Maꞈtehˬ 14:10 - Akha

¹⁰ Aˬ yawꞈ tsawˇ haˬ kʼehˇ gʼeh-awˇ, tawˬ laꞈ kʼoeˇ uˇ luꞈ-eu Yoˇhaˬ-euˬ uˬ duˬ bi deuˆ tsehˆ laˬ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoernar-aq, aqyawf, aqcawq-anr khaerghae-awr, kuv-anr ur-eu Yorhaq-euq uqduq bi tovlaq-ir-euq mae.

Maꞈtehˬ 14:10 Referans Kwoze

Maꞈtehˬ 17:12

Eˇliˇyaˆ aˬ diˇ oe keuˆ gʼaˬ-euˬ meh lehˇ, naw maꞈ-ahˇ ngaˇ ehˇ-eu ma. Ehˇ kʼawꞈ, aˬ cawˬ aˬ yawꞈ-ahˇ maˬ siˬ nya-ehˇ, kʼaˇ jahˇ mawꞈ-eu jahˇ nehˬ-euˬ meh. Kʼoeˇ loꞈ-ehˇ duˇ ni, Tsawˇhaˬ-euˬ Zaˬmaˇ-ahˇ kʼawꞈ, aˬ yawꞈ maꞈ yehˬ bawˬ sehˇ lu-ehˇ jahˇ nehˬ-eu lehˇ gʼeh-eu meh.”

Panmaeq 11:7

Aˬ yawꞈ nyaꞈ Miˬyehˇ dawˬ kawˬ mehˬ gʼaˬ ngeh, yaw li maˬ baw-eu duˬ kʼahˬ-ahˇ doˆ laˇ-euˬ haiˬ-eu jeˬ zaˬ kʼoeˇ mawˇ aˬ yawꞈ nyaꞈ-ahˇ guiˇ deuˆ tehꞈ-a.

Luˇkaꞈ 9:9

Heˬloˆ ehˇ-eu, “Yoˇhaˬ-ahˇ ngaˬ neh uˬ duˬ toˆ tsehˆ-euˬ ma tawˇ. Aˬ suˇ gʼaˬ-euˬ gaˇ kawˆ zahˬ leˇ paˬ-ehˇ paˇ gaˬ le ta.” Kʼoeˇ naˇ, Yeˬsuˇ-ahˇ ya mawˇ ni aˬ yawꞈ leh jeh-euˬ meh.

Maˬkuˆ 9:13

Naw maꞈ-ahˇ ngaˇ ehˇ nehˬ nyaˇ. Eˇliˇyaˆ oe gʼa-euˬ meh. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, tsawˇ haˬ zaˬ deuˬ aˬ yawꞈ-ahˇ yehˬ bawˬ sehˇ lu-ehˇ kʼaˇ gʼeh mawꞈ-eu gʼeh nehˬ-euˬ meh.”

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Maꞈtehˬ 14:9

Sahˬ paˬ Heˬloˆ noeˬ shaˬ dui dui-eu meh. Ehˇ kʼawꞈ, daˬ yah kʼoeˇ myaˆ ni gʼeh-eu mehˬ shi aˬ yawꞈ saˇ jaˇ dzaˬ dzeuˇ-euˬ miˇ neh, aˬ buˇ kʼoeˇ buˇ kʼaˇ ehˇ-eu loꞈ-ehˇ jahˇ nehˬ-eu gʼaˇ duˬ, aˬ yawꞈ dawˬ biꞈ-euˬ meh.

Maꞈtehˬ 14:11

Uˬ duˬ kʼoeˇ siˬ kʼmˬ maˬ sehˇ byehˇ-ahˇ dawˆ ahˇ-awˇ, aˬ buˇ kʼoeˇ buˇ-ahˇ ciˬ ha nehˬ laˇ-awˇ, aˬ buˇ kʼoeˇ buˇ neh aˬ yawꞈ-euˬ aˬ ma-ahˇ ciˬ nehˬ-euˬ meh.