Maꞈtehˬ 15:10 - Akha

¹⁰ Kʼoeˇ naˇ, Yeˬsuˇ tsawˇ haˬ aˇ maꞈ-ahˇ kuˇ uiˬ-awˇ ehˇ nehˬ-eu, “Naˇ haˬ-awˇ gʼoˆ shaw geuꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoernar-aq, Yeqsur, tsawrhaq armaf mafma deuq-anr kur-awr heulof-aer aernaeq-euq mae, “Nawmaf narhaq-awr ghovshaw geuf-awq.

Maꞈtehˬ 15:10 Referans Kwoze

Gawˇlawˇsehˇ 1:9

Kʼoeˇ miˇ neh, naw maꞈ-euˬ gaˇ kawˆ ya gaˬ-euˬ tiˬ nah neh, naw maꞈ gʼaˇ duˬ nga maꞈ guiˬ lahˬ maˬ tsehˆ leˇ ni shaˇ luꞈ-eu ma. Yaw sahˇ Miˬyehˇ neh biꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ laꞈ kʼoeˇ, Miˬyehˇ-euˬ nui kʼahˇ-ahˇ siˬ nya-eu jeˬ naw maꞈ laꞈ kʼoeˇ byah laˇ ni shaˇ luꞈ-eu ma.

Luˇkaꞈ 24:45

Kʼoeˇ ngeh, Jaˇ liꞈ-ahˇ gʼoˆ shaw nya ni, aˬ yawꞈ maꞈ-euˬ nui ma-ahˇ aˬ yawꞈ pah nehˬ-euˬ meh.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

Maꞈtehˬ 24:15

“Miˬyehˇ gʼaˇ duˬ ngehˬ dah-eu Daˬyeˬlaˆ neh ehˇ taˬ-euˬ ‘Guˆ dui dui laˇ paˬ-ahˇ gʼeh-eu yaw jawꞈ jeˬ’ -ahˇ naw maꞈ ya mawˇ tehꞈ-a. Yaw jawꞈ jeˬ kʼoeˇ, muiˬ-eu shawˇ-eu jawˇ duˬ-ahˇ ka tuˇ taˬ-awˇ jaˆ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw luꞈ-uˇ.)

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Iˇsaˬyaˇ 6:9

Kʼoeˇ naˇ, “Tsawˇ jeuˬ kʼoeˇ jeuˬ-ahˇ heu loꞈ-ehˇ ehˇ nehˬ-iˇ-awˬ” lehˇ aˬ yawꞈ ngaˬ-ahˇ ehˇ-eu meh. “Gaˬ-eu nui paw ya gaˬ kʼawꞈ, maˬ gʼoˆ shaw nya-a. Mawˇ-eu nui paw ya mawˇ kʼawꞈ, maˬ siˬ duˬ nya-a.

1 Sahˬpaˬ 22:28

Miˇkaˬyaˇ ehˇ-eu, “Nawˇ tiˬ jeˬ-iˬ maˬ ca laˇ-ehˇ gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ ngehˬ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ yaw muiˬ paˬ-ehˇ naˇ haˬ taˬ-awˬ.”

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

Maꞈtehˬ 15:9

Yawꞈ maꞈ ngaˬ-ahˇ uˬ duˬ tahˬ-eu, tiˬ jeˬ-iˬ gaˇ dahˇ maˬ tsoeˬ-a. Yawꞈ maꞈ mehˬ-eu zahˇ sahˇ kʼoꞈ deuˬ, tsawˇ haˬ neh beh-euˬ zahˇ meh lehˇ, Miˬyehˇ ehˇ taˬ-euˬ jaˆ-eu meh.’ ”

Maꞈtehˬ 15:11

Tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu jeˬ-aˬ, kʼaˬ meh laꞈ kʼoeˇ ahˇ-iˇ-eu jeˬ maˬ ngeuˇ-a. Kʼaˬ meh laꞈ kʼoeˇ neh doˆ le-euˬ jeˬ meh.”