Maꞈtehˬ 27:50 - Akha

⁵⁰ Yeˬsuˇ tiˬ teˇ paˇ guˇ doˆ laˇ-awˇ, saꞈ tsehˆ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁰ Yeqsur tersar yawkhav-aer tiq ter par gurdov laf-awr saf tsaev-euq mae.

Maꞈtehˬ 27:50 Referans Kwoze

Yoˇhaˬ 19:30

Yeˬsuˇ aˬ gaꞈ dzaˇ uiˇ kʼoeˇ cuˆ dawˇ gʼaˬ-awˇ, “Gaˇ mˇ jiˇ-euˬ ma” lehˇ ehˇ-eu meh. Kʼoeˇ naˇ, uˬ duˬ ga moꞈ le-awˇ, saꞈ tsehˆ leˇ-euˬ meh.

Luˇkaꞈ 23:46

Kʼoeˇ ngeh, Yeˬsuˇ yaw kʼaˆ-ehˇ guˇ-awˇ, “Aˬda-oˇ, ngaˬ-euˬ saꞈ laˇ-ahˇ nawˬ-euˬ aˬ laꞈ laꞈ kʼoeˇ a nehˬ-eu ma” lehˇ ehˇ-eu meh. Kʼoeˇ loꞈ-ehˇ guˇ gʼaˬ ngeh, aˬ yawꞈ saꞈ tsehˆ leˇ-euˬ meh.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

Maˬkuˆ 15:37

Yeˬsuˇ tiˬ teˇ guˇ kʼaˆ laˇ-awˇ, saꞈ gʼawˇ tsehˆ-euˬ meh.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Yoˇhaˬ 10:11

“Ngaˇ-aˬ, muiˬ-eu yawˇ bo-eu yaw sahˇ ma. Yawˇ deuˬ-euˬ gʼaˇ duˬ ngaˇ shiˇ dah peuˬ ma.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

HeˬByehˇ 2:14

Aˬ yawꞈ neh aˬ yawꞈ-euˬ zaˬ deuˬ lehˇ kuˇ-euˬ kʼoeˇ deuˬ-aˬ, shiˬ shaˬ jiˇ pi luꞈ-eu tsawˇ haˬ pyeuꞈ-eu loꞈ-ehˇ, Yeˬsuˇ kʼawꞈ aˬ yawꞈ maꞈ-ahˇ duˇ leˇ-awˇ, aˬ yawꞈ maꞈ loꞈ-ehˇ shiˬ shaˬ jiˇ pi luꞈ-eu tsawˇ haˬ pyeuꞈ-eu meh. Aˬ yawꞈ kamˇ shiˇ-eu laꞈ kʼoeˇ, tsawˇ haˬ zaˬ-ahˇ bi shiˇ nya-eu baoˬ jaˆ-eu Nehꞈ sahˬ paˬ-ahˇ laˆ luꞈ laˆ seˇ-eu gʼaˇ duˬ, aˬ yawꞈ kʼoeˇ loꞈ-ehˇ pyeuꞈ le-euˬ meh.

Maꞈtehˬ 27:49

Ehˇ kʼawꞈ, “Taˬ tehˬ lawˬ siˬ. Eˇliˇyaˆ aˬ yawꞈ-ahˇ ka kʼoꞈ le ngaˇ-a loˇ lehˇ tiˬ kʼehˬ haw kaˇ-euˇ” lehˇ, aˬ cawˬ aˬ yawꞈ-ahˇ ehˇ nehˬ-euˬ meh.

Yoˇhaˬ 19:29

Aˬ gaꞈ dzaˇ uiˇ uiˇ cehˇ tiˬ byah ni dahˬ-eu ciˬ cuˇ cuˇ zaˬ tiˬ siˬ kʼoeˇ gaˇ jaˆ-eu meh. Boeˇ baˆ laꞈ daˬ-ahˇ duˇ-eu laˆ shaˆ iˇ jaˬ caˆ luˆ tiˬ luˆ-ahˇ kʼoeˇ gaˇ dawˆ duiˆ-awˇ, hiˇ soˆ kahˬ zaˬ uˬ du gʼoˆ tehˬ-awˇ, aˬ yawꞈ-euˬ mehˬ luˬ-ahˇ cawˬ miˇ nehˬ-euˬ meh.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.