Maꞈtehˬ 22:9 - Akha

⁹ Kʼoeˇ miˇ neh, gaˇ jawˬ doe ni iˇ-awˇ, kʼaˇ mawˇ le-eu tsawˇ haˬ deuˬ-ahˇ, oeˇ mˇ baˇ-eu bawˬ-iˬ gʼeh gaˇ laˇ-awˬ lehˇ kuˇ laˬ-iˇ-awˬ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoermirnae, nawmaf dov-ir-awr, garjawq-anr kharpuq khar mawrle-euq tsawrhaq-anr, oermr bar-eu gar lar-awq laer kurlaq-ir-awq.’

Maꞈtehˬ 22:9 Referans Kwoze

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Gʼaˬkʼehˇ 13:47

Aˬ jeˬ miˇ neh ehˇ naˇ, SahˬpaˬMiˬyehˇ neh nga maꞈ-ahˇ biꞈ taˬ-euˬ dawˬ-aˬ, heu loꞈ-ehˇ meh. ‘Mˬ dzeˇ miˇ dzeˇ tuˆ gaˇ keuˆ ni, ka kʼoꞈ-eu jeˬ za-eu gʼaˇ duˬ, aˬ cawˬ tsawˇ jeuˬ-ahˇ bya nehˬ ni, nawˬ-ahˇ yaw shehꞈ bi pyeuꞈ-eu ma”’

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Yeˬsaˬgeˬlaˇ 21:21

Baˬbuˇloˬ sahˬ paˬ-aˬ, gaˇ ma gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-euˬ mehˬ shi yawꞈ-awˇ, gaˇ ma aˬ geu kahˇ iˇ paˬ nga lehˇ, kaˆ myaˬ joˆ poˆ haw, aˬ yawꞈ-euˬ tahˬ pahˬ aˬ ma mawˇ kawˇ deuˬ-ahˇ naˇ haˬ haw, lawˇ-eu gʼaˇ duˬ sehꞈ-euˬ jeˬ zaˬ-euˬ shaˬ tsahˬ-ahˇ haw, lehˇ jahˇ luꞈ meh.

Aaˇbaˬdiˇ 1:14

Cehˆ dzeuˇ-eu lehˇ leh jeh luꞈ-eu, aˬ yawꞈ maꞈ-ahˇ nyehꞈ-eu gʼaˇ duˬ, gaˇ tsmˇ doe ni naw maꞈ taˬ yawꞈ. Aˬ yawꞈ maꞈ noeˬ dui noeˬ duiˇ ngeh, 2 aˬ yawꞈ maꞈ-ahˇ naw maꞈ nyehꞈ-awˇ muiˇ-eu deuˬ-euˬ aˬ laꞈ laꞈ kʼoeˇ, a nehˬ-eu jeˬ naw maꞈ taˬ mˇ.

Maꞈtehˬ 22:8

Kʼoeˇ naˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ ehˇ nehˬ-eu, ‘Oeˇ mˇ baˇ-eu dah laˇ-euˬ meh. Ehˇ kʼawꞈ, kuˇ taˬ-euˬ tsawˇ haˬ deuˬ oeˇ mˇ baˇ-eu bawˬ-iˬ heu-ahˇ laˇ-eu maˬ geuˇ nga.

Maꞈtehˬ 22:10

Kʼoeˇ ngeh, zaˬ kʼaˆ deuˬ gaˇ jawˬ doe ni iˇ-awˇ, kʼaˇ tahˬ puˬ le-eu tsawˇ haˬ deuˬ-ahˇ, tsawˇ muiˬ tsawˇ doeˇ maˬ tseˇ ni, oeˇ mˇ baˇ-eu sehˬ gʼawˆ tiˬ byah ni kuˇ uiˬ laꞈ-euˬ meh.

Maꞈtehˬ 20:7

‘Tsawˇ haˬ tiˬ gʼaˬ-iˬ nga maꞈ-ahˇ gaˇ bi mˇ-eu lehˇ maˬ poˆ le-euˬ miˇ neh, heu loꞈ-ehˇ jawˇ luꞈ-eu ma’ lehˇ aˬ yawꞈ maꞈ ehˇ-eu meh. ‘Toˆ-ehˇ ngeuˇ naˇ, naw maꞈ jiˇ ngaˬ-euˬ aˬ gaꞈ yaˇ kmˇ-ahˇ iˇ-awˇ gaˇ mˇ-iˇ-awˬ’ lehˇ, tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-euˬ meh.