Maꞈtehˬ 21:38 - Akha

³⁸ Ehˇ kʼawꞈ, aˬ gaꞈ yaˇ kmˇ mˇ paˇ paˆ-eu deuˬ aˬ li kʼoeˇ gʼaˬ-ahˇ ya mawˇ ngeh, heu loꞈ-ehˇ ehˇ-eu meh. ‘Heu gʼaˬ-aˬ, aˬ gaꞈ yaˇ kmˇ yaw sahˇ-euˬ aˬ li ngaˇ. Oe-awˬ, aˬ yawꞈ-ahˇ sehꞈ kaˇ-euˇ. Aˬ yawꞈ-ahˇ oꞈ-eu jeˬ biˇ deuˬ aˬ dui maꞈ za tehꞈ-a.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Aqgaf yarkmr-anr mr-eu deuq, zaqyo khoerghaq-anr ya’mawr ngae, aqyawf maf-euq yawkaq aer-eu, ‘Heughaq-aq, jeqbir of-eu ghaq ngar-a. Dzawq, aqduimaf, aqyawf-anr saef-awr, aqyawf-euq jeqbir yurgeuf kar-eur.’

Maꞈtehˬ 21:38 Referans Kwoze

Luˇkaꞈ 20:14

Ehˇ kʼawꞈ, yaˇ kmˇ mˇ paˆ paˆ-eu tsawˇ haˬ kʼoeˇ deuˬ aˬ yawꞈ-ahˇ mawˇ ngeh heu loꞈ-ehˇ ehˇ-eu meh. ‘Heu gʼaˬ-aˬ, aˬ gaꞈ yaˇ kmˇ yaw sahˇ-euˬ aˬ li ngaˇ. Aˬ dui maꞈ aˬ yawꞈ-ahˇ sehꞈ kaˇ-euˇ. Aˬ yawꞈ-ahˇ oꞈ-eu jeˬ biˇ a dui za tehꞈ-a’ lehˇ ehˇ-eu meh.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

2 Saˬmeuˬlaˆ 14:7

Ngaˬ-euˬ aˬ yuiꞈ aˬ nyiˇ deuˬ ngaˇ jawˇ gaˇ oe-awˇ, aˬ yawꞈ-eu mehˇ nmˇ-ahˇ sehꞈ-euˬ ngaˬ li-ahˇ aˬ yawꞈ maꞈ paˇ sehꞈ poˆ nehˬ-eu gʼaˇ duˬ, aˬ yawꞈ maꞈ-ahˇ a nehˬ laꞈ-awˬ lehˇ ehˇ-eu meh. Aˬ yawꞈ maꞈ kʼoeˇ loꞈ-ehˇ maˇ diˇ jahˇ nehˬ laꞈ te lehˇ ngeuˇ naˇ, ngaˇ-aˬ, aˬ li tiˬ li-iˬ maˬ paˇ jawˇ ni ya dehꞈ meh. Ngaˬ-euˬ noeˬ tmˬ duˬ-ahˇ aˬ yawꞈ maꞈ laˆ cawˆ-euˬ uˬ taꞈ ngaˬ-euˬ kʼaˬ dzeˇ zaˬ-euˬ tsawˇ myahˇ pi-eu aˬ li aˇ yoeˬ maˬ ceuˬ-ehˇ bi pyeuꞈ-iˇ ni aˬ yawꞈ maꞈ jahˇ-eu lehˇ gʼeh-eu meh.”

Maꞈtehˬ 21:34

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ deuˬ-ahˇ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh.

Maꞈtehˬ 21:37

Aˇ saˬ saˬ ngeh poˆ jawˇ, ‘Ngaˬ li-ahˇ maˇ diˇ-aˬ, aˬ yawꞈ maꞈ yaw zeu baw-eu yaw duˬ baw tehꞈ-a’ lehˇ ehˇ-awˇ, aˬ yawꞈ-euˬ aˬ li-ahˇ kʼehˇ gʼeh-euˬ meh.

Maꞈtehˬ 21:39

Kʼoeˇ naˇ, aˬ yawꞈ maꞈ aˬ yawꞈ-ahˇ nyehꞈ-awˇ, aˬ gaꞈ yaˇ kmˇ laꞈ nyiˇ biˬ doˆ-awˇ sehꞈ-euˬ meh.

1 Sahˬpaˬ 1:12

Ngaˇ nawˬ-ahˇ heu loꞈ-ehˇ ja noeˬ ja duˇ nehˬ nyaˇ. Nawˇ hawˇ-eu nawˬ li Sawˇlaˬmoˬ maˬ ya shiˇ ni dehꞈ mawꞈ te lehˇ ngeuˇ naˇ, heu loꞈ-ehˇ jahˇ-awˬ.