Maꞈtehˬ 24:17 - Akha

¹⁷ Nymˇ mˬ kʼoeˇ taˆ jawˇ luꞈ-eu tsawˇ haˬ, nymˇ laꞈ kʼoeˇ zaꞈ uˇ-iˇ-awˇ myawˬ laˬ doˆ laˬ-iˇ-eu maˬ dah-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nymrmq-anr dav-eu tsawrhaq zafkale ngae, irkanr-euq lafkhoer myawq taq yurlaqler.

Maꞈtehˬ 24:17 Referans Kwoze

Maꞈtehˬ 10:27

Ngaˬ neh naw maꞈ-ahˇ zahˇ tsui ni gʼeh gaˇ ehˇ nehˬ-euˬ dawˬ heu deuˬ, nah gʼahˇ paw bya cehˆ ni gʼeh gaˇ naw maꞈ paˇ ya ehˇ poˆ-awˇ, ngaˬ neh naw maꞈ-ahˇ kʼoeˬ saˆ nehˬ-euˬ dawˬ heu deuˬ, naw maꞈ nymˇ mˬ kʼoeˇ taˆ daˆ leˇ-awˇ ya guˇ gaˬ tehꞈ-a.

Gʼaˬkʼehˇ 10:9

Yawˬ nah yawˬ aˬ ha smˇ gʼaˬ Yuˇbeˬ meuˬ dawˬ peh iˇ keuˆ ngeh, Beˬtuˆluˆ-aˬ, nah loˆ ceh laˇ-euˬ miˇ neh guiˬ lahˬ shaˇ leˇ-eu lehˇ, nymˇ mˬ -ahˇ daˆ leˇ-euˬ meh.

Luˇkaꞈ 12:3

Naw maꞈ neh yaw zahˇ laꞈ kʼoeˇ kʼaˇ ehˇ-euˬ yawˬ jeˬ na luꞈ, nah gʼahˇ paw bya cehˆ ni gʼeh ngeh aˬ cawˬ-ahˇ gaˬ leˇ-awˇ, naw maꞈ neh kuˆ lawˆ laꞈ kʼoeˇ kʼaˇ kʼoeˬ saˆ-euˬ yawˬ jeˬ na luꞈ, nymˇ mˬ-ahˇ daˆ leˇ-awˇ guˇ gaˬ tehꞈ-a.

Luˇkaꞈ 5:19

Ehˇ kʼawꞈ, tsawˇ haˬ tiˬ teuˇ jawˇ luꞈ-eu miˇ neh, nymˇ laꞈ kʼoeˇ maˬ baꞈ ahˇ gʼeh nya-ehˇ, nymˇ mˬ kʼoeˇ taˆ baꞈ daˆ gʼeh-awˇ, nymˇ mˬ laˆ pehꞈ-awˇ, tsawˇ haˬ kʼoeˇ gʼaˬ-ahˇ yuꞈ zaˇ kʼoeˇ taˆ bi yuꞈ-awˇ, tsawˇ haˬ aˇ maꞈ-euˬ gʼahˇ ceh Yeˬsuˇ-euˬ mehˬ shi aˬ za za-ehˇ pyehˬ ka nehˬ-euˬ meh.

Maꞈtehˬ 6:25

“Kʼoeˇ miˇ neh, naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni, aˬ joˆ-ehˇ ya dzaˬ ya dawˇ-eu gaˇ kawˆ hawˇ-eu, naw maꞈ-euˬ gʼawˇ mawˇ gʼaˇ duˬ aˬ joˆ-ehˇ ya dm ya gʼaˬ-eu gaˇ kawˆ kʼahˬ taˬ lahˇ. Yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu maˬ ngeuˇ-a loˇ.

1 Saˬmeuˬlaˆ 9:25

Uˬ duˬ tahˬ-eu jawˇ duˬ-ahˇ neh meuˬ-ahˇ aˬ yawꞈ maꞈ gʼoꞈ ka-iˇ ngeh, Sawˇluˆ gʼaˇ duˬ nymˇ mˬ kʼoeˇ taˆ aˬ yawꞈ maꞈ yuꞈ duˬ laˆ saˆ nehˬ-euˬ meh.

Dawˬmehˬ 22:8

“Nawˇ nymˇ yaw shuiꞈ tsoˆ ngeh, nymˇ mˬ jawˬ jawˬ-ehˇ ya taw lahˇ meh. Tsawˇ haˬ tiˬ gʼaˬ na ga sehꞈ naˇ, nawˬ-euˬ kʼoeˇ taˆ iˬ baˇ maˬ ya bi keuˆ le-eu gʼaˇ duˬ, kʼoeˇ loꞈ-ehˇ ya jahˇ meh.

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

2 Saˬmeuˬlaˆ 11:2

Tiˬ nah-aˬ, uˬ ciꞈ uˬ taw taw le ngeh Daˬbiˇ yuꞈ cawˬ-awˇ gʼaˬ naˬ naˬ luꞈ-eu tuˇ laˇ-awˇ, aˬ yawꞈ jawˇ-eu sahˬ paˬ hawˇ nymˇ-euˬ nymˇ mˬ-ahˇ le daˆ-euˬ meh. Aˬ yawꞈ kʼoeˇ gaˇ cah niˇ gʼa luꞈ ngeh, zaˬ miˬ zaˬ tiˬ gʼaˬ iˇ cuꞈ dzuiꞈ shawˇ luꞈ gaˇ ya mawˇ-euˬ meh. Zaˬ miˬ zaˬ kʼoeˇ gʼaˬ aˇ gʼehˇ muiˬ dui dui-eu meh.

Maꞈtehˬ 24:16

“Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ meh.

Maꞈtehˬ 24:18

Yaˇ ngeh jawˇ-eu tsawˇ haˬ iˇ kahˇ-ahˇ mehˬ tsoeˬ cehˆ laˬ-iˇ-eu maˬ dah-aˇ.