahˇ naˇ haˬ nehˬ laꞈ-euˬ meh. Kʼoeˇ gaˇ le-eu gʼaˇ duˬ aˇ yamˬ aˇ myah ni ga-iˇ-eu gaˇ kawˆ aˬ yawꞈ ngaˬ-ahˇ naˇ haˬ laˇ ngeh, aˇ yamˬ aˇ myah ni ga-iˇ-eu gaˇ kawˆ aˬ yawꞈ-ahˇ ngaˇ ehˇ kʼoꞈ nehˬ-euˬ ma.

Neˬhaˬmiˇ 2:6 Referans Kwoze

Neˬhaˬmiˇ 13:6

Kʼoeˇ loꞈ-ehˇ pyeuꞈ luꞈ ngeh Yeˬluˇsaˬlehˬ meuˬ-ahˇ ngaˇ maˬ jawˇ tsaˬ-eu aˇ yamˬ pyeuꞈ-eu meh. Aˬ jeˬ miˇ neh ehˇ naˇ, Aˬtaˬdzeuˬsehˆ gʼaˬ Baˬbuˇloˬ sahˬpaˬ geuꞈ-eu smˬ tseˇ nyiꞈ kʼoꞈ tiˬ kʼoꞈ-ahˇ, aˬ yawꞈ-ahˇ miˇ kʼahˬ gaˇ kawˆ dzawˇ gaˬ-eu lehˇ ngaˇ iˇ-euˬ ma. Kʼoeˇ naˇ kʼah, sahˬpaˬ-ahˇ a kawˬ-aˬ shaˇ-awˇ,

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Neˬhaˬmiˇ 5:14

Sahˬpaˬ Aˬtaˬdzeuˬsehˆ sahˬpaˬ geuꞈ-euˬ nyiˬ tseˇ kʼoꞈ tiˬ kʼoꞈ-ahˇ neh smˬ tseˇ nyiꞈ kʼoꞈ tiˬ kʼoꞈ-ahˇ keuˆ ni, Yuˇdaˆ miˇ kʼahˬ-ahˇ ngaˇ tseˇ nyiꞈ kʼoꞈ uˆ lahˇ-euˬ ma. Tseˇ nyiꞈ kʼoꞈ aˇ yamˬ kʼoeˇ laꞈ kʼoeˇ, uˆ lahˇ-eu gʼaˬ-ahˇ oꞈ-eu dzaˬ dzaˬ dawˇ dawˇ deuˬ-ahˇ, ngaˇ maˬ ehˇ, ngaˬ-euˬ aˬ yuiꞈ aˬ nyiˇ deuˬ maˬ ehˇ, maˬ taꞈ dzaˬ-aˬ.

Iˇsaˬyaˇ 58:12

Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Neˬhaˬmiˇ 2:4

Kʼoeˇ naˇ, “Nawˇ aˬ jeˬ mawꞈ-eu nya” lehˇ sahˬ paˬ ngaˬ-ahˇ naˇ haˬ laˇ-eu meh. Kʼoeˇ ngeh, ngaˇ Miˬyehˇ-ahˇ guiˬ lahˬ shaˇ-awˇ,

Iˇsaˬyaˇ 61:4

Cawˆ-iˇ taˬ-euˬ myahˇ laˇ-euˬ meuˬ deuˬ-ahˇ, aˬ yawꞈ maꞈ paˇ tsoˆ muiˬ tehꞈ-a.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Neˬhaˬmiˇ 2:5

sahˬ paˬ-ahˇ heu loꞈ-ehˇ ehˇ nehˬ-euˬ ma. “Sahˬ paˬ-oˇ, nawˇ ngaˬ-ahˇ nui ma tsaˬ-awˇ ngaˬ neh shaˇ-euˬ jeˬ biꞈ laꞈ ma lehˇ ngeuˇ naˇ, ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu Yuˇdaˆ miˇ kʼahˬ meuˬ kʼoeˇ meuˬ-ahˇ ngaˬ-ahˇ bi gʼoꞈ leˇ laꞈ-awˇ, meuˬ kʼoeˇ meuˬ bi tsoˆ muiˬ leˇ nehˬ laꞈ.”

Daˬyeˬlaˇ 9:25

Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.