Neˬhaˬmiˇ 10:39 - Akha

³⁹ Iˇsaˬleˬlaˆ tsawˇ haˬ deuˬ hawˇ-eu Leˬbiˇ tsawˇ haˬ deuˬ-aˬ, damˬ taˬ-eu cehˇ, aˬ gaꞈ dzaˇ uiˇ hawˇ-eu saˬ loˬ tsiˇ deuˬ-ahˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu mˇ myawˬ keu ka taˬ-eu lawˆ-ahˇ hawˇ-eu, gaˇ mˇ luꞈ-eu piˇ ma deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ hawˇ-eu, Uˬ duˬ tahˬ nymˇ nymˇ ma-ahˇ kawˇ yehˬ caˇ-eu tsawˇ haˬ deuˬ-euˬ aˇ lawˆ deuˬ-ahˇ ya yuˇ taˬ-iˇ meh. Nga maꞈ-euˬ Miˬyehˇ-euˬ Uˬ duˬ tahˬ nymˇ nymˇ ma-ahˇ nga maꞈ maˬ byehˇ dzeh.

Neˬhaˬmiˇ 10:39 Referans Kwoze

HeˬByehˇ 10:25

Aˬ cawˬ loꞈ-ehˇ maˬ gʼeh ni, tiˬ kawˆ loꞈ-ehˇ tahˬ dzoeˇ-awˇ uˬ duˬ tahˬ-eu gaˇ heu hmˬ maˬ byehˇ ni mˇ daˆ leꞈ kaˇ-euˇ. Sahˬpaˬ Miˬyehˇ yaˇ kʼaˬ daˇ le-eu Aˇnah dawˬ peh peh le-euˬ naw maꞈ siˬ luꞈ mawˇ luꞈ-eu loꞈ-ehˇ, tiˬ gʼaˬ tiˇ gʼaˬ gʼaˬ biꞈ tehˇ tehꞈ kaˇ-euˇ.

2 Laˬsaˬbaˬ 31:12

Kʼoeˇ naˇ, kʼaˇ damˬ nehˬ laˇ-euˬ laꞈ sawˬ deuˬ hawˇ-eu tseˇ bymˇ tiˬ bymˇ-ahˇ, kʼoeˇ gaˇ dawˆ ahˇ-awˇ jeˬ hmˬ-euˬ meh. Leˬbiˇ tsawˇ haˬ Kawˇnaˬniˇ lehˇ myahˇ-euˬ gʼaˬ-ahˇ myawˬ kʼoeˇ deuˬ-ahˇ haw-eu paw aˬ yuiꞈ bi geuꞈ-awˇ, aˬ yawꞈ-euˬ aˬ nyiˇ Shiˇmiˇ gʼaˬ-ahˇ, aˬ yawꞈ-ahˇ caw ba-eu gʼaˬ bi geuꞈ-euˬ meh.

Jaceuq 122:9

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ, nawˇ baw le za le ni ngaˇ guiˬ lahˬ shaˇ-eu ma.

Dawˬmehˬ 12:17

Sahˬpaˬ Miˬyehˇ-ahˇ lawˇ nehˬ-eu jeˬ pyeuꞈ-eu tseˇ bymˇ tiˬ bymˇ damˬ-euˬ dzaˬ lo gʼo cehˇ deuˬ, aˬ gaꞈ dzaˇ uiˇ, saˬ loˬ tsiˇ, gʼaw beh beh-euˬ mawˇ neˇ hawˇ-eu yawˇ, Sahˬpaˬ Miˬyehˇ-ahˇ biꞈ ma lehˇ naw maꞈ neh saˇ jaˇ dzaˬ taˬ-eu laꞈ sawˬ deuˬ, nui ma keuˆ-awˇ lawˇ-eu jeˬ hawˇ-eu nui jeˬ lawˇ-eu jeˬ heu deuˬ-ahˇ, naw maꞈ-euˬ jawˇ duˬ laꞈ kʼoeˇ maˬ ya dzaˬ-a.

Bawˇtsahˬ 18:30

Mˇ dzaˬ kʼawꞈ dawˇ-eu tsawˇ haˬ tiˬ gʼaˬ tiˬ jeˬ paˬ lawˇ ngeh, dzehˬ laˇ-euˬ deuˬ aˬ yawꞈ paˇ geuꞈ kʼoꞈ-eu meh. Kʼoeˇ loꞈ-ehˇ duˇ ni, naw maꞈ kʼawꞈ, kʼaˇ muiˬ dzehˬ-eu deuˬ damˬ gʼaˬ ngeh, dzehˬ laˇ-euˬ deuˬ naw maꞈ geuꞈ-awˬ.

2 Sahˬpaˬ 7:10

Kʼoeˇ naˇ, Suˇliˆ tsawˇ haˬ-euˬ taˆ-ahˇ neh Saˬmaˬliˆ meuˬ-ahˇ aˬ yawꞈ maꞈ gʼoꞈ leˇ-awˇ, meuˬ lahˇ kʼehˬ-ahˇ loꞈ luꞈ-eu yehˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Suˇliˆ tsawˇ haˬ-euˬ taˆ-ahˇ nga maꞈ le ngeh, tsawˇ haˬ tiˬ gʼaˬ-iˬ maˬ jawˇ ni ciˬ cuˇ ni jaˆ-eu meh. Mahˬ hawˇ-eu mahˬ tahˬ laˆ deuˬ kʼawꞈ maˬ pyehˬ ni paꞈ tawꞈ taˬ-awˇ, sehˬ gʼawˆ deuˬ kʼawꞈ, Suˇliˆ tsawˇ haˬ neh kʼaˇ bi jaˆ yaꞈ-euˬ loꞈ-ehˇ jaˆ luꞈ meh.”

Bawˇtsahˬ 18:26

“Leˬbiˇ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Sahˬpaˬ Miˬyehˇ neh naw maꞈ-ahˇ biꞈ laꞈ-eu Iˇsaˬleˬlaˆ tsawˇ haˬ deuˬ-euˬ tseˇ bymˇ tiˬ bymˇ naw maꞈ za ngeh, tseˇ bymˇ tiˬ bymˇ naw maꞈ paˇ yuˇ doˆ-awˇ, yaw zawˇ muiˬ-eu damˬ-eu jeˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh.

2 Laˬsaˬbaˬ 31:11

Sahˬ paˬ Heˬsaˬgiˇ neh dawˬ biꞈ-awˇ, Uˬ duˬ tahˬ nymˇ nymˇ ma-ahˇ myawˬ taˬ-eu aˇ lawˆ deuˬ bi tsoˆ baw-euˬ meh.

Neˬhaˬmiˇ 12:47

Zeˬluˇbaˬbeˬlaˇ-euˬ ziˇ-ahˇ neh Neˬhaˬmiˇ-euˬ ziˇ-ahˇ keuˆ ni, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma -ahˇ loꞈ-eu deuˬ loˬ-eu yawˬ jeˬ na luꞈ-ahˇ, Iˇsaˬleˬlaˆ tsawˇ haˬ deuˬ aˬ yawꞈ nah yawꞈ caw ba nehˬ-euˬ meh. Iˇsaˬleˬlaˆ tsawˇ haˬ deuˬ Leˬbiˇ tsawˇ haˬ deuˬ-ahˇ muiˬ-eu shawˇ-eu damˬ-eu jeˬ biꞈ nehˬ-awˇ, Leˬbiˇ tsawˇ haˬ deuˬ-aˬ, piˇ ma deuˬ oꞈ-eu shaˬ bymˇ paˇ yuˇ doˆ nehˬ-euˬ meh.