Maꞈtehˬ 5:37 - Akha

³⁷ Ngeuˇ naˇ ‘Ngeuˇ ma’, maˬ ngeuˇ naˇ ‘Maˬ ngeuˇ’ lehˇ tehꞈ-ehˇ ehˇ-awˬ. Kʼoeˇ uˬ taꞈ-ehˇ ngehˬ dzehˬ tmˇ dzehˬ-eu dawˬ deuˬ-aˬ, Haiˬ-eu Nehꞈ sahˬ paˬ-euˬ laꞈ kʼoeˇ neh doˆ le-euˬ dawˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Nawq-euq dawq-aq, ngeur nar-aq, ‘Ngeur ma,’ maqngeur nar-aq, ‘Maqngeur’ laer taef-aer aer-awq. Khoertaf-aer dzaeq-ir-euq nar-aq, yawdoer ghaq-anr nae oe-euq mae.

Maꞈtehˬ 5:37 Referans Kwoze

Yaˬkoˆ 5:12

Aˬ yuiꞈ aˬ nyiˇ Ka li zaˬ deuˬ-oˇ, dawˬ tawˆ luꞈ kʼoeˇ taˆ naw maꞈ yahˇ paˬ-ehˇ gʼeh-eu jeˬ-aˬ, naw maꞈ tiˬ jeˬ paˬ saˇ jaˇ dzaˬ ngeh kamˬ-eu jeˬ taˬ jahˇ. Mˬ-ahˇ gʼoe-awˇ maˬ ehˇ, miˇ tsaˬ-ahˇ gʼoe-awˇ maˬ ehˇ, aˬ geu jeˬ-ahˇ gʼoe-awˇ maˬ ehˇ, taˬ kamˬ. Ngeuˇ naˇ, “Ngeuˇ ma”, maˬ ngeuˇ naˇ, “Maˬ ngeuˇ” lehˇ tehꞈ-ehˇ ehˇ-awˬ. Koeˇ loꞈ-ehˇ jahˇ naˇ, Miˬyehˇ neh yaˇ kʼaˬ daˇ-euˬ jeˬ-ahˇ naw maꞈ maˬ ya daˬ-aˇ.

Gawˇlawˇsehˇ 4:6

Naw maꞈ neh ngehˬ-euˬ dawˬ deuˬ-aˬ, aˬ cawˬ-euˬ nui ma-ahˇ laˆ saˆ-awˇ, aˬ cawˬ naˇ haˬ mawꞈ-eu dawˬ deuˬ bi pyeuꞈ-awˬ. Kʼoeˇ uˬ taꞈ, tsawˇ haˬ yawˬ gʼaˬ na luꞈ-ahˇ dawˬ yaw muiˬ aˬ joˆ-ehˇ ya ngehˬ cawˬ kʼoꞈ nehˬ-eu gaˇ kawˆ siˬ nya-eu tsaˬ meh.

Gawˇlawˇsehˇ 3:9

Tiˬ gʼaˬ tiˇ gʼaˬ jaˬ myawꞈ taˬ paˇ myawꞈ. Aˬ jeˬ miˇ neh ehˇ naˇ, nui ma yaw oeˇ hawˇ-eu mˇ-eu shaˇ-eu yaw oeˇ jeˬ-ahˇ naw maꞈ lehˆ dzeh gʼaˬ-euˬ meh.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Eˇpeˇsu 4:25

Kʼoeˇ miˇ neh, jaˬ myawꞈ taˬ paˇ mawꞈ. Ka li zaˬ cawˬ cawˬ yawˬ gʼaˬ na luꞈ yaw tsaˬ yaw dawˇ jeˬ ngehˬ-awˬ tmˇ-awˬ. Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li-euˬ gʼawˇ mawˇ laꞈ kʼoeˇ tiˬ gaˇ taꞈ-eu ma.

2 Teˇsaˬloˇni 3:3

Ehˇ kʼawꞈ, Sahˬpaˬ Yeˬsuˇ saˇ jaˇ ziꞈ-eu meh. Aˬ yawꞈ naw maꞈ-ahˇ gʼaˬ biꞈ nehˬ laꞈ-awˇ, Haiˬ dui dui-eu Gʼaˬ-euˬ aˬ laꞈ laꞈ kʼoeˇ haw piˇ nehˬ laꞈ tehꞈ-a.

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Maꞈtehˬ 13:38

Deh yaˇ lehˇ ehˇ-eu-aˬ, miˇ tsaˬ heu-ahˇ ehˇ-eu meh. Siˬ yoeˬ yaw muiˬ lehˇ ehˇ-eu-aˬ, Miˬyehˇ Miˇkʼahˬ-ahˇ taꞈ-eu tsawˇ haˬ deuˬ-ahˇ ehˇ-eu meh.

1 Yoˇhaˬ 5:18

Miˬyehˇ-euˬ zaˬ tiˬ gʼaˬ-iˬ iˬ baˇ mˇ mˇ-ehˇ maˬ dehꞈ-a lehˇ aˬ dui siˬ nya meh. Aˬ jeˬ miˇ neh ehˇ naˇ, Miˬyehˇ-euˬ Zaˬmaˇ aˬ yawꞈ-ahˇ haw teˬ haw piˇ luꞈ-eu miˇ neh, Haiˬ dui dui-eu Gʼaˬ aˬ yawꞈ-ahˇ maˬ laˆ ciˆ leˇ nya-a.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

1 Yoˇhaˬ 2:13

Aˬ da deuˬ-oˇ, mˬ beh miˇ beh ngeh neh dehꞈ luꞈ-eu gʼaˬ-ahˇ naw maꞈ siˬ nya-eu miˇ neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu ma. Zaˬ guˬ deuˬ-oˇ, Haiˬ dui dui-eu Gʼaˬ-ahˇ naw maꞈ gʼaˬ leˇ-euˬ miˇ neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu ma.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.

Yoˇhaˬ 17:15

Aˬ yawꞈ maꞈ-ahˇ miˇ tsaˬ heu kʼoeˇ taˆ maˬ paˇ bi jawˇ ni sheuˬ doˆ-eu gʼaˇ duˬ, ngaˇ nawˬ-ahˇ shaˇ-eu maˬ ngeuˇ. Ehˇ kʼawꞈ, Haiˬ dui dui-eu Gʼaˬ-euˬ laꞈ-ahˇ maˬ ya bi ahˇ-iˇ ni haw lahˇ nehˬ-awˬ lehˇ shaˇ-eu ma.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Maꞈtehˬ 5:36

Nawˬ-euˬ uˬ duˬ-ahˇ gʼoe-awˇ neh kʼawꞈ taˬ kamˬ. Aˬ jeˬ miˇ neh ehˇ naˇ, uˬ duˬ tsehˇ kahˇ tiˬ kahˇ pyuˇ laˇ ni maˬ ehˇ, naˆ-iˇ ni maˬ ehˇ, nawˇ jahˇ nya-eu maˬ ngeuˇ-a.

Eˇpeˇsu 6:16

Kʼoeˇ uˬ taꞈ, Haiˬ dui dui-eu Gʼaˬ neh beuˆ gʼeh laꞈ-euˬ miˬ dzaˬ doꞈ-eu kaˆ myaˬ deuˬ bi miˆ-iˇ-eu gʼaˇ duˬ, jah-eu jeˬ pyeuꞈ-eu dehˬ daˬ duˬ-ahˇ aˬ myah luꞈ ziꞈ dah ni tuˆ tehˬ taˬ-awˬ.