Maꞈtehˬ 4:20 - Akha

²⁰ Aˬ nyaꞈ nmˇ ja tawˆ ni za byehˇ dzeh yaꞈ-awˇ, aˬ yawꞈ-euˬ mehˬ nah caw teh gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aqnyafnmr tiqpov taef-aer za byaerdzae yaf-awr, aqyawf-euq maeqnan cantae ghae-euq mae.

Maꞈtehˬ 4:20 Referans Kwoze

Maꞈtehˬ 19:27

Kʼoeˇ ngeh, Beˬtuˆluˆ ehˇ-eu, “Haw sheˇ. Nga maꞈ kʼaˇ jaˆ-eu yawˬ jeˬ na luꞈ byehˇ dzeh yaꞈ jiˇ-awˇ, nawˬ-euˬ mehˬ nah caw teh laˇ-euˬ maˬ ngeuˇ nga loˇ. Nga maꞈ aˬ jeˬ za nmˇ.”

Jaceuq 119:60

Nawˬ-euˬ zahˇ dawˬ kʼoꞈ dawˬ deuˬ-ahˇ, ngaˇ maˬ nyi naˬ ni caw teh ma.

1 Sahˬpaˬ 19:21

Kʼoeˇ naˇ, Eˇliˇshehˇ gʼaˬ aˬ yawꞈ-euˬ mawˇ neˇ kʼoeˇ gu jawˇ gaˇ iˇ-awˇ, mawˇ neˇ sehꞈ-awˇ, nyoˬ tsehˬ laꞈ gʼahˬ miˬ dzaˬ geuꞈ-awˇ, shaˬ jiˇ jahˇ-euˬ meh. Shaˬ jiˇ kʼoeˇ tsawˇ haˬ kʼoeˇ deuˬ-ahˇ aˬ yawꞈ bi dzaˬ-euˬ meh. Kʼoeˇ naˇ, Eˇliˇyaˆ-euˬ mehˬ nah aˬ yawꞈ caw teh gʼeh-awˇ, Eˇliˇyaˆ-ahˇ caw ba nehˬ-euˬ meh.

Gaˬlaˬtiˆ 1:16

Aˬ yawꞈ-euˬ gaˇ kawˆ Yuˇdaˆ tsawˇ haˬ deuˬ-ahˇ bi mehˬ-eu gʼaˇ duˬ, aˬ yawꞈ-euˬ Zaˬmaˇ neh ngaˬ-ahˇ pah mehˬ nehˬ laꞈ-euˬ meh. Tsawˇ haˬ zaˬ tiˬ gʼaˬ-ahˇ-iˬ, ngaˇ nui noeˬ nui duˇ maˬ shaˇ haw-aˬ.

Maꞈtehˬ 10:37

“Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Maꞈtehˬ 4:19

“Ngaˬ-euˬ mehˬ nah caw teh laˇ-awˬ. Ngaˇ naw nyaꞈ nmˇ-ahˇ tsawˇ haˬ poˆ-eu tsawˇ haˬ bi geuꞈ ma” lehˇ ehˇ nehˬ-euˬ meh.

Maꞈtehˬ 4:21

Aˬ yawꞈ mehˬ hu paw paˇ iˇ gʼeh ngeh, Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ-ahˇ paˇ tahˬ puˬ-euˬ meh. Aˬ nyaꞈ nmˇ-aˬ, aˬ da Zeˬbeˬdehˇ nehˬ-ehˇ lawˬ laꞈ kʼoeˇ uˇ-awˇ za doꞈ luꞈ-eu meh. Yeˬsuˇ aˬ yawꞈ nyaꞈ-ahˇ kuˇ ngeh,

Luˇkaꞈ 5:11

Aˬ yawꞈ maꞈ lawˬ kʼoeˇ nyiˬ laˇ-ahˇ lah lah dzeˇ gʼeu daˆ yaꞈ-awˇ, yawˬ jeˬ na luꞈ byehˇ dzeh yaꞈ jiˇ-awˇ, Yeˬsuˇ mehˬ nah caw teh gʼeh-euˬ meh.