Maꞈtehˬ 12:28 - Akha

²⁸ Miˬyehˇ-euˬ Yaw sahˇ-ahˇ gʼoe-awˇ ngaˇ nehꞈ teh doˆ-eu ma. Heu-aˬ, Miˬyehˇ Miˇkʼahˬ naw maꞈ kʼoeˇ taˆ keuˆ le-euˬ gaˇ kawˆ saˇ kiˇ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Ngar, Miqyaer-euq Saflar-anr ghoeghoe-aer naef-anr taedov-eu ngeur nar-aq, Miqyaer uvlanr-eu jeq nawmaf jawr-eu gar keuvle-euq mae.

Maꞈtehˬ 12:28 Referans Kwoze

Luˇkaꞈ 11:20

Miˬyehˇ-euˬ laꞈ noeˇ-ahˇ gʼoe-awˇ ngaˇ nehꞈ teh doˆ-eu ma. Heu-aˬ, Miˬyehˇ Miˇkʼahˬ naw maꞈ kʼoeˇ taˆ keuˆ le-euˬ gaˇ kawˆ saˇ kiˇ pyeuꞈ-eu meh.

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Maꞈtehˬ 21:43

“Kʼoeˇ miˇ neh, naw maꞈ-ahˇ ngaˇ ehˇ nehˬ nyaˇ. Miˬyehˇ Miˇkʼahˬ naw maꞈ-euˬ laꞈ-ahˇ neh yuˇ doˆ-awˇ, yaw tsaˬ yaw dawˇ jeˬ mˇ-eu tsawˇ jeuˬ tiˬ jeuˬ-ahˇ a nehˬ tehꞈ-a.”

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gawˇlawˇsehˇ 1:13

Yaw zahˇ-euˬ baoˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-awˇ, aˬ yawꞈ-euˬ Zaˬmaˇ-euˬ miˇ kʼahˬ laꞈ kʼoeˇ aˬ dui-ahˇ sheuˬ ahˇ nehˬ laꞈ-euˬ meh.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Luˇkaꞈ 16:16

Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ boꞈ taˬ-euˬ deuˬ-aˬ, Iˇ cuꞈ shawˇ-eu Yoˇhaˬ maˬ doˆ le mi naˆ-ehˇ keuˆ ni-euˬ gʼaˇ duˬ meh. Yoˇhaˬ-euˬ ziˇ-ahˇ neh dahˬ beh-awˇ Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-awˇ, tsawˇ haˬ yawˬ gʼaˬ na luꞈ tahˬ ceh ceh-awˇ kʼoeˇ gaˇ uˇ leˇ-eu leh jeh luꞈ meh.

Maˬkuˆ 1:15

Aˬ yawꞈ ehˇ-eu, “Aˇ yamˬ tsaˬ laˇ-euˬ meh. Miˬyehˇ miˇ kʼahˬ keuˆ le-eu dawˬ peh peh laˇ-euˬ meh. Iˬ baˇ noeˬ poˆ-awˇ Laˬ kʼaˬ cehˇ-eu Guiˬ lahˬ dawˬ-ahˇ jah-awˬ.”

Maꞈtehˬ 21:31

Aˬ li kʼoeˇ nyiˬ li, aˬ geu gʼaˬ aˬ da-euˬ nui kʼahˇ mˇ-euˬ nga.” Aˬ yawꞈ maꞈ ehˇ-eu, “Aˬ yuiꞈ gʼaˬ meh.” Aˬ yawꞈ maꞈ-ahˇ Yeˬsuˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, naw maꞈ-euˬ aˬ hu Miˬyehˇ Miˇkʼahˬ-ahˇ ya uˇ leˇ meh.

Luˇkaꞈ 9:2

Kʼoeˇ naˇ, Miˬyehˇ Miˇkʼahˬ gaˇ kawˆ dawˬ mehˬ mehˬ-eu gʼaˇ duˬ hawˇ-eu, naˇ gawˇ laˆ saˆ-eu gʼaˇ duˬ, aˬ yawꞈ maꞈ-ahˇ kʼehˇ gʼeh-euˬ meh.

Maˬkuˆ 16:17

Jah-eu tsawˇ haˬ deuˬ-aˬ, zahˬ leˇ paˬ-ehˇ gʼeh-eu jeˬ mˇ nya-eu baoˬ za tehꞈ-a. Ngaˬ-euˬ tsawˇ myahˇ uˬ moˆ awˬ yawꞈ maꞈ nehꞈ teh doˆ tehꞈ-a. Maˬ gaˬ haw-euˬ dawˬ gʼawˬ mya jeˬ aˬ yawꞈ maꞈ ngehˬ nya tehꞈ-a.

Daˬyeˬlaˇ 2:44

Sahˬ paˬ sahˬ ma kʼoeˇ deuˬ dzoeˬ dzaˬ-eu aˇ yamˬ-ahˇ, mˬ taˆ Miˬyehˇ miˇ kʼahˬ tiˬ kʼahˬ beh tehꞈ-a. Miˇ kʼahˬ kʼoeˇ kʼahˬ-aˬ, mˬ maˬ maˬ byaˆ zaˇ ziˇ ziꞈ-eu miˇ kʼahˬ pyeuꞈ-awˇ, aˬ cawˬ maˬ deuˆ gʼaˬ nya-eu miˇ kʼahˬ meh. Ehˇ kʼawꞈ, miˇ kʼahˬ kʼoeˇ kʼahˬ neh miˇ kʼahˬ kʼoeˇ deuˬ dawˬ tawˆ luꞈ-ahˇ tiˬ saˬ tiˬ li laˆ cawˆ byoˆ nehˬ jiˇ-awˇ, mˬ maˬ maˬ byaˆ zaˇ ziˇ ziꞈ dah ni gʼeh-eu miˇ kʼahˬ pyeuꞈ laˇ tehꞈ-a.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

Luˇkaꞈ 10:11

‘Nga maꞈ heu gaˇ laˇ keuˆ yaꞈ-euˬ saˇ kiˇ pyeuꞈ ni, nga maꞈ-euˬ aˬ kuiˇ pehˬ zaˬ-ahˇ lehꞈ laˇ-euˬ naw maꞈ-euˬ meuˬ-ahˇ jaˆ-eu kʼaˬ lehˇ-ahˇ keuˆ ni, heu gaˇ sawˆ kʼaˇ nehˬ yaꞈ ma de. Ehˇ kʼawꞈ, Miˬyehˇ Miˇkʼahˬ naw maꞈ jawˇ gaˇ keuˆ le-eu dawˬ peh peh laˇ-euˬ meh lehˇ siˬ nya-awˬ’ lehˇ ehˇ nehˬ-awˬ.

Maˬkuˆ 11:10

Aˬ dui-euˬ aˬ poeˬ sahˬ paˬ Daˬbiˇ-euˬ miˇkʼahˬ pyeuꞈ-eu, nymˬ-mˇ keuˆ le luꞈ-eu miˇ kʼahˬ heu kʼahˬ-ahˇ Miˬyehˇ guiˬ lahˬ biꞈ luꞈ-uˇ. Miˬyehˇ-ahˇ ja ceuˬ-awˬ.”

Maꞈtehˬ 12:18

“Ngaˇ nui kʼahˇ shiˇ-awˇ tseˇ doˆ-euˬ, ngaˇ gaˬ-eu zaˬ kʼaˆ-ahˇ haw sheˇ. Ngaˬ-euˬ Yaw sahˇ ngaˇ kʼehˇ leꞈ-awˇ, aˬ yawꞈ kʼoeˇ taˆ bi jawˇ le-awˇ, ngaˇ yaˇ kʼaˬ daˇ-eu gaˇ kawˆ-ahˇ, miˇ kʼahˬ tsawˇ jeuˬ siˬ nya jiˇ ni, aˬ yawꞈ tsaꞈ gaˬ doe-iˇ tehꞈ-a.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maꞈtehˬ 12:29

“Tsawˇ haˬ tiˬ gʼaˬ-iˬ gʼaˬ kʼaˆ aˬ da-euˬ nymˇ-ahˇ uˇ leˇ-awˇ, myawˬ gahˬ maˬ yuˇ geuꞈ leˇ nya-a. Gʼaˬ kʼaˆ aˬ da kʼoeˇ gʼaˬ-ahˇ paꞈ cuꞈ gʼaˬ miˇ tsa tehꞈ-ehˇ, aˬ yawꞈ-euˬ nymˇ laꞈ kʼoeˇ jaˆ-eu myawˬ gahˬ yuˇ geuꞈ nya-eu meh.

1 Yoˇhaˬ 3:8

Iˬ baˇ kʼaˇ mˇ daˆ leꞈ-eu tsawˇ haˬ-aˬ, Nehꞈ sahˬ paˬ-ahˇ taꞈ-eu tsawˇ haˬ meh. Aˬ jeˬ miˇ neh ehˇ naˇ, Nehꞈ sahˬ paˬ-aˬ, aˇ dahˬ beh ngeh neh iˬ baˇ mˇ daˆ laꞈ-euˬ meh. Kʼoeˇ baˬ da neh, Miˬyehˇ-euˬ Zaˬmaˇ oe-euˬ meh. Nehꞈ saˬ paˬ neh mˇ taˬ-euˬ jeˬ-ahˇ laˆ cawˆ-eu gʼaˇ duˬ oe-euˬ jeˬ pyeuꞈ-eu meh.