Neˬhaˬmiˇ 13:23 - Akha

²³ Aˇ yamˬ kʼoeˇ yamˬ laꞈ kʼoeˇ, Yuˇdaˆ tsawˇ haˬ gʼawˬ mya ni, Aˬshaˬdoˇ, Aˬmoˇ hawˇ-eu Mawˇbaˆ miˇ kʼahˬ-ahˇ jawˇ-eu zaˬ miˬ zaˬ deuˬ-ahˇ sheuˬ-euˬ gaˇ ya mawˇ-euˬ ma.

Neˬhaˬmiˇ 13:23 Referans Kwoze

Neˬhaˬmiˇ 10:30

Nga maꞈ-euˬ miˇ kʼahˬ-ahˇ jawˇ luꞈ-eu aˬ cawˬ tsawˇ jeuˬ nehˬ-ehˇ nga maꞈ maˬ sheuˬ dahˬ dzaˬ taꞈ.

Eˇzaˬlaˬ 10:10

Piˇ ma Eˇzaˬlaˬ tuˇ laˇ-awˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Naw maꞈ saˇ jaˇ maˬ jawˇ-ehˇ aˬ cawˬ tsawˇ jeuˬ-ahˇ sheuˬ dahˬ dzaˬ-eu laꞈ kʼoeˇ, Iˇsaˬleˬlaˆ tsawˇ jeuˬ kʼoeˇ taˆ iˬ baˇ keuˆ le ni mˇ-euˬ meh.

2 Gawˇliˬtu 6:14

Ka li-ahˇ maˬ jah-eu tsawˇ haˬ deuˬ nehˬ-ehˇ nui ma tiˬ gaˇ taꞈ-awˇ taˬ dehꞈ. Kʼoeˇ loꞈ-ehˇ maˬ geuꞈ nya-a. Yaw tsaˬ yaw dawˇ jeˬ hawˇ-eu maˬ tsaˬ maˬ dawˇ-eu jeˬ aˬ joˆ-ehˇ tiˬ gaˇ taꞈ nya nmˇ. Yaw shehꞈ hawˇ-eu yaw zahˇ aˬ joˇ-ehˇ tiˬ gaˇ jawˇ nya nmˇ.

Neˬhaˬmiˇ 13:1

Yuˇdaˆ miˇ kʼahˬ zaˬ deuˬ-ahˇ Moˇseˬ-euˬ zahˇ dawˬ kʼoꞈ dawˬ gui gaˬ nehˬ luꞈ ngeh, Aˬmoˬ tsawˇ haˬ hawˇ-eu Mawˇbaˆ tsawˇ haˬ deuˬ-ahˇ Miˬyehˇ-euˬ tsawˇ jeuˬ nehˬ-ehˇ tiˬ jawˇ-iˬ maˬ ya bi dehꞈ bi jawˇ taꞈ-a lehˇ ehˇ taˬ-euˬ tsahˇ-ahˇ gui keuˆ-euˬ meh.

Eˇzaˬlaˬ 10:44

Heu deuˬ dawˬ tawˆ luꞈ aˬ cawˬ tsawˇ jeuˬ-ahˇ sheuˬ dahˬ dzaˬ-awˇ, tiˬ paˆ na deuˬ zaˬ kʼawꞈ jawˇ le gʼaˬ-euˬ meh.

Neˬhaˬmiˇ 4:7

Sahˬbaˬlaˆ, Tawˇbyaˬ aˬ nyaꞈ hawˇ-eu, Aˬleˬbyaˇ miˇ kʼahˬ, Aˬmoˬ miˇ kʼahˬ hawˇ-eu Aˬshaˬdoˇ miˇ kʼahˬ-ahˇ jawˇ-eu tsawˇ haˬ deuˬ, nga maꞈ meuˬ lahˇ gawˬ daˆ leꞈ luꞈ-eu gaˇ kawˆ hawˇ-eu yaw pehꞈ-ehˇ jaˆ-eu meuˬ lahˇ gawˬ gʼoeˬ jiˇ-euˬ gaˇ kawˆ ya gaˬ-awˇ, nui ma pehˇ dui dui-eu meh.

1 Saˬmeuˬlaˆ 5:1

Dawˬ ma saˇ jaˇ Bahˬ keuˆ-ahˇ Piˇliˇtiˆ tsawˇ haˬ deuˬ deuˆ za gʼaˬ ngeh, Eˇbaˬneˬzaˬ lehˇ kuˇ-eu jawˇ duˬ-ahˇ neh, aˬ yawꞈ maꞈ jawˇ-eu Aˬshaˬdoˇ meuˬ-ahˇ baꞈ gʼeh-euˬ meh.

Doˆ-iˇ 34:11

Iˬ nah naw maꞈ-ahˇ ngaˇ biꞈ-eu lehˇ lehˬ hmˬ taˬ-euˬ zahˇ dawˬ kʼoꞈ dawˬ heu deuˬ-ahˇ naˇ haˬ geuꞈ-awˬ. Mehˬ hu paw naw maꞈ le ngeh, Aˬmoˬ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Peˬyehˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ ngaˇ teh doˆ ma.

Dawˬmehˬ 7:1

“Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ uˇ gʼeh-awˇ, kʼoeˇ gaˇ jawˇ-eu tsawˇ jeuˬ gʼawˬ mya jeuˬ-ahˇ aˬ yawꞈ teh doˆ tehꞈ-a. Naw maꞈ le-eu nehˬ-ehˇ, naw maꞈ myaˆ maˬ tseˇ myaˬ dzehˬ-awˇ gʼaˬ kʼaˆ dzehˬ-eu tsawˇ jeuˬ shiꞈ jeuˬ-ahˇ aˬ yawꞈ teh doˆ tehꞈ-a. Tsawˇ jeuˬ kʼoeˇ deuˬ-aˬ, Heˬtaˆ tsawˇ jeuˬ, Geuˬgaˬshaˆ tsawˇ jeuˬ, Aˬmoˬ tsawˇ jeuˬ, Kaˬnaˬ tsawˇ jeuˬ Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ meh.

1 Sahˬpaˬ 11:1

Aˬ cawˬ tsawˇ jeuˬ zaˬ miˬ zaˬ gʼawˬ mya gʼaˬ-ahˇ Sawˇlaˬmoˬ mawꞈ leˇ-euˬ meh. Iˇjiˇtuˆ sahˬ paˬ zaˬ miˬ uˬ taꞈ, Heˬtaˆ tsawˇ jeuˬ zaˬ miˬ zaˬ deuˬ-ahˇ maˬ ehˇ, Mawˇbaˆ tsawˇ jeuˬ zaˬ miˬ zaˬ deuˬ-ahˇ maˬ ehˇ, Aˬmoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, Eˬdoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, Siˇdoˬ tsawˇ jeuˬ zaˬ miˬ zaˬ deuˬ-ahˇ maˬ ehˇ, aˬ yawꞈ sheuˬ-euˬ meh.

Neˬhaˬmiˇ 13:24

Aˬ yawꞈ maꞈ-euˬ zaˬ tiˬ paˆ-aˬ, Aˬshaˬdoˇ dawˬ hawˇ-eu tsawˇ jeuˬ nui deuˬ-euˬ dawˬ ngehˬ-awˇ, Yuˇdaˆ dawˬ maˬ ngehˬ nya-a.

Neˬhaˬmiˇ 13:27

Nga maꞈ naw maꞈ-ahˇ paˇ dzaw geuꞈ-eu laꞈ kʼoeˇ aˬ cawˬ tsawˇ jeuˬ zaˬ miˬ zaˬ deuˬ-ahˇ sheuˬ-awˇ Miˬyehˇ-euˬ ehˇ dawˬ-ahˇ maˬ naˇ haˬ ni ya dehꞈ nmˇ loˇ.”

Luˇta 1:4

Aˬ li kʼoeˇ nyiˬ li, Awˇpaˬ hawˇ-eu Luˇta lehˇ myahˇ-euˬ Mawˇbaˆ tsawˇ jeuˬ zaˬ miˬ aˬ buˇ nyiˬ gʼaˬ-ahˇ sheuˬ-euˬ meh. Aˬ yawꞈ maꞈ kʼoeˇ gaˇ jawˇ-eu tseˇ kʼoꞈ ehˇ gʼaˬ ni byah laˇ-euˬ meh.

Neˬhaˬmiˇ 10:31

Jawˇ nah hawˇ-eu zahˇ sahˇ kʼoꞈ-ahˇ taꞈ leˇ-awˇ ya lah ya daw-eu aˇ nah deuˬ-ahˇ, aˬ cawˬ tsawˇ jeuˬ deuˬ nga maꞈ-ahˇ cehˇ hawˇ-eu aˬ nah aˬ dzeˇ ahˬ laˇ kʼawꞈ, nga maꞈ maˬ zeuˇ geuꞈ. Shiꞈ kʼoꞈ tiˬ kʼoꞈ-ahˇ, nga maꞈ-euˬ deh yaˇ deuˬ-ahˇ maˬ mˇ dzaˬ ni bi naˬ-awˇ, za paˬ-ehˇ gʼeh-eu dziˇ dzoˆ deuˬ kʼawꞈ maˬ yuˇ kʼoꞈ ni byehˇ ma.