Maꞈtehˬ 6:31 - Akha

³¹ Kʼoeˇ miˇ neh, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ “Khoermirnae, khanq taqlanr, heulof-aer taqngaeq, ‘Aqjeq yur-awr nae dzaq-eu? Aqjeq yur-awr nae dawr-eu? Aqjeq yur-awr nae dm-awr ghaq-eu paq nga?’

Maꞈtehˬ 6:31 Referans Kwoze

1 Beˬtuˆluˆ 5:7

Naw maꞈ noeˬ shaˬ noeˬ zahˬ-eu dawˬ tawˆ luꞈ Miˬyehˇ-ahˇ a nehˬ-awˬ. Aˬ jeˬ miˇ neh ehˇ naˇ, aˬ yawꞈ naw maꞈ-ahˇ ngehˬ gʼeh bo saˆ luꞈ-eu meh.

Luˇkaꞈ 12:29

“Kʼoeˇ miˇ neh, dzaˬ dzaˬ dawˇ dawˇ gaˇ kawˆ tehꞈ-ehˇ shaˇ noeˬ shaˇ noeˬ-ehˇ nui maˬ shaˬ zahˬ taˬ mˇ.

Maꞈtehˬ 4:4

Yeˬsuˇ ehˇ-eu, “‘Dzaˬ-eu jeˬ baˬ da neh tehꞈ-ehˇ tsawˇ haˬ zaˬ yaw dehꞈ dehꞈ nya-eu maˬ ngeuˇ-a. Miˬyehˇ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ baˬ da neh dehꞈ nya-eu meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Jaceuq 55:22

Nawˬ-euˬ shaˬ zahˬ Sahˬpaˬ Miˬyehˇ jawˇ gaˇ taˬ-awˬ. Aˬ yawꞈ nawˬ-ahˇ haw piˇ tehꞈ-a. Yaw tsaˬ yaw dawˇ tsawˇ haˬ-ahˇ aˬ yawꞈ maˬ bi coˬ-iˇ-a.

Maꞈtehˬ 15:33

Zaˬ lahˇ deuˬ aˬ yawꞈ-ahˇ ehˇ-eu, “Heu loꞈ-ehˇ gʼeh-eu bawˇ tsahˬ bawˇ dahˇ kʼaˇ shuiꞈ deh yaˇ laꞈ kʼoeˇ, tsawˇ haˬ heu myaˆ ni-ahˇ bi dzaˬ bi dawˇ loꞈ-eu gʼaˇ duˬ, dzaˬ dzaˬ dawˇ dawˇ aˬ gaˇ laˬ-iˇ nmˇ.”

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

2 Laˬsaˬbaˬ 25:9

Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ Aˬmaˬziˇ ehˇ nehˬ-eu, “Toˆ-ehˇ ngeuˇ naˇ ngaˬ neh aˬ yawꞈ maꞈ gʼaˇ duˬ biꞈ taˬ-euˬ pyuˇ kʼoeˇ deuˬ aˬ joˆ-ehˇ jahˇ nmˇ.” Miˬyehˇ gʼaˇ duˬ ngehˬ dah-eu kʼoeˇ gʼaˬ ehˇ-eu, “Kʼoeˇ myaˆ maˬ tseˇ Sahˬpaˬ Miˬyehˇ nawˬ-ahˇ biꞈ kʼoꞈ nehˬ laꞈ nya tehꞈ-a.”

Jaceuq 111:5

Aˬ yawꞈ-ahˇ taˬ huiˬ-eu deuˬ-ahˇ aˬ yawꞈ bi dzaˬ bi dawˇ dehˆ-awˇ, aˬ yawꞈ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Maꞈtehˬ 6:25

“Kʼoeˇ miˇ neh, naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, naw maꞈ-euˬ gʼawˇ mawˇ gʼaˇ duˬ aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ. Yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu maˬ ngeuˇ-a loˇ.

Maꞈtehˬ 6:27

Kʼahˬ lahˇ-eu miˇ neh yawˬ ha-euˬ ziˇ tiˬ caˆ bi mahˇ dzehˬ laˇ nya-eu aˬ suˇ gʼaˬ jawˇ te.

Luˇkaꞈ 10:41

Ehˇ kʼawꞈ, Yeˬsuˇ ehˇ-eu, “Maˬta-oˇ, Maˬta-oˇ. Nawˇ-aˬ, gʼawˬ mya jeˬ tehˬ gʼa-awˇ kʼahˬ lahˇ luꞈ-eu nga.

Luˇkaꞈ 12:11

“Naw maꞈ-ahˇ yaˇ kʼaˬ bi daˇ-eu lehˇ, uˬ duˬ tahˬ nymˇ-ahˇ maˬ ehˇ, miˇ kʼahˬ sahˬ paˬ sahˬ ma jawˇ gaˇ maˬ ehˇ, a cawˬ naw maꞈ-ahˇ sheuˬ gʼeh ngeh, aˬ joˆ-ehˇ ya ehˇ kʼoꞈ nehˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ kʼahˬ taˬ lahˇ.

Luˇkaꞈ 12:22

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Kʼoeˇ miˇ neh, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni ya dzaˬ ya dawˇ-eu gʼaˇ duˬ hawˇ-eu, naw maꞈ-euˬ gʼawˇ mawˇ ya dm ya gʼaˬ-eu gʼaˇ duˬ kʼahˬ taˬ lahˇ.

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.