Maꞈtehˬ 25:37 - Akha

³⁷ “Kʼoeˇ ngeh, yaw tsaˬ yaw dawˇ tsawˇ haˬ kʼoeˇ deuˬ aˬ yawꞈ-ahˇ heu loꞈ-ehˇ ehˇ nehˬ tehꞈ-a. ‘Sahˬ paˬ-oˇ, nawˇ hawˬ mehꞈ ngeh nga maꞈ mawˇ-awˇ bi dzaˬ-euˬ aˬ myah jaˆ ta. Nawˇ iˇ cuꞈ mehꞈ ngeh nga maꞈ mawˇ-awˇ bi dawˇ-euˬ aˬ myah jaˆ ta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ “Khoerngae, tsaq-awr dawr-eu tsawrhaq deuq heulof-aer aerkhofnaeq taef-a: ‘Sanqpaq-or! Nawr hawq maef ngae, nga’maf mawr-awr, nawq-anr aqmyan bidzaq-euq la? Nawr ircuf maef ngae, nawq-anr aqmyan bidawr-euq la?

Maꞈtehˬ 25:37 Referans Kwoze

Maꞈtehˬ 6:3

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ nawˇ gamꞈ nehˬ ngeh, aˇ maˇ laꞈ neh mˇ-euˬ jeˬ aˇ caˇ laꞈ maˬ bi siˬ ni jahˇ-awˬ.

1 Laˬsaˬbaˬ 29:14

“Ehˇ kʼawꞈ, ngaˇ hawˇ-eu ngaˬ-euˬ tsawˇ haˬ deuˬ nawˬ-ahˇ biꞈ nehˬ-eu tiˬ jeˬ-iˬ maˬ jaˆ. Aˬ jeˬ miˇ neh ehˇ naˇ, yawˬ jeˬ na luꞈ nawˬ neh biꞈ laꞈ-euˬ tehꞈ-ehˇ pyeuꞈ-awˇ, nawˬ neh biꞈ laꞈ-euˬ jeˬ nawˬ-ahˇ paˇ biꞈ kʼoꞈ nehˬ-eu tehꞈ ma.

1 Gawˇliˬtu 15:10

Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Dawqdaq 15:33

Sahˬpaˬ Miˬyehˇ-ahˇ guˆ-eu-aˬ, zaˬ siˬ tsawˇ gahˇ za-awˇ, nui nahˬ nui yu mehˬ hu aˬ cawˬ yaw zeu baw-eu jeˬ jaˆ-mˇ jeˇ.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Maꞈtehˬ 25:36

Ngaˇ mehˬ tsoeˬ maˬ ahˇ ngeh, naw maꞈ bi dm laꞈ-euˬ meh. Ngaˇ jawˇ saˇ maˬ doˆ ngeh, naw maꞈ bo saˆ laꞈ-euˬ meh. Ngaˇ paꞈ kuˆ-ahˇ uˇ ngeh, naw maꞈ haw le-euˬ meh.’

Maꞈtehˬ 25:38

Nawˇ daˬ yah loꞈ-ehˇ cah luꞈ gaˇ nga maꞈ mawˇ-awˇ, iˇ kahˇ laꞈ kʼoeˇ ha ahˇ-euˬ aˬ myah jaˆ ta. Nawˇ mehˬ tsoeˬ maˬ ahˇ-eu nga maꞈ mawˇ-awˇ, mehˬ tsoeˬ bi dm-euˬ aˬ myah jaˆ ta.