Maꞈtehˬ 20:7 - Akha

⁷ ‘Tsawˇ haˬ tiˬ gʼaˬ-iˬ nga maꞈ-ahˇ gaˇ bi mˇ-eu lehˇ maˬ poˆ le-euˬ miˇ neh, heu loꞈ-ehˇ jawˇ luꞈ-eu ma’ lehˇ aˬ yawꞈ maꞈ ehˇ-eu meh. ‘Toˆ-ehˇ ngeuˇ naˇ, naw maꞈ jiˇ ngaˬ-euˬ aˬ gaꞈ yaˇ kmˇ-ahˇ iˇ-awˇ gaˇ mˇ-iˇ-awˬ’ lehˇ, tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoerngae, aqyawfmaf aer-eu, ‘Tsawrhaq tiqghaq-iq, nga’maf-anr gar bimr-eu laer maq povle-eu beu.’ Aqyawf, aqyawf maf-anr aernaeq-eu, ‘Tox-aer mar-iq, nawmaf khawf, aqgaf yarkmr-euq lafkhoer gar mrlar-awq, mrpoeq tsaqtsaqni za taef-a.’

Maꞈtehˬ 20:7 Referans Kwoze

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

Gawˇlawˇsehˇ 1:26

Aˬ yawꞈ-euˬ dawˬ kʼoeˇ-aˬ, aˇ hu ba neh miˇ tsaˬ zaˬ dawˬ tawˆ luꞈ gʼaˇ duˬ zaꞈ taˬ-euˬ jeˬ pyeuꞈ-eu kʼawꞈ, nym-mˇ aˬ yawꞈ-euˬ tsawˇ haˬ deuˬ-ahˇ pah mehˬ nehˬ-euˬ meh.

Eˇpeˇsu 6:8

Zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, yawˬ ha neh kʼaˇ mˇ-euˬ muiˬ-eu gaˇ gʼaˇ duˬ Sahˬpaˬ Yeˬsuˇ laꞈ sawˬ biꞈ nehˬ laꞈ tehꞈ-a lehˇ siˬ duˬ-awˬ.

Lormav 16:25

Miˬyehˇ-euˬ yaw shehꞈ kʼahˬ sehˇ huiˬ dui dui gaˇ ja ceuˬ kaˇ-euˇ. Aˬ jeˬ miˇ neh ehˇ naˇ, ngaˬ neh Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-euˬ loꞈ-ehˇ maˬ ehˇ, aˇ hu-euˬ ziˇ-ahˇ neh zaꞈ taˬ-euˬ yaw tsaˬ yaw dawˇ jeˬ pah mehˬ nehˬ laꞈ-euˬ loꞈ-ehˇ maˬ ehˇ, jah-eu laꞈ kʼoeˇ naw maꞈ ziꞈ dah ni yawꞈ nya ni aˬ yawꞈ jahˇ-euˬ meh.

Gʼaˬkʼehˇ 4:16

Aˬ yawꞈ maꞈ ehˇ-eu, “Tsawˇ haˬ heu nyiˬ gʼaˬ-ahˇ aˬ joˆ-ehˇ jahˇ nehˬ paˬ nga. Tsawˇ haˬ zaˬ maˬ mˇ nya-eu zahˬ leˇ paˬ-ehˇ gʼeh-eu gaˇ heu hmˬ aˬ yawꞈ nyaꞈ neh mˇ-euˬ meh lehˇ Yeˬluˇsaˬlehˬ meuˬ meuˬ lah ni siˬ nya-euˬ miˇ neh, aˬ dui tsawˇ pyehˇ maˬ paˇ pyehˇ nya ngaˇ.

Yoˇhaˬ 9:4

Uˬ ciꞈ maˬ ciꞈ le kʼoeˇ keuˆ ni, ngaˬ-ahˇ kʼehˇ gʼeh leꞈ-euˬ gʼaˬ-euˬ gaˇ-ahˇ aˬ dui ya mˇ meh. Tsawˇ haˬ tiˬ gʼaˬ-iˬ gaˇ maˬ mˇ nya-eu uˬ ciꞈ aˇ yamˬ keuˆ le luꞈ meh.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Maꞈtehˬ 20:1

“Mˬtaˆ Miˇkʼahˬ-aˬ, heu gaˇ duˇ leˇ-eu meh. Tsawˇ haˬ tiˬ gʼaˬ uˬ shawˬ yaw naꞈ-ehˇ doˆ-iˇ-awˇ, aˬ yawꞈ-euˬ aˬ gaꞈ yaˇ kmˇ laꞈ kʼoeˇ gaˇ bi mˇ-eu tsawˇ haˬ poˆ-iˇ-euˬ meh.

Maꞈtehˬ 20:6

Uˬ ciꞈ paw kuiˬ dzaˇ zaꞈ dzaˇ biꞈ yamˬ keuˆ laˇ ngeh, lehˆ lehˆ kawˆ-ahˇ aˬ yawꞈ tiˬ poˆ paˇ iˇ-awˇ, tsawˇ haˬ tiˬ deuˬ gaˇ mˇ-eu maˬ jaˆ-ehˇ yawꞈ luꞈ gaˇ paˇ ya mawˇ-euˬ meh. ‘Aˬ jeˬ miˇ neh naw maꞈ nah ga-ehˇ tiˬ jeˬ-iˬ maˬ mˇ ni jawˇ te’ lehˇ aˬ yawꞈ naˇ haˬ-euˬ meh.

Maꞈtehˬ 20:8

“Uˬ ciꞈ ciꞈ le ngeh, aˬ gaꞈ yaˇ kmˇ-euˬ yaw sahˇ gʼaˬ, aˬ gaꞈ yaˇ kmˇ laꞈ kʼoeˇ gaˇ mˇ gaˇ aˬ yuiꞈ geuꞈ-awˇ bi haw bi pyaˆ-euˬ gʼaˬ-ahˇ kuˇ-awˇ ehˇ nehˬ-eu, ‘Gaˇ mˇ le-euˬ tsawˇ haˬ deuˬ-ahˇ kuˇ-awˇ gʼaˬ gaˇ poeˬ biꞈ nehˬ-awˬ. Jeˬ nah nah saˬ mˇ le-euˬ deuˬ-ahˇ jeˬ huˬ biꞈ-awˇ, jeˬ hu hu saˬ mˇ le-euˬ deuˬ-ahˇ biꞈ saˬ saˬ-awˬ.’