Maꞈtehˬ 18:31 - Akha

³¹ Kʼoeˇ loꞈ-ehˇ jahˇ-euˬ gaˇ zaˬ kʼaˆ nui deuˬ ya mawˇ ngeh, nui ma tiˬ pawꞈ-iˬ maˬ saˇ-ehˇ, sahˬ paˬ jawˇ gaˇ le-awˇ, gaˇ kawˆ dawˬ tawˆ luꞈ dzawˇ nehˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aqyawf khoerlof-aer janrnaeq-eu gar, gar mrcawq nuideuq ya’mawr-awr noeqshaq duidui-eu mae. Khoernar-aq, garkawv khoer dawqtawvluf yawsanr ghaq-anr tsafnaeq ler-euq mae.

Maꞈtehˬ 18:31 Referans Kwoze

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

HeˬByehˇ 13:3

Tawˬ-ahˇ uˇ luꞈ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ tawˬ-ahˇ caw uˇ luꞈ-eu loꞈ-ehˇ noeˬ keuˆ-awˬ. Kehˬ-eu kʼaˆ-eu jehˬ-ahˇ ya daˬ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ caw daˬ luꞈ-eu loꞈ-ehˇ noeˬ keuˆ-awˬ.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Luˇkaꞈ 19:41

Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ,

Luˇkaꞈ 14:21

“Zaˬ kʼaˆ kʼoeˇ gʼaˬ gʼoꞈ laˇ-awˇ, nymˇ sahˇ gʼaˬ-ahˇ gaˇ kawˆ kʼoeˇ deuˬ dzawˇ nehˬ laˇ-euˬ meh. Kʼoeˇ ngeh, nymˇ sahˇ gʼaˬ nui ma pehˇ laˇ-awˇ, aˬ yawꞈ-euˬ zaˬ kʼaˆ-ahˇ ehˇ nehˬ-eu, ‘Meuˬ laꞈ kʼoeˇ kʼaˇ jaˆ-eu gaˇ ma huiˬ huiˬ nyiˇ nyiˇ doe ni yaw kawˇ-ehˇ iˇ-awˇ, shaˬ zaˬ zahˬ zaˬ deuˬ, kuiˇ kuˆ laꞈ kuˆ deuˬ, kuiˇ shiˇ laꞈ shiˇ deuˬ hawˇ-eu, myaˆ behꞈ deuˬ kuˇ uiˬ laˬ-iˇ-awˬ.’

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Aˇ dahˬ 37:2

Yaˬkoˆ-euˬ nymˇ jiˇ gaˇ kawˆ heu loꞈ-ehˇ jaˆ-eu meh. Yoˇsehˆ tseˇ shiꞈ kʼoꞈ kʼawˆ laˇ-awˇ zaˬ guˬ pyeuꞈ laˇ ngeh, aˬ yawꞈ aˬ da-euˬ ma nyiˇ Ziˇlaˬpaˬ hawˇ-eu Biˇlaˬhaˇ-euˬ aˬ li deuˬ nehˬ-ehˇ, ciꞈ myehꞈ hawˇ-eu yawˇ bo bo-ehˇ jawˇ-euˬ meh. Aˬ yawꞈ-euˬ aˇ doˆ deuˬ kʼaˇ mˇ-eu maˬ muiˬ-eu jeˬ dawˬ tawˆ luꞈ, aˬ yawꞈ-euˬ aˬ da-ahˇ aˬ yawꞈ tsaꞈ gaˬ-euˬ meh.

HeˬByehˇ 13:17

Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

Jaceuq 119:158

Saˇ jaˇ puiˬ-eu tsawˇ haˬ kʼoeˇ deuˬ nawˬ-euˬ dawˬ-ahˇ maˬ naˇ haˬ-eu miˇ neh, aˬ yawꞈ maꞈ-ahˇ haw-awˇ nui ma daˆ dui dui nya.

2 Gawˇliˬtu 11:21

Nga maꞈ-aˬ, aˬ cawˬ-ahˇ kʼoeˇ naˆ naˆ-ehˇ daˬ coeˇ oˇ coeˇ gaˇ keuˆ ni maˬ gʼahˇ keuˆ nya lehˇ shaꞈ dawˬ zahˇ dawˬ ngehˬ-eu ma. Aˬ dzawˬ aˇ gah-euˬ dawˬ ngehˬ-awˇ ya ehˇ naˇ, aˬ cawˬ kʼahˬ sehˇ kʼaˇ jehˆ-eu jeˬ ngaˇ kʼawꞈ jehˆ peuˬ ma.

Maꞈtehˬ 14:9

Sahˬ paˬ Heˬloˆ noeˬ shaˬ dui dui-eu meh. Ehˇ kʼawꞈ, daˬ yah kʼoeˇ myaˆ ni gʼeh-eu mehˬ shi aˬ yawꞈ saˇ jaˇ dzaˬ dzeuˇ-euˬ miˇ neh, aˬ buˇ kʼoeˇ buˇ kʼaˇ ehˇ-eu loꞈ-ehˇ jahˇ nehˬ-eu gʼaˇ duˬ, aˬ yawꞈ dawˬ biꞈ-euˬ meh.

Maꞈtehˬ 18:28

“Kʼoeˇ naˇ, zaˬ kʼaˆ kʼoeˇ gʼaˬ gʼoꞈ-iˇ-awˇ, aˬ yawꞈ-ahˇ pyuˇ tiˬ yaˇ byaˆ tehꞈ-ehˇ daˆ-eu aˬ yawꞈ-euˬ cawˬ zaˬ kʼaˆ tiˬ gʼaˬ-ahˇ tahˬ puˬ-euˬ meh. Aˬ yawꞈ-euˬ cawˬ kʼoeˇ gʼaˬ-euˬ kuˬ byahˬ-ahˇ aˬ yawꞈ tsuˆ-awˇ, ‘Ngaˬ-euˬ dziˇ dzoˆ tsoeˬ nehˬ laꞈ’ lehˇ kʼaˬ nehˬ-euˬ meh.

Maꞈtehˬ 18:30

Ehˇ kʼawꞈ, kʼoeˇ loꞈ-ehˇ shaˇ gaˇ maˬ naˇ haˬ nehˬ-ehˇ, dziˇ dzoˆ maˬ tsoeˬ tsehˆ kʼoeˇ keuˆ ni, tawˬ-ahˇ nyehꞈ uˇ-awˇ bi jawˇ-euˬ meh.

Maꞈtehˬ 18:32

Kʼoeˇ ngeh jawˇ, zaˬ kʼaˆ kʼoeˇ gʼaˬ-ahˇ sahˬ paˬ kuˇ-awˇ, heu loꞈ-ehˇ ehˇ nehˬ-euˬ meh. ‘Doeˇ dui dui-eu zaˬ kʼaˆ-oˇ, gʼawˬ shaˬ gaˬ nehˬ laꞈ lehˇ nawˇ shaˇ-eu miˇ neh, nawˇ ngaˬ-ahˇ kʼoeˇ myaˆ myaˆ-ehˇ daˆ-eu dziˇ dzoˆ kʼoeˇ deuˬ dawˬ tawˆ luꞈ, ngaˇ byehˇ nehˬ jiˇ-euˬ maˬ ngeuˇ-a loˇ.