Maꞈtehˬ 27:2 - Akha

² Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ tsahˇ doˆ gʼeh-awˇ, Loˇmaˆ tsawˇ haˬ sahˬ paˬ Piˇlaˆ jawˇ gaˇ tsahˇ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoernar-aq, aqyawfmaf, aqyawf-anr paf-awr meuqsanr Boqtiv Pirlav jawr-eu gar sheuqghae-awr, aqyawf-anr a’naeq-euq mae.

Maꞈtehˬ 27:2 Referans Kwoze

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

Maꞈtehˬ 20:19

Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

1 Tiˆmoˇseˬ 6:13

Yawˬ jeˬ na luꞈ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Miˬyehˇ mehˬ shi hawˇ-eu, sahˬ paˬ Boˬtiˆ Piˇlaˆ-ahˇ jah-eu jeˬ ziꞈ dah ni mehˬ nehˬ-euˬ gʼaˬ pyeuꞈ-eu Yeˬsuˇ Ka li mehˬ shi, ngaˇ nawˬ-ahˇ dawˬ heu loꞈ-ehˇ biꞈ-eu ma.

Luˇkaꞈ 13:1

Kʼoeˇ ngeh, Gaˬliˬlehˇ tsawˇ haˬ tiˬ deuˬ sahˬ paˬ Piˇlaˆ neh bi sehꞈ-awˇ, aˬ yawꞈ maꞈ-euˬ shiˬ hawˇ-eu aˬ yawꞈ maꞈ neh lawˇ-euˬ jeˬ zaˬ-euˬ shiˬ tiˬ gaˇ bi yoeˇ keuˬ-euˬ gaˇ kawˆ, kʼoeˇ gaˇ jawˇ-eu tsawˇ haˬ tiˬ paˆ na deuˬ Yeˬsuˇ-ahˇ ja mehˬ nehˬ-euˬ meh.

HeˬByehˇ 13:3

Tawˬ-ahˇ uˇ luꞈ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ tawˬ-ahˇ caw uˇ luꞈ-eu loꞈ-ehˇ noeˬ keuˆ-awˬ. Kehˬ-eu kʼaˆ-eu jehˬ-ahˇ ya daˬ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ caw daˬ luꞈ-eu loꞈ-ehˇ noeˬ keuˆ-awˬ.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

Gʼaˬkʼehˇ 28:20

Kʼoeˇ miˇ neh, naw maꞈ-ahˇ ngaˇ tahˬ puˬ-awˇ ja cawˬ mawꞈ-eu ma. Dawˇ coe ni ya ehˇ naˇ, Iˇsaˬleˬlaˇ tsawˇ haˬ deuˬ noeˬ tmˬ luꞈ-eu gʼaˬ-euˬ gʼaˇ duˬ ngaˇ heu loꞈ-ehˇ shmˇ caˆ daˬ-awˇ jawˇ luꞈ-eu ma.”

Gʼaˬkʼehˇ 24:27

Nyiˬ kʼoꞈ byah laˇ ngeh, Peˬliˇ-euˬ jawˇ duˬ-ahˇ Bawˇgiˇ Beˬtuˇ sahˬ paˬ paˇ geuꞈ le-euˬ meh. Peˬliˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇneh Pawˇluˆ-ahˇ tawˬ-ahˇ bi uˇ yaꞈ-euˬ meh.

Gʼaˬkʼehˇ 22:29

Kʼoeˇ ngeh jawˇ, Pawˇluˆ-ahˇ yahˬ caˆ neh juiꞈ-awˇ naˇ haˬ-eu lehˇ gʼeh-eu tsawˇ haˬ kʼoeˇ deuˬ tiˬ poˆ tehꞈ-ehˇ naˇ kʼah paw jiˆ kʼoꞈ le-euˬ meh. Yaw huiˬ yaw mahˇ kʼoeˇ gʼaˬ-aˬ, aˬ yawꞈ neh shmˇ caˆ paꞈ taˬ-euˬ Pawˇluˆ kʼoeˇ gʼaˬ Loˇmaˆ miˇ kʼahˬ zaˬ pyeuꞈ-eu siˬ duˬ leˇ ngeh, tsawˬ guˆ-iˇ-euˬ meh.

Gʼaˬkʼehˇ 22:25

Ehˇ kʼawꞈ, aˬ yawꞈ-ahˇ yahˬ caˆ neh juiꞈ-eu lehˇ paꞈ tawꞈ gʼaˬ ngeh, yehˇ kʼoeˇ deuˬ kʼoeˇ taˆ aˬ yuiꞈ geuꞈ-eu gʼaˬ-ahˇ Pawˇluˆ ehˇ nehˬ-eu, “Loˇmaˆ miˇ kʼahˬ zaˬ tiˬ gʼaˬ-ahˇ yaˇ kʼaˬ maˬ daˇ tsehˆ ni teu loꞈ-ehˇ juiꞈ-eu aˬ kawˬ-aˬ jaˆ ta loˇ.”

Gʼaˬkʼehˇ 21:33

Yaw huiˬ yaw mahˇ kʼoeˇ gʼaˬ Pawˇluˆ jawˇ gaˇ iˇ-awˇ, aˬ yawꞈ-ahˇ nyehꞈ-awˇ shmˇ caˆ nyiˬ caˆ yuˇ-awˇ paꞈ-eu gʼaˇ duˬ dawˬ biꞈ-euˬ meh. Kʼoeˇ naˇ, “Tsawˇ haˬ heu gʼaˬ aˬ suˇ gʼaˬ-a. Aˬ yawꞈ aˬ jeˬ jahˇ taˬ” lehˇ naˇ haˬ-euˬ meh.

Gʼaˬkʼehˇ 12:6

Aˬ yawꞈ-ahˇ miˇ kʼahˬ zaˬ mehˬ shi Heˬloˆ tsahˇ doˆ-eu lehˇ gʼeh-eu aˇ nah keuˆ le-eu mehˬ hu uˬ ciꞈ kʼoeˇ miˇ-ahˇ, a yawꞈ-ahˇ loꞈ luꞈ-eu yehˇ nyiˬ gʼaˬ-euˬ aˇ kaˬ-ahˇ, Beˬtuˆluˆ yuꞈ kʼaˆ taˬ-euˬ meh. Aˬ yawꞈ-ahˇ shmˇ caˆ nyiˬ caˆ paꞈ tawꞈ taˬ-awˇ, paꞈ kuˆ-euˬ gʼoˆ kʼehˬ-ahˇ kʼawꞈ, yehˇ deuˬ loꞈ luꞈ-eu meh.

Gʼaˬkʼehˇ 9:2

Daˬmaˬsehˇ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ deuˬ-ahˇ sahˬ boꞈ bi boꞈ nehˬ-eu gʼaˇ duˬ shaˇ leˇ-euˬ meh. Sahˬpaˬ Yeˬsuˇ-euˬ Gaˇma -ahˇ cah-eu deuˬ-ahˇ kʼoeˇ gaˇ ya mawˇ lawˬ naˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, Yeˬluˇsaˬlehˬ meuˬ-ahˇ nyehꞈ ka leꞈ nya ni sahˬ boꞈ bi boꞈ nehˬ-eu lehˇ shaˇ leˇ-euˬ meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.

Yoˇhaˬ 18:24

Kʼoeˇ naˇ, aˬ yawꞈ-ahˇ paꞈ tawꞈ taˬ-euˬ maˬ puiˇ nehˬ ni, Aˬna neh aˬ yawꞈ-ahˇ Piˇ ma Yaw huiˬ gʼaˬ pyeuꞈ-eu Gaˬyaˬpaˇ jawˇ gaˇ bi sheuˬ ha-iˇ-euˬ meh.

Yoˇhaˬ 18:12

Kʼoeˇ ngeh, Loˇmaˆ yehˇ kʼoeˇ maꞈ hawˇ-eu aˬ yawꞈ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ nehˬ-ehˇ tiˬ kawˆ loꞈ-ehˇ, Yeˬsuˇ-ahˇ nyehꞈ-awˇ paꞈ-euˬ meh.

Luˇkaꞈ 20:20

Kʼoeˇ miˇ neh, aˬ myah yehꞈ laˇ nga lehˇ aˬ yawꞈ maꞈ jawˬ luꞈ-eu meh. Kʼoeˬ sho-eu tsawˇ haˬ kʼehˇ-awˇ, tsawˇ haˬ yaw muiˬ bi geuꞈ-awˇ bi iˇ-euˬ meh. Yeˬsuˇ dawˬ ngehˬ bahˬ gaˇ nyehꞈ-awˇ, miˇ kʼahˬ kʼoeˇ kʼahˬ-ahˇ uˆ lahˇ-eu Loˇmaˆ sahˬ paˬ-euˬ laꞈ-ahˇ bi a nehˬ-eu gʼaˇ duˬ, aˬ yawꞈ maꞈ-ahˇ kʼehˇ gʼeh-euˬ meh.

Luˇkaꞈ 3:1

Gehˇsaˬ Deˬbeˬliˇ dzoeˬ dzaˬ-eu tseˇ ngaˬ kʼoꞈ byah laˇ ngeh, Yuˇdaˆ miˇ kʼahˬ-ahˇ BoˬtiˆPiˇlaˆ uˆ lahˇ-awˇ, Gaˬliˬlehˇ miˇ kʼahˬ-ahˇ Heˬloˆ uˆ lahˇ-awˇ, Iˇtuˬlehˇ miˇ kʼahˬ hawˇ-eu Daˬlaˬgawˇniˇ miˇ kʼahˬ-ahˇ Heˬloˆ-euˬ aˇ doˆ Piˇliˇpuˆ uˆ lahˇ-awˇ, Aˬbiˇleˬ miˇ kʼahˬ-ahˇ Luˇsaˬniˇ uˆ lahˇ luꞈ-eu meh.

Aˇ dahˬ 22:9

Miˬyehˇ neh ehˇ taˬ-euˬ jawˇ duˬ kʼoeˇ tsahˇ-ahˇ aˬ nyaꞈ da zaˬ le keuˆ ngeh, Aˬbyaˬhaˬ lawˇ guiˇ tsoˆ-awˇ, miˬ dzaˬ gahˬ daˆ-euˬ meh. Aˬ yawꞈ-euˬ aˬ li-ahˇ aˬ yawꞈ paꞈ cuꞈ-awˇ, lawˇ duˬ kʼoeˇ taˆ gahˬ daˆ taˬ-euˬ miˬ dzaˬ kʼoeˇ taˆ baꞈ daˆ-euˬ meh.

Maꞈtehˬ 28:14

Gaˇ kawˆ heu sahˬ paˬ-ahˇ gaˬ keuˆ leˇ naˇ, naw maꞈ tiˬ jeˬ-iˬ maˬ lehˬ-a lehˇ, nga maꞈ ja piˇ nehˬ ma. Naw maꞈ tiˬ jeˬ-iˬ kʼahˬ maˬ ya lahˇ-aˇ.”

Luˇkaꞈ 23:1

Kʼoeˇ naˇ, tsawˇ haˬ dawˬ tawˆ luꞈ baˬ maꞈ puˇ jeˬ-ehˇ tuˇ laˇ jiˇ-awˇ, Yeˬsuˇ-ahˇ sahˬ paˬ Piˇlaˆ jawˇ gaˇ sheuˬ gʼeh-euˬ meh.

Luˇkaꞈ 23:12

Kʼoeˇ ngeh nah, sahˬ paˬ Heˬloˆ hawˇ-eu sahˬ paˬ Piˇlaˆ aˬ nyaꞈ gʼoeˇ leˇ-euˬ meh. Dzeuˇ laˇ ngeh aˬ yawꞈ nyaꞈ tiˬ gʼaˬ tiˇ gʼaˬ muiˇ-euˬ meh.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Yaˇ kʼaˬ daˇ 15:12

Aˬ yawꞈ maꞈ ehˇ-eu, “Nawˬ-ahˇ paꞈ-awˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ a nehˬ-eu lehˇ nga maꞈ laˇ-euˬ ma.” Saˬsoˬ ehˇ-eu,“Naw maꞈ ngaˬ-ahˇ maˬ sehꞈ lehˇ saˇ jaˇ jeˬ hu dzaˬ-awˬ.”