Maꞈtehˬ 11:18 - Akha

¹⁸ Yoˇhaˬ oe ngeh, hawˬ maˬ dzaˬ ni dzahˬ-awˇ aˬ gaꞈ dzaˇ uiˇ maˬ dawˇ-eu miˇ neh, ‘Tsawˇ haˬ heu gʼaˬ nehꞈ uˇ-eu tsawˇ haˬ ngaˇ’ lehˇ, yawˬ gʼaˬ na luꞈ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Yorhaq oe ngae, maqdzaq maqdawr-eu mirnae, aqcawq, ‘Aqyawf-aq, naef ur-eu tsawrhaq nga’ laer aer-eu mae.

Maꞈtehˬ 11:18 Referans Kwoze

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Maꞈtehˬ 3:4

Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh.

Yoˇhaˬ 10:20

Aˬ yawꞈ maꞈ myaˬ tiˬ paˆ ehˇ-eu, “Tsawˇ haˬ teu gʼaˬ nehꞈ uˇ-awˇ uˬ tsehˆ-euˬ ngaˇ. Aˬ jeˬ miˇ neh aˬ yawꞈ ehˇ gaˇ naw maꞈ naˇ haˬ te.”

Yoˇhaˬ 8:48

Aˬ yawꞈ maꞈ Yeˬsuˇ-ahˇ ehˇ-eu, “Nawˇ-aˬ, Saˬmaˬliˆ tsawˇ haˬ pyeuꞈ-awˇ, nawˬ-euˬ laꞈ kʼoeˇ nehꞈ uˇ ngaˇ lehˇ nga maꞈ ehˇ-eu maˬ tsaˬ nya loˇ.”

Yoˇhaˬ 7:20

Tsawˇ haˬ aˇ maꞈ ehˇ-eu, “Nawˇ nehꞈ uˇ-eu ngaˇ. Aˬ suˇ gʼaˬ nawˬ-ahˇ sehꞈ-eu gʼeh nga lehˇ ehˇ te.”

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Yeˬlaˬmiˇ 15:17

Ngaˇ aˬ cawˬ nehˬ-ehˇ uiˇ uiˇ-ehˇ laˬ kʼaˬ cehˇ-eu laꞈ kʼoeˇ, aˇ yamˬ maˬ bi jiˇ haw-aˬ. Nawˬ-euˬ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha jawˇ-awˇ, nui ma pehˇ pehˇ-ehˇ shaˬ-euˬ ma. Aˬ jeˬ miˇ neh ngaˬ-euˬ shaˬ zahˬ maˬ jiˇ ta.

1 Gawˇliˬtu 9:27

Aˬ cawˬ-ahˇ dawˬ mehˬ mehˬ-eu gʼaˬ geuꞈ-eu kʼawꞈ, yawˬ ha gʼaˬ Miˬyehˇ mehˬ shi smˬ-iˇ-euˬ tsawˇ haˬ maˬ ya pyeuꞈ-eu gʼaˇ duˬ, ngaˬ-euˬ gʼawˇ mawˇ gʼahˇ laˇ ni yawˬ haˇ yawˬ ha teˇ teˇ-ehˇ zuiˆ luꞈ-eu ma.

Gʼaˬkʼehˇ 26:24

Pawˇluˆ aˬ yawꞈ-euˬ gaˇ kawˆ ngehˬ kʼoꞈ-awˇ kʼoeˇ loꞈ-ehˇ dzawˇ luꞈ ngeh, sahˬ paˬ Beˬtuˇ aˬ yawꞈ-ahˇ guˇ-awˇ ehˇ-eu, “Pawˇluˆ-oˇ, nawˇ uˬ tsehˆ-euˬ ngaˇ. Nawˇ tsawˇ gahˇ aˇ dzehˬ dzaw dzeuˇ-awˇ dzaw uˬ-euˬ ngaˇ.”

Yeˬlaˬmiˇ 29:26

“Yeˬhawˇyaˬdaˬ-euˬ dah zaˇ Sahˬpaˬ Miˬyehˇ nawˬ-ahˇ piˇ ma ka nehˬ gʼaˬ-euˬ miˇ neh, nymˬ-mˇ Uˬ duˬ tahˬ nymˇ nymˇ ma laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ nawˇ meh. Kʼoeˇ miˇ neh, Miˬyehˇ gʼaˇ duˬ ngehˬ dah-eu tsawˇ haˬ jahˇ geuꞈ-eu tsawˇ uˬ yawˬ gʼaˬ na luꞈ-ahˇ, aˬ kuiˇ-ahˇ shmˇ caˆ paꞈ-awˇ kawˬ lahˇ-ahˇ shmˇ laꞈ gʼahˬ nyehꞈ tawꞈ nehˬ-eu-aˬ, nawˬ-euˬ gaˇ meh.

2 Sahˬpaˬ 9:11

Aˬ yawꞈ-euˬ cawˬ yaw huiˬ yaw mahˇ kʼoeˇ deuˬ jawˇ gaˇ Yeˬhuˇ gʼoꞈ leˇ ngeh, “Aˬ jeˬ gʼeh ta. Tsawˇ haˬ kʼoeˇ gʼaˬ nawˬ-ahˇ aˬ jeˬ ehˇ laˇ taˬ” lehˇ aˬ yawꞈ-ahˇ naˇ haˬ-euˬ meh. “Tsawˇ haˬ kʼoeˇ gʼaˬ aˬ jeˬ ehˇ-eu naw maꞈ siˬ nya meh” lehˇ aˬ yawꞈ ehˇ kʼoꞈ nehˬ-euˬ meh.

Maꞈtehˬ 9:34

Ehˇ kʼawꞈ, Paˬliˬsehˇ deuˬ ehˇ-eu, “Nehꞈ Sahˬpaˬ-euˬ baoˬ-ahˇ aˬ yawꞈ gʼoe-awˇ nehꞈ teh doˆ-eu ngaˇ.”

Maꞈtehˬ 11:17

‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’

Maˬkuˆ 3:22

Yeˬluˇsaˬlehˬ meuˬ-ahˇ neh oe-euˬ Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ-aˬ, “Aˬ yawꞈ-euˬ laꞈ kʼoeˇ Beˬlaˇzeˬbuˇlaˆ uˇ-eu nga. Nehꞈ sahˬ paˬ neh aˬ yawꞈ-ahˇ nehꞈ teh doˆ nya-eu baoˬ biꞈ taˬ-euˬ nga” lehˇ ehˇ-eu meh.

Yoˇhaˬ 8:52

Aˬ yawꞈ maꞈ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ nehꞈ uˇ-eu nga maꞈ-ahˇ siˬ duˬ laˇ ngaˇ. Aˬbyaˬhaˬ gʼeh shiˇ-euˬ meh. Miˬyehˇ gʼaˇ duˬ ngehˬ dah-eu deuˬ gʼeh shiˇ jiˇ-euˬ meh. Ehˇ kʼawꞈ, nawˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ geuꞈ-eu tsawˇ haˬ maˬ shiˇ-aˇ lehˇ nawˇ ehˇ-eu nga laˬ.