Maꞈtehˬ 23:38 - Akha

³⁸ Haw taˬ-awˬ. Nawˬ-euˬ Uˬ duˬ tahˬ nymˇ nymˇ ma-ahˇ Miˬyehˇ byehˇ dzeh nehˬ laꞈ-awˇ, yawꞈ ngehꞈ yawꞈ kuˬ-ehˇ bi jaˆ tehꞈ -a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Hawtaq de-eq, nawmaf-euq nymr-aq, yabi byaerdzae-awr, nymrtsoeq tsoeq-ir taef-a.

Maꞈtehˬ 23:38 Referans Kwoze

Yeˬlaˬmiˇ 22:5

Ehˇ kʼawꞈ, ngaˬ neh dawˬ biꞈ-euˬ gaˇ naw maꞈ maˬ naˇ haˬ ni dehꞈ naˇ, sahˬ paˬ-euˬ hawˇ nymˇ heu ya cawˆ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ kamˬ-eu ma.

Luˇkaꞈ 13:35

Haw taˬ-awˬ. Nawˬ-euˬ Uˬ duˬ tahˬ nymˇ nymˇ ma-ahˇ Miˬyehˇ byehˇ dzeh nehˬ laꞈ tehꞈ-a. ‘Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ gʼaˬ guiˬ lahˬ huiˬ luꞈ-uˇ’ lehˇ naw maꞈ ya ehˇ-eu aˇ yamˬ maˬ keuˆ laˇ kʼoeˇ keuˆ ni, naw maꞈ ngaˬ-ahˇ maˬ paˇ ya mawˇ meh.”

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Luˇkaꞈ 21:20

“Yeˬluˇsaˬlehˬ meuˬ-ahˇ guiˇ maꞈ deuˬ jawˬ lahˇ le-euˬ gaˇ ya mawˇ ngeh, meuˬ kʼoeˇ meuˬ ya cawˆ-iˇ-eu aˇ yamˬ keuˆ le-euˬ gaˇ siˬ nya-awˬ.

Luˇkaꞈ 21:6

“Nymˬ-mˇ naw maꞈ heu deuˬ dawˬ tawˆ luꞈ ya mawˇ luꞈ meh. Heu gaˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ-eu aˇ nah keuˆ le tehꞈ-a.”

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

Maˬkuˆ 13:14

“‘Guˆ dui dui laˇ paˬ-ehˇ gʼeh-eu yaw jawꞈ jeˬ’ kʼoeˇ, maˬ bi jaˆ kʼmˬ-eu jawˇ duˬ-ahˇ jaˆ laˇ taˬ-euˬ gaˇ naw maꞈ ya mawˇ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw-awˬ.) “Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ meh.

Maꞈtehˬ 24:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Nymˇ heu deuˬ-ahˇ naw maꞈ mawˇ luꞈ meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Nymˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ gaˇ keuˆ tehꞈ-a.”

Zaˬkaˬliˇ 11:6

Miˇ tsaˬ zaˬ tiˬ gʼaˬ-ahˇ-iˬ ngaˇ gʼawˬ shaˬ maˬ paˇ gaˬ ma. Tsawˇ haˬ dawˬ tawˆ luꞈ, uˆ lahˇ-eu sahˬ paˬ sahˬ ma deuˬ-euˬ laꞈ-ahˇ ngaˇ a nehˬ ma. Sahˬpaˬ sahˬ ma kʼoeˇ deuˬ miˇ tsaˬ tahˬ kʼawˇ heu-ahˇ kʼaˇ kʼehˬ mawꞈ-eu kʼehˬ ngeh, tiˬ gʼaˬ-ahˇ-iˬ ngaˇ maˬ ka kʼoꞈ nehˬ.”

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Jaceuq 69:24

Aˬ yawꞈ maꞈ kʼoeˇ taˆ nawˬ-euˬ nui pehˇ tahˬ daˆ nehˬ-awˇ, guˆ laˇ paˬ-ehˇ gʼeh-eu nawˬ-euˬ nui ma bi mawˇ-awˬ.

Jaceuq 69:25

Aˬ yawꞈ maꞈ-euˬ sehˬ gʼawˆ deuˬ laꞈ kʼoeˇ tiˬ gʼaˬ-iˬ maˬ paˇ bi dehꞈ ni, ciˬ cuˇ ni bi pyeuꞈ-iˇ-awˬ.

Iˇsaˬyaˇ 5:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu ngaˇ gaˬ-euˬ ma. “Aˬ diˇ aˬ maˇ nymˇ gʼawˬ mya ni nymˇ tsoeˬ tsoeˬ-iˇ tehꞈ-a. Huiˬ dui muiˬ dui dui-eu nymˇ deuˬ, tsawˇ haˬ maˬ jawˇ ni jaˆ yaꞈ tehꞈ-a.

Zeˬpaˬniˇ 3:6

Sahˬpaˬ Miˬyehˇ ehˇ-eu, “Miˇ tsaˬ tsawˇ jeuˬ dawˬ tawˆ luꞈ-ahˇ, ngaˇ laˆ cawˆ byoˆ nehˬ jiˇ-euˬ ma. Meuˬ-euˬ gaˇ ma ciˬ cuˇ jaˆ-awˇ, iˇ tsehˆ laˇ tsehˆ-eu maˬ jawˇ-a. Meuˬ dawˬ tawˆ luꞈ ciˬ cuˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.