Maꞈtehˬ 25:13 - Akha

¹³ “Tsawˇhaˬ-euˬ Zaˬmaˇ zaꞈ ka le-eu aˇ nah aˇ yamˬ naw maꞈ maˬ siˬ duˬ nya-eu miˇ neh, yaw beuˇ beuˇ-ehˇ dehꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ “Nawmaf, Tsawrhaq-euq Zaqyo zafka le-eu arnan aryamq khoer-anr maq siqnya-eu mirnae, yawbeur beur-aer jawr-awq.

Maꞈtehˬ 25:13 Referans Kwoze

1 Teˇsaˬloˇni 5:6

Kʼoeˇ miˇ neh, aˬ cawˬ yuꞈ kʼaˆ-eu loꞈ-ehˇ maˬ yuꞈ kʼaˆ ni jawˇ kaˇ-euˇ.

Panmaeq 16:15

“Naˇ haˬ-awˬ. smˇ kʼoeˬ tahˇ joe oe-eu loꞈ-ehˇ ngaˇ oe luꞈ-eu ma. Neˇ myawˆ ni maˬ ya cah-ehˇ aˬ cawˬ mehˬ shi maˬ ya shaꞈ dawˇ ni, yaw beuˇ beuˇ-ehˇ dehꞈ-awˇ mehˬ tsoeˬ yaw muiˬ-ehˇ dm gʼoeˬ-eu tsawˇ haˬ guiˬ lahˬ huiˬ-eu meh.”

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

1 Gawˇliˬtu 16:13

Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

Maꞈtehˬ 24:50

tiˬ nah keuˆ laˇ ngeh, zaˬ kʼaˆ kʼoeˇ gʼaˬ maˬ noeˬ maˬ duˇ-ehˇ jawˇ gaˇ, baw leˬ gʼaˬ gʼoꞈ keuˆ le tehꞈ-a.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

2 Tiˆmoˇseˬ 4:5

Ehˇ kʼawꞈ nawˇ-aˬ, aˬ jeˬ pyeuꞈ kʼawꞈ yawˬ ha-euˬ nui ma-ahˇ gʼaˬ leˇ-awˇ, shaˬ-eu zahˬ-eu jeˬ-ahˇ daˬ-eu laꞈ koeˇ Laˬ kʼaˬcehˇ-eu Guiˬ lahˬ dawˬ mehˬ mehˬ-ehˇ, Miˬyehˇ-euˬ zaˬ kʼaˆ tiˬ gʼaˬ loꞈ-ehˇ nawˬ-euˬ gaˇ-ahˇ yaw muiˬ paˬ-ehˇ mˇ-awˬ.

Gʼaˬkʼehˇ 20:31

Kʼoeˇ miˇ neh, smˇ kʼoꞈ byah ni naw maꞈ yawˬ gʼaˬ na luꞈ-ahˇ ngaˇ myaˆ biˇ doˆ-eu laꞈ kʼoeˇ mehˬ nehˬ-euˬ gaˇ maˬ ngehˇ ni, yahˇ yahˇ-ehˇ dehꞈ-awˬ.

Maꞈtehˬ 25:12

Oeˇ mˇ baˇ le-euˬ gʼaˬ ehˇ kʼoꞈ nehˬ-eu, ‘Ngaˇ maˇ jawˆ ni ehˇ-eu ma. Naw maꞈ-ahˇ ngaˇ maˬ siˬ’