Maꞈtehˬ 17:4 - Akha

⁴ Kʼoeˇ ngeh, Beˬtuˆluˆ Yeˬsuˇ-ahˇ ehˇ nehˬ-eu, “Saˬlaˬ-oˇ, aˬ dui maꞈ heu gaˇ jawˇ-eu aˇ naˆ ni muiˬ-eu nga. Nawˇ nui maˬ tsaˬ naˇ, ngaˇ sehˬ gʼawˆ smˬ gʼawˆ gʼawˆ ma. Nawˬ-euˬ gʼaˇ duˬ tiˬ gʼawˆ, Moˇseˬ gʼaˇ duˬ tiˬ gʼawˆ, Eˇliˇyaˆ gʼaˇ duˬ tiˬ gʼawˆ gʼawˆ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, Beqtuvluv, Yeqsur-anr aernaeq-eu, “Sanqpaq-or! Aqduimaf heugar jawr-eu arnavni muiq-eu nga. Nawr nuima tsaq nar-aq, nga’maf heugar saeqghawv smq ghawv ghawv ma. Nawq-euq gharduq tiq ghawv, Morseq-euq gharduq tiq ghawv hawr-eu Erlirya-euq gharduq tiq ghawv ghawv ma.”

Maꞈtehˬ 17:4 Referans Kwoze

Luˇkaꞈ 9:33

Tsawˇ haˬ kʼoeˇ nyiˬ gʼaˬ Yeˬsuˇ-ahˇ gʼawˬ-iˇ ngeh, Beˬtuˆluˆ Yeˬsuˇ-ahˇ ehˇ nehˬ-eu, “Saˬ laˬ-oˇ, aˬ dui maꞈ heu gaˇ jawˇ-eu aˇ naˆ ni muiˬ-eu nga. Nga maꞈ sehˬ gʼawˆ smˬ gʼawˆ gʼawˆ ma. Nawˬ-euˬ gʼaˇ duˬ tiˬ gʼawˆ, Moˇseˬ gʼaˇ duˬ tiˬ gʼawˆ, Eˇliˇyaˆ gʼaˇ duˬ tiˬ gʼawˆ gʼawˆ ma.” Beˬtuˆluˆ-aˬ, yawˬ ha neh ehˇ-euˬ jeˬ-ahˇ yawˬ ha maˬ siˬ nya-a.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Iˇsaˬyaˇ 33:17

Huiˬ dui dui-eu miˇ kʼahˬ-ahˇ uˆ lahˇ-eu, kʼahˬ sehˇ jaˆ-eu sahˬ paˬ-ahˇ nawˇ ya mawˇ tehꞈ-a.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 4:6

“Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

Zaˬkaˬliˇ 9:17

Aˬ yawꞈ-euˬ miˇ kʼahˬ kʼoeˇ kʼahˬ-aˬ, aˇ naˆ haw muiˬ-eu miˇ kʼahˬ nga. Dzaˬ la gʼo cehˇ aˬ gaꞈ dzaˇ uiˇ, zaˬ guˬ aˬ lmˬ bi mehˇ tehꞈ-a.

Maꞈtehˬ 17:3

Kʼoeˇ naˇ, Moˇseˬ hawˇ-eu Eˇliˇyaˆ aˬ nyaꞈ Yeˬsuˇ nehˬ-ehˇ dawˬ ngehˬ cawˬ luꞈ gaˇ, aˬ ha smˇ gʼaˬ ya mawˇ-euˬ meh.

Yoˇhaˬ 7:2

Sehˬ gʼawˆ-euˬ Bawˬ-iˬ gʼeh-eu aˇ yamˬ peh laˇ-euˬ meh.