Miˇkaˬ 5:7 - Akha

⁷ Dzeˇ yaꞈ-euˬ Iˇsaˬleˬlaˆ tsawˇ haˬ deuˬ-aˬ, tsawˇ jeuˬ gʼawˬ mya jeuˬ gʼaˇ duˬ gʼaˬ bi ahˇ laˇ-eu lehˇ Sahˬpaˬ Miˬyehˇ neh pyehˬ gʼeh leꞈ-euˬ ngehˇ hawˇ-eu, aˇ bawˬ bi mehˇ laˇ-eu lehˇ bi yehˇ shehˬ le-euˬ uˬ yehˇ-ahˇ duˇ-eu meh. Tsawˇ haˬ zaˬ-ahˇ aˬ yawꞈ maꞈ maˬ gʼoe ni Miˬyehˇ-ahˇ gʼoe tehꞈ-a.

Miˇkaˬ 5:7 Referans Kwoze

Miˇkaˬ 5:3

Kʼoeˇ miˇ neh, zaˬ ya ciˬ-eu zaˬ miˬ zaˬ kʼoeˇ gʼaˬ aˬ yawꞈ-euˬ aˬ li maˬ dehꞈ doˆ le kʼoeˇ keuˆ ni, Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ muiˇ-eu deuˬ-euˬ laꞈ-ahˇ byehˇ dzeh taˬ tehꞈ-a. Kʼoeˇ sahˇ miˇ tsa, aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ yawˬ ha-euˬ tsawˇjeuˬ nehˬ-ehˇ paˇ ya jawˇ taꞈ tehꞈ-a.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.

Jaceuq 72:6

Sahˬ paˬ gʼaˬ deh ga-ahˇ yehˇ le-eu uˬ yehˇ-ahˇ duˇ luꞈ-uˇ. Miˇ tsaˬ-ahˇ yehˇ shehˬ le-eu uˬ yehˇ-ahˇ duˇ luꞈ-uˇ.

Lormav 10:20

Iˇsaˬyaˇ neh kʼoeˇ naˆ maˬ tseˇ paˇ ehˇ taˬ-euˬ jaˆ-eu meh. “Ngaˬ-ahˇ maˬ poˆ-euˬ tsawˇ haˬ deuˬ. ngaˬ-ahˇ ya mawˇ duˬ gʼaˬ-euˬ meh. Ngaˬ-ahˇ maˬ shaˇ caw-eu deuˬ-ahˇ, ngaˇ iˇ dzoeˇ-awˇ bi mawˇ-euˬ ma.”

Zaˬkaˬliˇ 14:8

Aˇ nah kʼoeˇ nah keuˆ le ngeh jawˇ, Yeˬluˇsaˬlehˬ meuˬ-ahˇ neh, dehꞈ-eu iˇ cuꞈ yoeˇ doˆ le-awˇ, nahˇ ma doˆ kʼehˬ paw pyawˬ-ahˇ jaˆ-eu iˬ ma laˆ shaˆ-ahˇ tiˬ paˆ yoeˇ ahˇ tehꞈ-a. Iˇ cuꞈ kʼoeˇ, tsahˬ gaˆ jawˇ la maˬ baw ni, aˬ myah luꞈ yoeˇ tehꞈ-a.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

1 Gawˇliˬtu 3:6

Ngaˇ-aˬ, ka-eu gʼaˬ pyeuꞈ-awˇ, Aˬpawˇluˆ-aˬ, iˇ cuꞈ shehˬ-eu gʼaˬ pyeuꞈ-eu meh. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ-aˬ, Miˬyehˇ meh.

Lormav 11:12

Yuˇdaˆ tsawˇ haˬ deuˬ iˬ baˇ mˇ-euˬ miˇ neh miˇ tsaˬ zaˬ deuˬ yaw muiˬ gʼawˬ mya jeˬ siˬ nya laˇ-awˇ, aˬ yawꞈ maꞈ guiˬ lahˬ saꞈ laˇ paw iˇ shaˬ shaˬ-euˬ kʼoeˇ-aˬ, aˬ cawˬ tsawˇ jeuˬ guiˬ lahˬ gʼawˬ mya ni za-euˬ meh.

Lormav 9:30

Aˬ dui heu loꞈ-ehˇ ehˇ nya meh. Miˬyehˇ-ahˇ tsaˬ lehˇ tsahˇ leˇ nya ni maˬ leh jeh-euˬ Yuˇdaˆ tsawˇ haˬ maˬ ngeuˇ-eu kʼoeˇ deuˬ kʼawꞈ, jah-eu baˬ da neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ pyeuꞈ laˇ-euˬ meh.

Gʼaˬkʼehˇ 16:9

Kʼoeˇ ngeh miˇ yaw sahˇ laꞈ kʼoeˇ Pawˇluˆ heu loꞈ-ehˇ ya mawˇ-euˬ meh. Maˬgeˬdawˇniˆ tsawˇ haˬ tiˬ gʼaˬ yawꞈ le-awˇ, “Maˬgeˬdawˇniˆ miˇ kʼahˬ-ahˇ laˇ-awˇ, nga maꞈ-ahˇ tiˬ poˆ caw ba laˇ-awˬ” lehˇ shaˇ le-euˬ gaˇ aˬ yawꞈ ya mawˇ-euˬ meh.

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

Gʼaˬkʼehˇ 11:15

Kʼoeˇ naˇ, ngaˇ dawˬ ngehˬ dahˬ beh-eu nehˬ-ehˇ, yaw beh aˬ dui maꞈ kʼoeˇ taˆ pyeuꞈ beh beh laˇ ngeh poˆ loꞈ-ehˇ, aˬ yawꞈ maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ zaꞈ le-euˬ meh.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Miˇkaˬ 2:12

“Ehˇ kʼawꞈ, kʼaˇ dzeuˇ-iˇ-euˬ naw maꞈ Iˇsaˬleˬlaˆ tsawˇ haˬ deuˬ-ahˇ ngaˇ kuˇ uiˬ ma. Kuˆ-ahˇ gʼoꞈ uˇ laˇ-eu yawˇ deuˬ loꞈ-ehˇ naw maꞈ-ahˇ ngaˇ tiˬ gaˇ tehꞈ-ehˇ sheuˬ uiˬ ma. Gaˆ dzaˬ duˬ-ahˇ yawˇ tiˬ byah ni gaˆ luꞈ-eu loꞈ-ehˇ, naw maꞈ miˇ kʼahˬ laꞈ kʼoeˇ tsawˇ haˬ paˇ myaˬ laˇ tehꞈ-a.”

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Yeˬsaˬgeˬlaˇ 47:1

Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ, tsawˇ haˬ kʼoeˇ gʼaˬ ngaˬ-ahˇ paˇ sheuˬ kʼoꞈ gʼeh-euˬ meh. Gʼoˆ kʼehˬ-euˬ laꞈ oˆ neh iˇ cuꞈ yoeˇ doˆ le-awˇ, Uˬ duˬ tahˬ nymˇ nymˇ ma mehˬ shiˬ ciˬ pyawˇ taˬ-euˬ nahˇ ma doˆ kʼehˬ paw yoeˇ ka gʼeh-euˬ meh. Uˬ duˬ tahˬ nymˇ nymˇ ma-euˬ laꞈ oˆ pyawˬ-ahˇ, lawˇ duˬ-euˬ laꞈ oˆ paw paˆ-ehˇ yoeˇ ka leꞈ-euˬ meh.

Iˇsaˬyaˇ 66:19

Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Iˇsaˬyaˇ 55:10

“Ngehˇ hawˇ-eu uˬ yehˇ mˬ taˆ neh ga le ngeh, dzaˬ-eu aˇ siˬ hawˇ-eu ka-eu aˇ nuiˆ sahˇ le nya ni, aˇ cuˬ aˇ yehˆ bi yehˆ laˇ-eu gʼaˇ duˬ, miˇ tsaˬ-ahˇ iˇ cuꞈ maˬ shehˬ nyiꞈ yaꞈ-ehˇ, maˬ gʼoꞈ daˆ leˇ kʼmˬ gaˇ duˇ ni,

Iˇsaˬyaˇ 32:15

Ehˇ kʼawꞈ, Miˬyehˇ Yaw sahˇ aˬ dui kʼoeˇ taˆ paˇ keuˆ le-awˇ, miˇ tsaˬ yaw cawˆ miˇ muiˬ paˇ muiˬ laˇ-awˇ, dzaˬ la gʼo cehˇ za dui dui le tehꞈ-a.

Yaˇ kʼaˬ daˇ 6:36

Kʼoeˇ naˇ, Miˬyehˇ-ahˇ Giˇdoˬ ehˇ nehˬ-eu, “Iˇsaˬleˬlaˆ tsawˇ haˬ deuˬ-ahˇ ka kʼoꞈ-eu gʼaˇ duˬ ngaˬ-ahˇ zmˬ ma lehˇ nawˇ noeˬ tsehˆ-euˬ ma lehˇ ehˇ taˬ-euˬ meh.

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Zeˬpaˬniˇ 3:13

Dzeˇ-eu Iˇsaˬleˬlaˆ tsawˇ haˬ, aˬ cawˬ-ahˇ yaw doeˇ maˬ jahˇ-ehˇ, jaˬ myawꞈ mehˇ shuiˇ maˬ mˇ miˇ neh, aˬ yawꞈ maꞈ baw le za le-awˇ, guˆ kʼaˇ maˬ za ni dehꞈ tehꞈ-a.”

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Yeˬsaˬgeˬlaˇ 14:22

Tsawˇ haˬ tiˬ gʼaˬ na dzeuˇ-iˇ-awˇ, aˬ yawꞈ-euˬ zaˬ deuˬ kʼawꞈ laˆ dzeuˇ nya naˇ, nawˇ jawˇ gaˇ laˇ doˆ tehꞈ-a. Aˬ yawꞈ maꞈ-ahˇ nawˇ ya mawˇ ngeh, aˬ yawꞈ maꞈ aˇ naˆ ni haiˬ-eu gaˇ kawˆ hawˇ-eu, Yeˬluˇsaˬlehˬ meuˬ-ahˇ ngaˬ neh kʼehˬ nehˬ kʼaˆ nehˬ-euˬ tsaˬ dui dui-eu gaˇ kawˆ, nawˇ ya siˬ duˬ tehꞈ-a.

2 Saˬmeuˬlaˆ 17:12

Daˬbiˇ aˬ geu tsahˇ-ahˇ jawˇ kʼawꞈ aˬ dui mawˇ nya-awˇ, aˬ yawꞈ-ahˇ tiˬ jeˬ-iˬ maˬ siˬ leˇ mi naˆ-ehˇ, aˬ dui aˬ yawꞈ-ahˇ guiˇ deuˆ nya tehꞈ-a. Aˬ yawꞈ maˬ ehˇ, aˬ yawꞈ-euˬ tsawˇ haˬ deuˬ maˬ ehˇ, tiˬ gʼaˬ-iˬ maˬ dzeuˇ-iˇ ni ya shiˇ jiˇ tehꞈ-a.

Jaceuq 133:3

Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Dawqdaq 19:12

Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Daˬyeˬlaˇ 11:32

Miˬyehˇ-ahˇ uˬ duˬ tahˬ-eu zahˇ sahˇ kʼoꞈ-ahˇ byehˇ dzeh-euˬ tsawˇ haˬ deuˬ-ahˇ aˬ yawꞈ mehˇ shuiˇ shuiˇ gʼaˬ nya kʼawꞈ, Miˬyehˇ-ahˇ maˬ byehˇ dzeh-eu tsawˇ haˬ deuˬ aˬ yawꞈ-ahˇ ziꞈ dah ni ciˬ daˬ tehꞈ-a.

Miˇkaˬ 4:7

Aˬ yawꞈ maꞈ-aˬ, aˬ kuiˇ kuiˇ tawˆ bi dawˆ-awˇ, iˇ kahˇ-ahˇ gʼawˬ mahˇ kaˬ gaˇ jawˇ luꞈ meh. Ehˇ kʼawꞈ, dzeˇ yaꞈ-euˬ deuˬ-ahˇ ngaˇ yaw shuiꞈ shuiꞈ-ehˇ aˇ dahˬ paˇ beh nehˬ-awˇ, huiˬ-eu tsawˇ jeuˬ paˇ bi pyeuꞈ laˇ ma. Kʼoeˇ ngeh neh naˇ, Ziˇoˬ gawˬ jawˬ-ahˇ neh aˬ yawꞈ maꞈ-ahˇ ngaˇ mˬ maˬ maˬ byaˆ zaˇ ziˇ uˆ lahˇ ma.”

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Yeˬsaˬgeˬlaˇ 5:5

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ haw sheˇ. Aˬ yawꞈ-ahˇ ngaˇ miˇ tsaˬ-euˬ gʼahˇ ceh bi jaˆ-awˇ, aˬ cawˬ miˇ kʼahˬ deuˬ aˬ yawꞈ-euˬ tiˬ jawˬ bi jaˆ-euˬ ma.

Miˇkaˬ 4:13

Sahˬpaˬ Miˬyehˇ ehˇ-eu, “Yeˬluˇ=saˬlehˬ meuˬ-ahˇ jawˇ-eu tsawˇ haˬ deuˬ-oˇ, iˇ-awˇ naw maꞈ-ahˇ muiˇ-eu tsawˇ haˬ deuˬ-ahˇ kʼehˬ nehˬ-iˇ-awˬ. Shmˇ uˬ coeˇ tsoꞈ-awˇ guiˬ kuiˇ sehˬ tsoꞈ-eu mawˇ neˇ mawˇ gaw tiˬ mawˇ loꞈ-ehˇ, naw maꞈ gʼaˬ kʼaˆ ni ngaˇ jahˇ ma. Miˇ kʼahˬ gʼawˬ mya kʼahˬ-ahˇ naw maꞈ deh meuˇ-awˇ, aˬ yawꞈ maꞈ neh ceh za deuˆ za taˬ-euˬ pyuˇ shuiˇ myawˬ gahˬ deuˬ naw maꞈ yuˇ-awˇ, miˇ kʼahˬ dawˬ tawˆ luꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ ya a nehˬ laˇ meh.”

Zaˬkaˬliˇ 9:13

Yuˇdaˆ miˇ kʼahˬ kaˆ poˆ geuꞈ-awˇ, Iˇsaˬleˬlaˆ kaˆ myaˬ geuꞈ ma. Ziˇoˬ tsawˇ haˬ mi cehˇ geuꞈ-awˇ, Heˬlaˬshaˆ tsawˇ jeuˬ-ahˇ deuˆ ma.”