Maꞈtehˬ 3:9 - Akha

⁹ Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ ‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq zaq bi pyeuflar nya-eu mae.

Maꞈtehˬ 3:9 Referans Kwoze

Luˇkaꞈ 3:8

Naw maꞈ iˬ baˇ noeˬ poˆ gʼaˬ-euˬ ngaˇ lehˇ yaw muiˬ paˬ-ehˇ siˬ duˬ mawˇ duˬ laˇ ni dehꞈ-awˬ. Aˬbyaˬhaˬ-aˬ, nga maꞈ-euˬ aˬ da yaw dzahˇ ma lehˇ, naw maꞈ-euˬ nui ma laꞈ kʼoeˇ yawˬ haˇ yawˬ ha ehˇ ehˇ-ehˇ taˬ jawˇ. Ngaˇ naw maꞈ-ahˇ ehˇ nehˬ nyaˇ. Miˬyehˇ-aˬ, kʼaˬ lo heu deuˬ yuˇ-awˇ, Aˬbyaˬhaˬ-euˬ oeˬ paˬ oeˬ ma jahˇ doˆ nya meh.

Yoˇhaˬ 8:33

Aˬ yawꞈ maꞈ ehˇ-eu, “Nga maꞈ Aˬbyaˬhaˬ-euˬ zaˬ deuˬ uˆ deuˬ ma. Aˬ cawˬ-euˬ zaˬ kʼaˆ kʼawꞈ tiˬ jawˇ-iˬ maˬ geuꞈ haw-aˬ. ‘Naw maꞈ ya buˬ-iˇ tehꞈ-a’ lehˇ nawˇ ehˇ-eu teu, aˬ jeˬ ehˇ mawꞈ te.”

Lormav 4:1

Aˬ dui tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Aˬbyaˬhaˬ gaˇ kawˆ aˬ joˆ-ehˇ ehˇ nmˇ.

Gʼaˬkʼehˇ 13:26

“Aˬbyaˬhaˬ-euˬ zaˬ deuˬ uˆ deuˬ pyeuꞈ-eu ngaˬ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-ahˇ uˬ duˬ kʼaˇ tahˬ-eu aˬ cawˬ tsawˇ jeuˬ deuˬ-oˇ, ka kʼoꞈ-eu gaˇ kawˆ guiˬ lahˬ dawˬ heu-aˬ, aˬ dui-euˬ gʼaˇ duˬ meh.

Luˇkaꞈ 16:24

Kʼoeˇ ngeh, aˬ yawꞈ guˇ-awˇ ehˇ-eu, ‘Aˬ da Aˬbyaˬhaˬ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Laˬzaˬluˇ-euˬ laꞈ noeˇ iˇ cuꞈ-ahˇ bi cawˬ duiˆ-awˇ, ngaˬ-euˬ mehˬ laˇ coꞈ-iˇ ni tiˬ poˆ bi dzaˆ aˬ le sheˇ. Miˬ dzaˬ lahˇdui dui-eu miˇ neh tiˬ pawꞈ-iˬ maˬ daˬ coeˇ nya.’

Yoˇhaˬ 8:53

Aˬ dui-euˬ aˬ da Aˬbyaˬhaˬ shiˇ-euˬ meh. Nawˇ Aˬbyaˬhaˬ naˆ maˬ tseˇ huiˬ dzehˬ ma lehˇ ehˇ mawꞈ te loˇ. Miˬyehˇ gʼaˇ duˬ ngehˬ dah-eu deuˬ gʼeh shiˇ-euˬ meh. Nawˇ aˬ suˇ gʼaˬ te lehˇ ehˇ-eu gʼeh te.”

Luˇkaꞈ 5:22

Aˬ yawꞈ maꞈ kʼoeˇ loꞈ-ehˇ ehˇ luꞈ-eu Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Naw maꞈ aˬ jeˬ miˇ neh teu loꞈ-ehˇ shaˇ noeˬ luꞈ te.

Maˬkuˆ 7:21

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ le-euˬ jeˬ-aˬ, maˬ muiˬ maˬ jaˬ-eu jeˬ pyeuꞈ-eu, tahˇ joe joe-eu, tsawˇ haˬ sehꞈ-eu,

Yeˬsaˬgeˬlaˇ 33:24

“Tsawˇ haˬ zaˬ-oˇ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu cawˆ-iˇ-euˬ meuˬ deuˬ laꞈ kʼoeˇ jawˇ-eu tsawˇ haˬ deuˬ heu loꞈ-ehˇ ehˇ luꞈ meh. ‘Aˬbyaˬhaˬ tiˬ gʼaˬ tehꞈ-ahˇ kʼawꞈ, miˇ kʼahˬ heu kʼahˬ kʼahˬ lah ni biꞈ-euˬ-aˬ, aˬ dui heu myaˆ ni paˇ gʼeh-eu-aˬ, miˇ kʼahˬ heu kʼahˬ za tsehˆ-euˬ ngaˇ’ lehˇ ehˇ luꞈ meh.

Gʼaˬkʼehˇ 15:14

Aˬ cawˬ tsawˇ jeuˬ laꞈ kʼoeˇ Miˬyehˇ-ahˇ taꞈ-eu aˇ muˇ tiˬ muˇ bi baw laˇ-euˬ laꞈ kʼoeˇ, aˬ cawˬ tsawˇ jeuˬ-ahˇ gʼeh Miˬyehˇ ha geuꞈ dahˬ beh-euˬ gaˇ kawˆ bya cehˆ ni bi siˬ bi mawˇ laꞈ-euˬ kʼoeˇ hmˬ, Siˇmoˬ neh naw maꞈ-ahˇ ja mehˬ gʼaˬ-euˬ meh.

Luˇkaꞈ 19:40

Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”

Luˇkaꞈ 7:39

Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”

Luˇkaꞈ 12:17

‘Ngaˬ-euˬ cehˇ pi ahˇ kʼaˇ maˬ za-ehˇ pyeuꞈ laˇ taˬ-euˬ miˇ neh, aˬ joˆ-ehˇ jahˇ paˬ maˬ siˬ miˇ-a’ lehˇ, aˬ yawˇ yawꞈ shaˇ noeˬ luꞈ-eu meh.

Yoˇhaˬ 8:37

Naw maꞈ-aˬ, Aˬbyaˬhaˬ-euˬ zaˬ deuˬ uˆ deuˬ meh lehˇ ngaˇ siˬ nya ma. Ehˇ kʼawꞈ, naw maꞈ ngaˬ-ahˇ sehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ ha geuꞈ-a.