Naˬhmˬ 1:14 - Akha

¹⁴ Niˇnaˬbeˬ meuˬ-ahˇ taꞈ leˇ-awˇ, Sahˬpaˬ Miˬyehˇ ehˇ taˬ-euˬ-aˬ, “Nawˬ-euˬ tsawˇ myahˇ pi ka gʼeh-eu, zaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ miˬ yehˇ deuˬ-euˬ nymˇ-ahˇ, tahˬ pahˬ aˬ ma mawˇ kawˇ kʼoeˇ deuˬ, ngaˇ laˆ piˬ laˆ byoˆ jiˇ nehˬ ma. Nawˇ doeˇ dui dui-eu baˬ da neh, nawˬ-euˬ lmˬ bymˇ ngaˇ lehˬ hmˬ ma.”

Naˬhmˬ 1:14 Referans Kwoze

Jaceuq 109:13

Aˬ yawꞈ-euˬ zaˬ deuˬ uˆ deuˬ shiˇ jiˇ-awˇ, zaˬ ziˇ-ahˇ aˬ yawꞈ-euˬ tsawˇ myahˇ byoˆ-iˇ luꞈ-uˇ.

Miˇkaˬ 5:13

Naw maꞈ-euˬ tahˬ pahˬ aˬ ma mawˇ kawˇ deuˬ hawˇ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ ngaˇ laˆ cawˆ ma. Naw maꞈ neh yawˬ haˇ yawˬ ha jahˇ taˬ-euˬ jeˬ-ahˇ naw maꞈ uˬ duˬ maˬ paˇ ya tahˬ ni pyeuꞈ-iˇ tehꞈ-a.

Dawqdaq 10:7

Yaw tsaˬ yaw dawˇ tsawˇ haˬ-ahˇ noeˬ keuˆ-eu jeˬ guiˬ lahˬ baw-eu meh. Ehˇ kʼawꞈ, haiˬ-eu tsawˇ haˬ-euˬ tsawˇ myahˇ buꞈ-iˇ tehꞈ-a.

2 Sahˬpaˬ 19:37

Tiˬ nah-aˬ, aˬ yawꞈ-euˬ miˬ yehˇ pyeuꞈ-eu Niˇsaˬlawˇ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬleˬmeˬlehˆ hawˇ-eu, Shaˬleˬzaˬ aˬ nyaꞈ nmˇ aˬ yawꞈ-ahˇ mi cehˇ deuˆ sehꞈ-awˇ Aˬyaˬyaˇ miˇ kʼahˬ paw cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇdaˬhaˬdoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

Daˬyeˬlaˇ 11:21

Mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ paˇ ja mehˬ nehˬ laꞈ-euˬ meh. “Mehˬ hu paw daˆ laˇ-eu Suˇliˆ sahˬ paˬ-aˬ, haiˬ dui dui-awˇ, sahˬ paˬ geuꞈ geuˇ-eu tsawˇ haˬ maˬ ngeuˇ-a. Ehˇ kʼawꞈ, tiˬ gʼaˬ-iˬ maˬ noeˬ maˬ duˇ-euˬ gaˇ, tsawˇ gahˇ gahˇ-awˇ sahˬ paˬ geuꞈ-euˬ meh.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Iˇsaˬyaˇ 33:13

Naw maꞈ gaˇ mahˇ jawˇ luꞈ-eu deuˬ, ngaˬ neh mˇ-euˬ jeˬ-ahˇ naˬ bawˇ gaˬ-awˇ, naw maꞈ dawˬ peh jawˇ luꞈ-eu deuˬ, ngaˬ-euˬ baoˬ gaˇ kawˆ siˬ nya-awˬ.”

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Jaceuq 71:3

Ngaˬ-euˬ gʼoe duˬ lo guˇ hawˇ-eu, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za-eu ziꞈ dah ni gʼeh-eu nymˇ nymˇ ma loꞈ-ehˇ, nawˇ ngaˬ-ahˇ haw piˇ nehˬ laꞈ.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.

Uˬ duˬ 26:30

Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Yawˇbaˆ 18:17

Aˬ yawꞈ-euˬ pu hawˇ-eu miˇ kʼahˬ doe ni aˬ yawꞈ tsawˇ myahˇ doˆ-eu byoˆ-iˇ-awˇ, aˬ cawˬ tiˬ gʼaˬ-iˬ aˬ yawꞈ-ahˇ maˬ paˇ siˬ nya meh.

Miˇkaˬ 5:14

Naw maꞈ-euˬ miˇ kʼahˬ laꞈ kʼoeˇ jaˆ-eu Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ-ahˇ ngaˇ ngawˬ coˬ-awˇ, naw maꞈ-euˬ meuˬ deuˬ-ahˇ ngaˇ laˆ cawˆ ma.

Haˬbaˬkuˆ 2:10

Aˬ cawˬ-ahˇ nawˇ yaw doeˇ jahˇ-eu, nawˬ-euˬ nymˇ jiˇ myaˆ pyawˬ cawˆ-awˇ, nawˬ-euˬ uˬ kʼawˇ deuˬ laˇ tehꞈ-a.

Daˬyeˬlaˇ 5:27

TEˬKEˬLAˇ lehˇ ehˇ-eu-aˬ, aˇ naˆ ni kah-eu pyaˇ-eu gaˇ ehˇ-eu meh. Dawˬ tsuiꞈ-aˬ, nawˬ-ahˇ paˆ yawˬ neh saˆ haw ngeh, pyaˇ dui dui gaˇ ya mawˇ-euˬ meh lehˇ ehˇ mawꞈ-eu meh.