Maꞈtehˬ 16:25 - Akha

²⁵ Aˬ jeˬ miˇ neh ehˇ naˇ, yawˬ ha-euˬ dehꞈ-eu jeˬ-ahˇ ka kʼoꞈ-eu lehˇ leh jeh-eu tsawˇ haˬ aˬ geu gʼaˬ maˬ kaˬ, dehꞈ-eu jeˬ-ahˇ ya smˬ-iˇ tehꞈ-a. Ehˇ kʼawꞈ, ngaˬ-euˬ gʼaˇ duˬ yawˬ ha-euˬ dehꞈ-eu jeˬ smˬ-euˬ tsawˇ haˬ aˬ geu gʼaˬ maˬ kaˬ, dehꞈ-eu jeˬ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daefzir yasmq taef-a. Aerkhawf, aqsur ghaq maqkaq, ngaq-euq gharduq yawqha-euq daefzir bismq-ir nar-aq, daefzir za taef-a.

Maꞈtehˬ 16:25 Referans Kwoze

Maꞈtehˬ 10:39

Yawˬ ha-euˬ saꞈ laˇ dehꞈ-eu jeˬ za nya ni leh jeh-eu tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ-ahˇ smˬ-iˇ-awˇ, ngaˬ-euˬ gʼaˇ duˬ yawˬ ha-euˬ saꞈ laˇ dehꞈ-eu jeˬ smˬ-iˇ-euˬ tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ za tehꞈ-a.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.

Maˬkuˆ 8:35

Aˬ jeˬ miˇ neh ehˇ naˇ, yawˬ ha-euˬ dehꞈ-eu jeˬ-ahˇ ka kʼoꞈ-eu lehˇ leh jeh-eu tsawˇ haˬ aˬ geu gʼaˬ maˬ kaˬ, dehꞈ-eu jeˬ-ahˇ smˬ-iˇ tehꞈ-a. Ehˇ kʼawꞈ, ngaˬ-euˬ gʼaˇ duˬ hawˇ-eu laˬ kʼaˬ cehˇ-eu guiˬ lahˬ dawˬ gʼaˇ duˬ yawˬ ha-euˬ dehꞈ-eu jeˬ smˬ-euˬ tsawˇ haˬ aˬ geu gʼaˬ maˬ kaˬ, dehꞈ-eu jeˬ za tehꞈ-a.

Yoˇhaˬ 12:25

Yawˬ ha-euˬ dehꞈ-eu jeˬ-ahˇ gaˬ-eu tsawˇ haˬ-aˬ, dehꞈ-eu jeˬ-ahˇ smˬ-iˇ tehꞈ-a. Miˇ tsaˬ kʼoeˇ taˆ dehꞈ ngeh yawˬ ha-euˬ dehꞈ-eu jeˬ-ahˇ muiˇ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za tehꞈ-a.

Luˇkaꞈ 17:33

Yawˬ ha-euˬ saꞈ laˇ dehꞈ-eu jeˬ za nya ni kʼaˇ leh jeh-eu tsawˇ haˬ aˬ geu gʼaˬ maˬ kaˬ, saꞈ laˇ dehꞈ-eu jeˬ smˬ-iˇ tehꞈ-a. Ehˇ kʼawꞈ, yawˬ ha-euˬ saꞈ laˇ dehꞈ-eu jeˬ smˬ-euˬ tsawˇ haˬ-aˬ, saꞈ laˇ dehꞈ-eu jeˬ za tehꞈ-a.

Iˇsaˬtaˆ 4:16

“Nawˇ iˇ-awˇ Suˇsaˬ meuˬ-ahˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ tiˬ gaˇ tehꞈ-ehˇ kuˇ uiˬ-awˇ, smˬ nah keuˆ ni tiˬ jeˬ-iˬ maˬ dzaˬ maˬ dawˇ ni lah-eu daw-eu laꞈ kʼoeˇ, ngaˬ-euˬ gʼaˇ duˬ guiˬ lahˬ shaˇ-awˬ. Ngaˇ hawˇ-eu ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, kʼoeˇ loꞈ-ehˇ lah ma. Kʼoeˇ naˇ, zahˇ sahˇ kʼoꞈ-ahˇ bahˬ kʼawꞈ ehˬ-ehˇ ngeuˇ-iˬ. Sahˬ paˬ jawˇ gaˇ ngaˇ le ma. Kʼoeˇ loꞈ-ehˇ mˇ-eu baˬ da neh ngaˇ ya shiˇ naˇ kʼawꞈ, nui kʼahˇ shiˇ ma.”

Iˇsaˬtaˆ 4:14

Heu loꞈ-ehˇ keuˆ le teuˇ le-euˬ aˇ yamˬ-ahˇ nawˇ maˬ ngehˬ maˬ tmˇ ni jawˇ te lehˇ ngeuˇ naˇ, Yuˇdaˆ tsawˇ haˬ-ahˇ ngehˬ gʼeh dah teˬ-eu jeˬ mˬ kʼoeˇ taˆ neh oe-awˇ, aˬ yawꞈ maꞈ-ahˇ ka kʼoꞈ tehꞈ-a. Ehˇ kʼawꞈ, nawˇ gʼaˬ-aˬ ya shiˇ-awˇ, nawˬ da-euˬ tsuiꞈ dahˬ-iˇ tehꞈ-a. Ehˇ kʼawꞈ aˬ suˇ gʼaˬ ehˇ nya nmˇ. Heu loꞈ-ehˇ gʼeh-eu aˇ yamˬ aˇ law-ahˇ gaˇ dahˇ bi tsoeˬ-eu gʼaˇ duˬ nawˬ-ahˇ sahˬ paˬ-euˬ miˬ zaˬ bi pyeuꞈ laˇ-euˬ maˬ siˬ tawˇ.”

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Dawˬ tsoˆ 3:6

Byaˇ tawꞈ-eu yamˬ baw-eu loꞈ-ehˇ, dehˬ dzeh-eu yamˬ kʼawꞈ baw-eu meh. Jeˬ hmˬ-eu yamˬ baw-eu loꞈ-ehˇ, biˬ dzeh-eu yamˬ kʼawꞈ baw-eu meh.