Maꞈtehˬ 12:45 - Akha

⁴⁵ Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Khoerngae, aqyawf, aqyawf naeq-aer bijawr-eu laer, aqyawf navmaqtser cawvdzaeq-eu naef shif mawr sheuqlaq-ir-awr jawrler-euq mae. Arsaq saqlar ngae-aq, tsawrhaq khoerghaq-euq ardeuv artiv, yawbae navmaqtser doerdzaeq-ir-euq mae. Zawr cawv-eu heuzir khawf khoerlof-aer pyeuflar taef-a.”

Maꞈtehˬ 12:45 Referans Kwoze

Luˇkaꞈ 11:26

Aˬ yawꞈ paˇ doˆ-iˇ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laꞈ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ doeˇ dzehˬ laˇ tehꞈ-a.”

Maˬkuˆ 5:9

Yeˬsuˇ ehˇ-eu, “Nawˬ-euˬ tsawˇ myahˇ aˬ joˆ-ehˇ myahˇ teˬ.” Aˬ yawꞈ ehˇ-eu, “Nga maꞈ yaw myaˬ miˇ neh, ‘Yehˇyehˇmaꞈ’ lehˇ myahˇ-euˬ ma.”

Maˬkuˆ 16:9

(Tiˬ jaw laꞈ kʼoeˇ aˇ dahˬ beh-eu nah uˬ shawˬ yaw naꞈ-ehˇ, Yeˬsuˇ shiˇ-euˬ paˇ gʼoꞈ dehꞈ laˇ ngeh, aˬ yawꞈ neh nehꞈ shiꞈ mawˇ teh doˆ nehˬ-euˬ gʼaˬ pyeuꞈ-eu Maˬliˇ Maˬgaˬdaˬlaˇ jawˇ gaˇ jeˬ huˬ doˆ le-euˬ meh. (Zaˬ miˬ zaˬ kʼoeˇ smˇ gʼaˬ Beˬtuˆluˆ hawˇ-eu aˬ yawꞈ-euˬ cawˬ deuˬ jawˇ gaˇ iˇ-awˇ, aˬ yawꞈ maꞈ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, yaw nymˇ nymˇ-ehˇ dzawˇ poˆ nehˬ-euˬ meh.

HeˬByehˇ 10:39

Ehˇ kʼawꞈ, aˬ dui-aˬ, mehˬ nah paw zeuˆ pyawˇ-awˇ luˬ-iˇ seˇ-iˇ-eu paw iˇ luꞈ-eu tsawˇ haˬ maˬ ngeuˇ. Jah-eu nui ma ahˇ-awˇ, ka kʼoꞈ-eu jeˬ za-euˬ tsawˇ haˬ ma.

Maꞈtehˬ 23:24

Gaˇ ma mehˬ-eu myaˆ behꞈ deuˬ-oˇ, naw maꞈ aˬ gaꞈ dzaˇ uiˇ dawˇ ngeh, puˬ teˇ muˆ tiˬ mawˇ-iˬ maˬ bi ahˇ ni dzeˇ dzeh-awˇ dawˇ kʼawꞈ, law taw mawˇ lah-ehˇ myoꞈ ahˇ gaˇ duˇ-eu meh.

Maꞈtehˬ 12:24

Kʼoeˇ loꞈ-ehˇ ehˇ gaˇ Paˬliˬsehˇ deuˬ ya gaˬ ngeh, “Tsawˇ haˬ teu gʼaˬ nehꞈ sahˬ paˬ Beˬlaˇzeuˬbuˇlaˆ-euˬ baoˬ-ahˇ gʼoe-awˇ nehꞈ teh doˆ-eu nga” lehˇ ehˇ-eu meh.

Eˇpeˇsu 6:12

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Maꞈtehˬ 23:15

Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ tsawˇ haˬ yaw shuiꞈ tiˬ gʼaˬ bi uˇ laˇ-eu gʼaˇ duˬ, miˇ kʼahˬ poˆ laˆ cah paˇ-awˇ, laˆ shaˆ nui baˬ iˇ tsehˆ iˇ tsehˆ-ehˇ naw maꞈ leh jeh-eu meh. Ehˇ kʼawꞈ, tsawˇ haˬ kʼoeˇ gʼaˬ-ahˇ naw maꞈ mehˬ paˇ nehˬ gʼaˬ ngeh jawˇ, naw maꞈ loꞈ-ehˇ shiˬ buiˇ lah ma-ahˇ uˇ leˇ-eu paw, gʼaˬ nyiˬ bymˇ paˇ kʼaˆ dzehˬ laˇ ni jahˇ nehˬ gaˇ duˇ-eu meh.

Maꞈtehˬ 12:44

Kʼoeˇ naˇ, ‘Ngaˬ-euˬ nymˇ-ahˇ paˇ gʼoꞈ jawˇ leˇ ma’ lehˇ ehˇ-awˇ gʼoꞈ leˇ ngeh, nymˇ kʼoeˇ nymˇ juˇ tsui ni laˆ saˆ taˬ-awˇ, tiˬ gʼaˬ-iˬ maˬ jawˇ ni ngehꞈ luꞈ gaˇ ya mawˇ-euˬ meh.

Uˬ duˬ 13:20

Piˇ ma gʼaˬ aˬ yawꞈ-ahˇ pyehˆ tseˇ haw-awˇ, maˇ cuˬ maˇ naˇ kʼoeˇ shaˬ jiˇ baˆ kʼoˆ naˆ maˬ tseˇ naꞈ gaˇ ya mawˇ-awˇ, kʼoeˇ gaˇ tsoꞈ-eu caꞈ hm deuˬ pyuˇ laˇ taˬ-euˬ ya mawˇ naˇ, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ ya daˇ tsehˆ nehˬ meh. Kʼoeˇ-aˬ, shaˬ ciˬ ciˬ gaˇ neh pyeuꞈ doˆ laˇ-euˬ nyawˬ naˇ-eu maˇ naˇ meh.