Maꞈtehˬ 20:17 - Akha

¹⁷ Yeˬsuˇ Yeˬluˇsaˬlehˬ meuˬ-ahˇ le luꞈ ngeh, aˬ yawꞈ-euˬ zaˬ lahˇ deuˬ-ahˇ sheuˬ ceuˆ-awˇ cah-eu laꞈ kʼoeˇ, aˬ cawˬ maˬ bi gaˬ ni heu loꞈ-ehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Yeqsur, Yeqlursaqlaeq-anr leluf ngae, aqyawf-euq zaqlanr 12 ghaq-anr sheuqceuv dov-awr can ngae, aqyawf maf-anr heulof-aer aernaeq-euq mae:

Maꞈtehˬ 20:17 Referans Kwoze

Gʼaˬkʼehˇ 10:41

Ehˇ kʼawꞈ, tsawˇ haˬ dawˬ tawˆ luꞈ-ahˇ bi mawˇ le-euˬ maˬ ngeuˇ-a. Gaˇ kawˆ heu saˇ kiˇ bi kamˬ-eu gʼaˇ duˬ yaw duˬ duˬ-ehˇ bi mawˇ duˬ-eu lehˇ, yaw beh neh Miˬyehˇ neh tseˇ doˆ taˬ-euˬ tsawˇ haˬ deuˬ pyeuꞈ-eu nga maꞈ heu myaˆ gʼaˬ-ahˇ bi mawˇ laꞈ-euˬ tehꞈ meh. Aˬ yawꞈ gʼoꞈ dehꞈ laˇ gʼaˬ miˇ tsa, nga maꞈ aˬ yawꞈ nehˬ-ehˇ dzaˬ taꞈ dawˇ taꞈ-euˬ ma.

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yoˇhaˬ 12:12

Yawˬ nah yawˬ, Baˬsaˬkaˬ Bawˬ-iˬ gʼeh laˇ-euˬ tsawˇ haˬ aˇ maꞈ maꞈ ma kʼoeˇ deuˬ, Yeˬluˇsaˬlehˬ meuˬ-ahˇ Yeˬsuˇ laˇ luꞈ-eu gaˇ kawˆ ya gaˬ-euˬ meh.

Maꞈtehˬ 16:13

Gehˇsaˬliˇ Piˇliˇpuˆ meuˬ dawˬ peh Yeˬsuˇ iˇ keuˆ ngeh, zaˬ lahˇ deuˬ-ahˇ aˬ yawꞈ naˇ haˬ-eu, “Tsawˇhaˬ-euˬ Zaˬmaˇ-ahˇ aˬ suˇ gʼaˬ nga lehˇ aˬ cawˬ ehˇ luꞈ ta.”

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Aˇ dahˬ 18:17

Kʼoeˇ ngeh, Sahˬpaˬ Miˬyehˇ-euˬ nui ma laꞈ kʼoeˇ, yawˬ haˇ yawˬ ha heu loꞈ-ehˇ ehˇ luꞈ-eu meh. “Ngaˇ mˇ-eu lehˇ gʼeh-eu gaˇ heu hmˬ Aˬbyaˬhaˬ-ahˇ maˬ bi siˬ ni maˬ paˇ zaꞈ taˬ ma.