Maꞈtehˬ 25:34 - Akha

³⁴ Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Maꞈtehˬ 25:34 Referans Kwoze

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Maꞈtehˬ 20:23

Yeˬsuˇ ehˇ-eu, “Naw nyaꞈ nmˇ ngaˬ-euˬ kʼmˬ maˬ-ahˇ aˬ diˇ aˬ maˇ dawˇ tehꞈ-a. Ehˇ kʼawꞈ, ngaˬ-euˬ aˇ maˇ paw hawˇ-eu aˇ caˇ paw bi nuiˇ-eu tsawˇ haˬ-ahˇ ngaˇ tseˇ geuꞈ-eu aˬ kawˬ-aˬ maˬ jaˆ. Nuiˇ duˬ kʼoeˇ deuˬ-aˬ, ngaˬ Da neh lehˬ hmˬ taˬ-euˬ tsawˇ haˬ deuˬ gʼaˇ duˬ meh.”

Panmaeq 17:8

Nawˇ mawˇ-euˬ jeˬ zaˬ kʼoeˇ mawˇ-aˬ, aˇ hu dehꞈ-euˬ kʼawꞈ, nymˬ-mˇ maˬ paˇ dehꞈ meh. Gʼawˬ myahˇ maˬ gʼeh-ehˇ yaw li maˬ baw-eu duˬ kʼahˬ-ahˇ neh doˆ laˇ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a. Mˬ hawˇ-eu miˇ maˬ beh mi naˆ-ehˇ saꞈ laˇ dehꞈ-eu sahˬ boꞈ laꞈ kʼoeˇ tsawˇ myahˇ maˬ bi boꞈ ahˇ taˬ-euˬ miˇ tsaˬ kʼoeˇ taˆ jawˇ luꞈ-eu tsawˇ haˬ deuˬ-aˬ, jeˬ zaˬ yaw haiˬ kʼoeˇ mawˇ-ahˇ ya mawˇ ngeh zahˬ dui dui leˇ tehꞈ-a. Aˬ jeˬ miˇ neh ehˇ naˇ, jeˬ zaˬ yaw haiˬ kʼoeˇ mawˇ dzeuˇ laˇ ngeh yaw dehꞈ dehꞈ-euˬ kʼawꞈ, nymˬ-mˇ maˬ paˇ dehꞈ meh. Ehˇ kʼawꞈ, tiˬ poˆ paˇ doˆ laˇ tehꞈ-a.

HeˬByehˇ 4:3

Aˬ dui jah-eu tsawˇ haˬ deuˬ-aˬ, Miˬyehˇ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ za-euˬ meh. Aˬ yawꞈ neh ehˇ taˬ-euˬ loꞈ-ehˇ, “Ngaˇ nui ma pehˇ dui dui laˇ-awˇ, heu loꞈ-ehˇ saˇ jaˇ dzaˬ-euˬ ma. ‘Yawꞈ maꞈ gʼaˬ naˬ bi naˬ-eu lehˇ, lehˬ hmˬ taˬ-euˬ miˇ kʼahˬ laꞈ kʼoeˇ, tiˬ jawˇ-iˬ maˬ bi uˇ leˇ ma.’ ” Miˬyehˇ-aˬ, aˬ yawꞈ mˬ beh miˇ beh ngeh neh aˬ yawꞈ-euˬ gaˇ dawˬ tawˆ luꞈ mˇ gʼaˬ jiˇ-euˬ kʼawꞈ, kʼoeˇ loꞈ-ehˇ ehˇ-euˬ meh.

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

1 Gawˇliˬtu 15:50

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Shiˬ shaˬ jiˇ gʼawˇ mawˇ heu-aˬ, Miˬyehˇ Miˇkʼahˬ-ahˇ jawˇ leˇ nya-eu jeˬ maˬ ngeuˇ-a. Buꞈ-iˇ nya-eu jeˬ-aˬ, maˬ buꞈ-iˇ nya-eu jeˬ-ahˇ maˬ za nya-a.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Panmaeq 19:16

Aˬ yawꞈ-euˬ pehˇ kʼahˬ pehˇ mahˇ hawˇ-eu shaˬ pyaˬ-ahˇ, “Sahˬ paˬ kʼoeˇ taˆ Sahˬpaˬ” lehˇ boꞈ taˬ-euˬ meh.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

Maꞈtehˬ 25:21

Baw leˬ ehˇ-eu, ‘Saˇ jaˇ ziꞈ-eu muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Maꞈtehˬ 19:29

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Maꞈtehˬ 13:35

Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ heu deuˬ byah laˇ ni, aˬ yawꞈ kʼoeˇ loꞈ-ehˇ mehˬ nehˬ-euˬ meh. “Ngaˬ-euˬ kʼaˬ meh ngaˇ mˇ nga-awˇ, yaw jeˬ ma jeˬ ja mehˬ nehˬ-awˇ, Miˇ beh ngeh neh zaꞈ taˬ-euˬ jeˬ, aˬ yawꞈ maꞈ-ahˇ dzawˇ duˬ nehˬ ma.”

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.

2 Tiˆmoˇseˬ 2:12

Aˬ dui daˬ dzeuˇ oˇ dzeuˇ coeˇ naˇ, aˬ yawꞈ nehˬ-ehˇ ya dzoeˬ tehꞈ-a. Aˬ dui aˬ yawꞈ-ahˇ byehˇ dzeh naˇ, aˬ yawꞈ aˬ dui-ahˇ byehˇ tehꞈ-a.

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

1 Gawˇliˬtu 6:9

Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

Luˇkaꞈ 19:38

“Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ sahˬ paˬ guiˬ lahˬ huiˬ luꞈ-uˇ. Mˬ kʼoeˇ taˆ nui saˇ oꞈ-eu jeˬ jaˆ-awˇ, yaw goˇ jawˇ-eu Miˬyehˇ yaw shehꞈ kʼahˬ sehˇ huiˬ luꞈ-uˇ.”

Maꞈtehˬ 5:19

Kʼoeˇ miˇ neh, zahˇ dawˬ kʼoꞈ dawˬ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ dzehˬ-eu tiˬ dawˬ na-ahˇ yawˬ ha maˬ caw teh-eu uˬ taꞈ, aˬ cawˬ maˬ bi caw teh ni mehˬ-eu tsoˆ-eu tsawˇ haˬ aˬ geu gʼaˬ maˬ kaˬ, mˬ taˆ Miˇ kʼahˬ laꞈ kʼoeˇ aˬ cawˬ naˆ maˬ tseˇ teˬ dui nyiˇ dui dui tehꞈ-a. Ehˇ kʼawꞈ, zahˇ dawˬ kʼoꞈ dawˬ kʼoeˇ deuˬ-euˬ mehˬ nah yawˬ ha caw teh-awˇ, aˬ cawˬ kʼawꞈ caw teh ni mehˬ nehˬ tsoˆ nehˬ-eu tsawˇ haˬ aˬ geu gʼaˬ maˬ kaˬ, mˬ taˆ Miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ dzehˬ mahˇ dzehˬ tehꞈ-a.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Zeˬpaˬniˇ 3:15

Nawˬ-ahˇ kʼehˬ nehˬ kʼaˆ nehˬ-eu jeˬ, Sahˬpaˬ Miˬyehˇ yuˇ dzeh jiˇ-awˇ, nawˬ-ahˇ muiˇ-eu deuˬ dawˬ tawˆ luꞈ, aˬ yawꞈ teh dzeh byoˆ jiˇ-euˬ meh. Iˇsaˬleˬlaˆ sahˬpaˬ pyeuꞈ-eu, Sahˬpaˬ Miˬyehˇ nawˬ nehˇ jawˇ-awˇ, nawˇ guˆ-eu jeˬ maˬ paˇ jaˆ meh.

Daˬyeˬlaˇ 9:25

Gaˇ kawˆ heu gʼoˆ shaw-awˇ juiˇ taˬ-awˬ. Yeˬluˇsaˬlehˬ meuˬ bi tsoˆ muiˬ-eu gʼaˇ duˬ dawˬ biꞈ-euˬ aˇ yamˬ-ahˇ neh, Miˬyehˇ neh tsiˇ shehˆ daˆ-awˇ tseˇ doˆ taˬ-euˬ uˆ lahˇ-eu gʼaˬ oe keuˆ ngeh keuˆ ni, shiꞈ kʼoꞈ, shiꞈ poˆ myahˇ tehꞈ-a. Yeˬluˇsaˬlehˬ meuˬ hawˇ-eu meuˬ laꞈ kʼoeˇ jaˆ-eu gaˇ ma deuˬ gawˬ muiˬ tsoˆ muiˬ jiˇ-awˇ, muiˇ-eu deuˬ guiˇ maˬ bi deuˆ gʼaˬ laˇ nya ni, ziꞈ dah ni gʼeh-eu taˆ deuˬ gawˬ ziꞈ tsoˆ ziꞈ gʼaˬ-awˇ, koꞈ tseˇ nyiꞈ kʼoꞈ, shiꞈ poˆ keuˆ ni gmˬ tehꞈ-a. Ehˇ kʼawꞈ, aˇ yamˬ kʼoeˇ yamˬ-aˬ, shaˬ zahˬ naꞈ-eu aˇ yamˬ pyeuꞈ tehꞈ-a.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Jaceuq 2:6

“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”

1 Beˬtuˆluˆ 1:9

Aˬ jeˬ miˇ neh ehˇ naˇ, aˬ yawꞈ-ahˇ jah-eu laꞈ kʼoeˇ noeˬ tmˬ taˬ-euˬ jeˬ pyeuꞈ-eu saꞈ laˇ ka kʼoꞈ-eu jeˬ-ahˇ naw maꞈ za luꞈ-eu meh.

HeˬByehˇ 9:26

Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

1 Teˇsaˬloˇni 2:12

Nga maꞈ naw maꞈ-ahˇ gʼaˬ biꞈ-awˇ nui saˇ bi za-euˬ ma. Aˬ yawꞈ-euˬ Miˇkʼahˬ hawˇ-eu yaw shehꞈ kʼahˬ sehˇ laꞈ kʼoeˇ uˇ laˇ ni naw maꞈ-ahˇ kuˇ luꞈ-eu Miˬyehˇ nui ma tsaˬ ni yaw dehꞈ dehꞈ-eu gʼaˇ duˬ, naw maꞈ-ahˇ nga maꞈ maˬ tsehˆ leˇ ni gʼaˬ biꞈ-euˬ ma.

Lormav 8:17

Aˬ dui-aˬ, aˬ yawꞈ-euˬ zaˬ pyeuꞈ-eu miˇ neh, aˬ yawꞈ-euˬ jeˬ biˇ oꞈ-eu tsawˇ haˬ ma. Miˬyehˇ neh Ka li-ahˇ biꞈ-eu lehˇ lehˬ hmˬ taˬ-euˬ jeˬ biˇ kʼawꞈ, Ka li nehˬ-ehˇ tiˬ kawˆ loꞈ-ehˇ aˬ duiˬ za ma. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ Ka li nehˬ-ehˇ tiˬ kawˆ loꞈ-ehˇ aˬ dui daˬ naˇ, aˬ yawꞈ nehˬ-ehˇ tiˬ kawˆ loꞈ-ehˇ yaw shehꞈ kʼahˬ sehˇ za tehꞈ-a.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

Gʼaˬkʼehˇ 3:26

Kʼoeˇ miˇ neh, naw maꞈ yawˬ gʼaˬ na luꞈ maˬ muiˬ maˬ jaˬ-eu jeˬ laꞈ kʼoeˇ maˬ paˇ dehꞈ ni iˬ baˇ bi noeˬ poˆ-awˇ guiˬ lahˬ biꞈ-eu gʼaˇ duˬ, Miˬyehˇ aˬ yawꞈ-euˬ Zaˬ kʼaˆ-ahˇ tseˇ doˆ-awˇ , naw maꞈ jawˇ gaˇ jeˬ huˬ pyehˬ gʼeh leꞈ-euˬ meh.”

Yoˇhaˬ 19:15

Aˬ yawꞈ maꞈ guˇ-eu, “Aˬ yawꞈ-ahˇ sehꞈ-awˬ. Aˬ yawˬ-ahˇ sehˬ-awˬ. Laꞈ yaꞈ kʼoeˇ taˆ taꞈ sehꞈ-awˬ.” Sahˬ paˬ Piˇlaꞈ aˬ yawꞈ maꞈ-ahˇ ehˇ nehˬ-eu, “Naw maꞈ-euˬ sahˬ paˬ-ahˇ laꞈ yaꞈ kʼoeˇ taˆ taꞈ sehꞈ-awˬ loˇ.” Piˇ ma aˬ yuiꞈ deuˬ ehˇ-eu, “Nga maꞈ-euˬ sahˬ paˬ-aˬ sahˬ paˬ Gehˇsaˬ tiˬ gʼaˬ tehꞈ ma.”

Yoˇhaˬ 12:13

Kʼoeˇ miˇ neh, aˬ yawꞈ maꞈ daoˇ uˬ pyaˬ baꞈ-awˇ, aˬ yawꞈ-ahˇ ha laˬ-iˇ-eu lehˇ heu loꞈ-ehˇ guˇ guˇ-ehˇ doˆ-iˇ-euˬ meh. “Miˬyehˇ-ahˇ ja ceuˬ-awˬ. Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ Miˬyehˇ guiˬ lahˬ biꞈ luꞈ-uˇ. Iˇsaˬleˬlaˆ tsawˇ jeuˬ-euˬ sahˬ paˬ-ahˇ Miˬyehˇ guiˬ lahˬ biꞈ luꞈ-uˇ.”

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Maˬkuˆ 10:40

Ehˇ kʼawꞈ, ngaˬ-euˬ aˇ maˇ paw hawˇ-eu aˇ caˇ paw bi nuiˇ-eu tsawˇ haˬ-ahˇ ngaˇ tseˇ geuꞈ-eu a kawˬ-aˬ maˬ jaˆ. Nuiˇ duˬ kʼoeˇ deuˬ-aˬ, Miˬyehˇ neh bi nuiˇ-eu lehˇ lehˬ hmˬ taˬ-euˬ tsawˇ haˬ deuˬ gʼaˇ duˬ meh.”

Maꞈtehˬ 27:37

“Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ pyeuꞈ-eu Yeˬsuˇ meh” lehˇ boꞈ taˬ-euˬ, aˬ yawꞈ-ahˇ yaw lehˬ no-euˬ dawˬ kʼoeˇ dawˬ, aˬ yawꞈ-euˬ uˬ duˬ kʼoeˇ taˆ paw dzeˇ taꞈ myahˬ taˬ-euˬ meh.

Maꞈtehˬ 25:23

Baw leˬ ehˇ-eu, ‘Saˇ jaˇ ziꞈ-eu, muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Maꞈtehˬ 21:5

“Haw yawˬ, nawˬ-euˬ sahˬ paˬ, nawˇ jawˇ gaˇ oe meh lehˇ, Ziˇoˬ-ahˇ ehˇ gaˬ-awˬ. Aˬ yawꞈ nui nahˬ nui yu ahˇ-awˇ, mahˬ tahˬ laˆ-ahˇ dziˬ-awˇ oe meh. Tahˬ laˆ mahˬ ma-euˬ zaˬ pyeuꞈ-eu, tahˬ laˆ zaˬ-ahˇ dziˬ leꞈ-euˬ meh.”

Eˇpeˇsu 5:5

Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, jawꞈ dui dui-eu jeˬ mˇ-eu tsawˇ haˬ hawˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, Ka li-euˬ miˇkʼahˬ hawˇ-eu Miˬyehˇ Miˇkʼahˬ-ahˇ maˬ ya uˇ leˇ-a lehˇ naw maꞈ siˬ duˬ-awˬ. (Aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, pyuˇ shuiˇ myawˬ gahˬ-ahˇ uˬ duˬ tahˬ gaˇ duˇ-eu meh.)

Dawqdaq 11:17

Gʼawˬ shaˬ gaˬ nya-eu tsawˇ haˬ-aˬ, yawˬ ha-ahˇ muiˬ laˇ duˬ jaˆ-awˇ, gʼawˬ shaˬ maˬ gaˬ nya-eu tsawˇ haˬ-aˬ, yawˬ ha-ahˇ coeˬ laˇ duˬ jaˆ-eu meh.

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maˬkuˆ 10:17

Yeˬsuˇ gaˇ ma doˆ-iˇ-eu lehˇ luˆ-iˇ ngeh, tsawˇ haˬ tiˬ gʼaˬ cehˆ gʼeh laꞈ-awˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ ehˇ-eu, “Muiˬ-eu saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, ngaˇ aˬ geu jeˬ ya mˇ ta.”

Luˇkaꞈ 11:50

Kʼoeˇ miˇ neh, mˬ dawˬ pehˬ miˇ duˬ puˇ seu le ngeh neh bi sehꞈ ka leꞈ-euˬ Miˬyehˇ gʼaˇ duˬ ngehˬ dah-eu deuˬ-euˬ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.