Neˬhaˬmiˇ 10:36 - Akha

³⁶ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, dehꞈ beh beh le-euˬ nga maꞈ-euˬ aˬ li aˬ yuiꞈ deuˬ-ahˇ, Uˬ duˬ tahˬ nymˇ nymˇ ma-ahˇ piˇ ma deuˬ jawˇ gaˇ sheuˬ gʼeh-awˇ Miˬyehˇ-ahˇ a nehˬ ma. Gʼaw beh beh-euˬ mawˇ neˇ, yawˇ hawˇ-eu ciꞈ myehꞈ deuˬ kʼawꞈ, kʼoeˇ loꞈ-ehˇ a nehˬ ma.

Neˬhaˬmiˇ 10:36 Referans Kwoze

Doˆ-iˇ 13:2

“Dehꞈ beh beh le-euˬ jeˬ dawˬ tawˆ luꞈ laꞈ kʼoeˇ, aˬ li deuˬ hawˇ-eu aˬ buˬ deuˬ ngaˬ-ahˇ ya damˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ laꞈ kʼoeˇ dehꞈ beh beh le-euˬ aˬ li hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ ngaˬ-ahˇ taꞈ-eu meh.”

Gaˬlaˬtiˆ 6:6

Miˬyehˇ dawˬ kawˬ dzaw luꞈ-eu tsawˇ haˬ-aˬ, yawˬ ha kʼaˇ jaˆ-eu yaw muiˬ jeˬ dawˬ tawˆ luꞈ yawˬ ha-ahˇ mehˬ nehˬ laꞈ-eu gʼaˬ-ahˇ biˇ nehˬ-eu tsaˬ meh.

Dawˬmehˬ 12:6

Miˬ dzaˬ dzah puiˆ-awˇ lawˇ-eu jeˬ hawˇ-eu, nui deuˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu nui deuˬ damˬ-eu jeˬ maˬ ehˇ, gʼaw beh beh-euˬ mawˇ neˇ hawˇ-eu yawˇ maˬ ehˇ, kʼoeˇ gaˇ naw maꞈ ya lawˇ meh.

Doˆ-iˇ 34:19

“Dehꞈ beh beh le-euˬ aˬ li aˬ yuiꞈ deuˬ hawˇ-eu, naw maꞈ neh cu taˬ-euˬ jeˬ zaˬ deuˬ laꞈ kʼoeˇ, dehꞈ beh beh le-euˬ jeˬ zaˬ aˬ buˬ deuˬ dawˬ tawˆ luꞈ, ngaˬ-euˬ myawˬ pyeuꞈ-eu ma.

Bawˇtsahˬ 3:13

Aˬ jeˬ miˇ neh ehˇ naˇ, dehꞈ beh beh le-euˬ dawˬ tawˆ luꞈ ngaˬ-euˬ pyeuꞈ-eu ma. Iˇjiˇtuˆ tsawˇ haˬ deuˬ laꞈ kʼoeˇ, dehꞈ beh beh le-euˬ deuˬ-ahˇ ngaˇ sehꞈ dzeh ngeh, Iˇsaˬleˬlaˆ nymˇ jiˇ aˬ yawꞈ jiˇ yawꞈ laꞈ kʼoeˇ, dehꞈ beh beh le-euˬ aˬ li deuˬ hawˇ-eu dehꞈ beh beh le-euˬ jeˬ zaˬ yawˬ mawˇ na luꞈ-ahˇ, ngaˬ-euˬ gʼaˇ duˬ ngaˇ tseˇ paˆ doˆ taˬ-euˬ ma. Nymˬ-mˇ, Iˇsaˬleˬlaˆ-euˬ dehꞈ beh beh le-euˬ aˬ li deuˬ-ahˇ ngaˇ geuꞈ-eu dah zaˇ, Leˬbiˇ tsawˇ haˬ deuˬ ngaˇ geuꞈ ma. Aˬ yawꞈ maꞈ-aˬ, ngaˬ-euˬ pyeuꞈ-eu ma. Ngaˇ-aˬ, Sahˬpaˬ Miˬyehˇ ma.”

Doˆ-iˇ 23:19

“Aˬ yawˬ kʼoꞈ yawꞈ, naw maꞈ neh mˇ za-euˬ keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. “Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma-euˬ aˬ coeˇ dzaˇ uiˇ nehˬ-ehˇ maˬ ya puꞈ keuˬ dzaˬ-a.

2 Laˬsaˬbaˬ 31:5

Dawˬ kʼoeˇ dawˬ gaˬ doe-iˇ ngeh jawˇ, Iˇsaˬleˬlaˆ tsawˇ haˬ deuˬ-aˬ, muiˬ dui dui-eu cehˇ deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, byaˬ byaˬ uiˇ deuˬ hawˇ-eu, dzaˬ la gʼo cehˇ aˇ siˬ aˇ lu deuˬ damˬ laˇ-euˬ meh. Aˬ yawꞈ maꞈ kʼaˇ jaˆ-eu jeˬ laꞈ kʼoeˇ, tseˇ bymˇ tiˬ bymˇ kʼawꞈ aˬ yawꞈ maꞈ yuˇ laꞈ-awˇ damˬ-euˬ meh.

Neˬhaˬmiˇ 12:44

Aˇ yamˬ kʼoeˇ yamˬ laꞈ kʼoeˇ, tseˇ bymˇ tiˬ bymˇ hawˇ-eu keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ ahˇ leˇ-ehˇ, Uˬ duˬ tahˬ nymˇ nymˇ ma-ahˇ kʼaˇ damˬ-euˬ yawˬ jeˬ na luꞈ jeˬ hmˬ-eu aˇ lawˆ deuˬ-ahˇ tsawˇ haˬ tseˇ doˆ-awˇ bi haw bi pyaˆ-euˬ meh. Tsawˇ haˬ kʼoeˇ deuˬ-aˬ, meuˬ yawˬ meuˬ na luꞈ dawˬ peh deh ma deh yaˇ kʼaˇ jaˆ gaˇ iˇ-awˇ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ kʼaˇ damˬ nehˬ-euˬ jeˬ ya taꞈ uiˬ-eu meh. Yuˇdaˆ miˇ kʼahˬ zaˬ dawˬ tawˆ luꞈ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nui kʼahˇ shiˇ-eu meh.

Neˬhaˬmiˇ 13:5

Aˬ yawꞈ-aˬ, Tawˇbyaˬ-ahˇ huiˬ dui dui-eu aˇ lawˆ tiˬ lawˆ biꞈ-awˇ bi zmˬ-euˬ meh. Aˇ lawˆ kʼoeˇ lawˆ-aˬ, damˬ nehˬ laˇ-euˬ dzaˬ la gʼo cehˇ hawˇ-eu tsiˇ yaw saw jeˬ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ, piˇ ma deuˬ-ahˇ damˬ nehˬ-euˬ jeˬ hawˇ-eu, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma-ahˇ loꞈ-eu deuˬ gʼaˇ duˬ damˬ taˬ-euˬ cehˇ, aˬ gaꞈ dzaˇ uiˇ hawˇ-eu saˬ loˬ tsiˇ tseˇ bymˇ tiˬ bymˇ, heu deuˬ jeˬ hmˬ taˬ-euˬ gʼaˇ duˬ bi jaˆ-eu lawˆ pyeuꞈ-eu meh.

Maˬlaˬkiˇ 3:10

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ dzaˬ dzaˬ dawˇ dawˇ jaˆ laˇ ni, tseˇ bymˇ tiˬ bymˇ tiˬ byah ni yuˇ laꞈ-awˬ. Kʼoeˇ naˇ, naw maꞈ ngaˬ-ahˇ lawˬ haw-awˬ. Mˬ taˆ laˇ gʼoˆ deuˬ pah dzeh jiˇ-awˇ, muiˬ-eu guiˬ lahˬ dawˬ tawˆ luꞈ byah kʼaˇ-iˇ gaˇ keuˆ ni naw maꞈ-ahˇ ngaˇ shehˆ ahˇ nehˬ ma.